件件貨都咁大點搬落嚟? 唔知有冇速遞服務到香港

一定有啦

其實我想知道香港邊度有地方擺？

價真棧賣過 Kirkland D貨，香港地方細，好難放大量物品。有地方放嘅人好多有錢唔會bulk buy.

點會無，只要唔係違禁品，塞爆幾隻貨櫃都可以落香港

見平就無蝕底，買咗先算，拎幾條廁紙＋兩樽洗頭水去拜年，時髦呀。。

最後修改時間: 2024-01-08 21:24:21

香港人屋企擠得廁紙就擠5到米

呵呵　~~ 迷您倉又可以大做

幾個月後發覺好多都過哂期，最後貼張１１蚊，送哂去垃圾房。

舟車勞頓，慳得幾多？真的同一種貨品平好多？定係另一種平貨品？

佢哋係玩買家心理嘅高手,呢一個商業模式正正打中亞洲人消費心理,"你睇我買呢樣嘢平過你幾多,慳咗幾多幾多錢?", 尋寶心理亦都會上癮。在加上間舖要舟車勞頓特登去,又畀咗一筆又會費,要買某個數額先至慳得返會費,最後當然一定會超買。所以結果囤積大量不會腐爛嘅日用品,用成年都用唔完,本地零售商就中曬招

仲有呢個因素 .. 覺得仲抵，相反南下個班就只有玩即日遊＋慳住使

#3 其實我想知道香港邊度有地方擺？
========================================

香港超市，成曰打孖上；兩條厠紙、兩三樽油、兩支豉油、兩pack即食麵、兩pack汽水...........，揾位放都好頭痕，仲上去抬落嚟，我就真係無本事買大屋去載!

呢D銷費未就係鼓勵產生廢物，又吾見有人搞？

貨場式超市，唔係幾多年前遮，香港都有開過，有幾個場，90年代初喺觀塘碼頭附近，西九中心, 九招牌唔記得係叫乜mart , 價真賤喺亞皆老街/窩打老道交界，都係大包裝貨及幾件一併賣，而家d 人太遲出世而對 Costco 好似開心大發現？

舟車勞頓，慳得幾多？真的同一種貨品平好多？定係另一種平貨品？

》 同一件貨，又或者數量或 size 大好多. 例如 Haagen daz 雪糕, 香港 1/3 價錢咁上下，exactly same packaging

又例如我做高強度運動時食嘅 gel, 閒閒地無特價都平香港一半



最後修改時間: 2024-01-09 00:18:52

#15

屯門開過家樂福，好快執笠

係英國 Costco 都幾受歡迎，同係咪捉亞洲人心理基本上無關係，因為多數本地人購買，基本上每個月都會去一次半次

香港屋大唔大反而唔係咁大問題，而係香港太方便，駛鬼買咁多

香港地方細，根本唔識合呢Ｄ貨倉式超市嘅貨品

外國地方，幾乎所有人都揸車，屋企地方亦相對較大，買呢Ｄ嘢就識合

係英國求其搵間兩房屋嘅樓梯底已經可以放好多，未計係花園個 shed. 個 shed 細細地都大過香港嘅房，所以無乜存放問題，我個 shed 有埋雪櫃，大時大節時先用