- #1 [鼓佬], 18-03-03 23:35
- #2 [ernest], 18-03-04 00:13黃昏去海神廟
- #3 [HiEndfans], 18-03-04 02:51峇里係滑浪天堂, 多數海灘都係有浪, even 你出去 kuta/legian beach, 都會有過頭浪, 所以不懂水性, 請勿下水……
禾上次去 $1USD 換 15000 盾, 最好係香港換定美金先去, 再係 Kuta Square 或者 Legian Street 既 official 找換店兑錢, 每次換一兩百美金已夠用, 記住唔好同唔相熟既街舖兑錢, 呃到你葷呀!!
換左錢, 就可以去玩, 禾就租綿羊, 識人租就$4蚊美金一日, 唔識就俾 double 包保險, 亦可以租車自駕或包埋司機, 再唔係就坐的士啦, 以前只會揀淺藍色既的士搭, 上車一定會睇 meter 收錢, 依家深藍色既的士日頭也睇 meter 收錢, 唔會開天殺價, 但入夜就會, 不過禾都有綿羊揸, 打爆油缸都唔駛$3 蚊美金!
先介紹峇里彌敦道 Legian street, 全條街都係食肆, 酒吧, boutique, 指定要行匀兩邊, 一定大把野岩你心水可以買, 又可以去 kuta Sheraton 個 mall 行……
浪漫 d, 可以同女友去 Jimbaran 既海灘撐枱腳食燒海鮮, 禾介紹你哋去食 Bali Bakery Kuta (禾既每日飯堂), 食完記得買餅返酒店慢慢再嘆! 佢隔離間日本料理食 lunch 亦平靚正, 日頭多數係小貓三四件㗎婆, 夜晚太多人好嘈!! Fat Chow 既 fusion 菜禾覺得一般, Sushi Tei 要早少少去, 夜晚太多排隊, 食物質素同元六差不多!! 跟著, 要幫禾相熟既峇里唐人開既食肆賣廣告, 有“東方之珠”taste of oriental, 係食肉骨茶米線 + 廣東式小菜, 老闆係馬拉華僑, 同佢講廣東話 say Hi 爹兩句啦, 另一間禾晚晚例必去食夜粥既係“老大” Warung Laota, Tuban 例牌必叫兩三斤淡水大頭蝦食飽肚, 若果全程只食酒店既食物, 就失去左食當地地道美食喇, 可以去 Holiday Inn 或者 The rock hotel 食一次既, 其餘太多地方同好味食肆介紹, 你得 5日4夜, 太短啦, 禾上次玩左 36日, 俾海關罰左 6 日 stay over, 盛惠$三百萬印尼盾, @&xy@z& 8+26………
Tannh lot 海神廟梗係日頭去啦, 個樹一到晏晝兩點後返出去 Legian 同 Kuta 好塞車嫁, 純粹影幾張相打個 round 好走啦, 冇好野食亦冇乜手信可以買, 而且好多蝗蟲團一車車來, 早 d 去就唔駛撞到班蝗蟲啦! 必去參觀既有 Uluwatu, 若果 plan 吓係個樹同你女友結緍, 佢實肯同你一生一世既啫!! The Rock bar 係 Ayana 酒店海邊崖壁上, 有間大量型男美女 hea 吓飲吓野既打卡放 fb 理想地點!! 想夜蒲就又係打卡熱點 Hard Rock Cafe-Bali, 要見識吓七個室内籃球場咁大間既 Disco 同天台 bar, 一定要去 Sky Garden, 附近全部都係夜蒲店不夜天……
仲有個最近翻新既水上樂園 waterbom 可以玩吓既, 買日用品可以去 Carrefour 家樂福, 仲有乜野想知要問呀?
禾除左 Kuta beach 每日傍晚 6 點前, 一定會返去打卡之外, 禾去玩既全部係滑浪熱點, 唔太適合你哋去, 不過都可以介绍吓既, 首選 Dreamland, 再去 Canggu, Padang Padang, Kuta reef, Airport left……
最後修改時間: 2018-03-04 03:08:12 -
- #4 [HiEndfans], 18-03-04 03:25想係 Kuta 租船釣魚, 去 holiday Inn 往沙灘行, 有大量船家可以租船, 禾哋以前十幾友租四隻船出 Kuta reef 同 airport left, 一邊全部出晒去滑浪, 只留返一隻船 stay 做補给飲品同釣魚外, 基本上你可以玩埋浮潛, 得 3-5 米水深既珊瑚礁, 潛入水仲多海底世界野睇, 徒手捉龍蝦亦試過, 禾哋有時玩到攰, 索性企上珊瑚礁石上到等浪到, 水到半腰深咋, 至於釣到既魚就多數手板大, 最大試過有一尺長既青衣! 當你潛入水就知道個珊瑚礁既魚, 大約有幾大嫁啦, 禾哋會拎返去 Poppies Lane1 既 Bamboo Corner 叫佢哋幫手整黎食!
最後修改時間: 2018-03-04 03:31:05 - #5 [HiEndfans], 18-03-04 03:34記著每日傍晚 6 點前, 準時到 Kuta beach 睇咸蛋黃, 赤道地區一年365日都一樣嫁!
- #6 [HiEndfans], 18-03-04 03:42Tanah Lot……
- #7 [HiEndfans], 18-03-04 03:43水退時, 又唔同……
- #8 [HiEndfans], 18-03-04 03:45Uluwatu, nothing to lose!!
- #9 [HiEndfans], 18-03-04 03:51禾好掛住 Uluwatu 既浪, 呢個世界幾難得可以走一個浪成分鐘咁耐, 而呢分鐘就係禾人生中覺得最開心既時刻!!
- #10 [HiEndfans], 18-03-04 04:11最 last but not least 要提醒大家既, 峇里島係信奉印度教, 好多時門外有兩個四方形兜, 係用黎拜神既, 唔小心踩到就執返正佢啦, 咁你就有好運喇!! 另外, 太多鬼佬聚集既食肆同酒吧就唔好入去, 因為佢哋係 Muslim 要襲擊既對象, 同埋千祈咪買任何毒品, 全部係 fake drugs, 連草都可以賣假, 峇里仔都有幾多古惑仔, 尤其係的士佬!!
- #11 [sbug], 18-03-04 06:25借位一問:
土藍奔 有冇靚resort 比家人? 怕家人冇娛樂....
我潛水,屋企人 play dead. 六月,七月天氣點?
Thank you 台長! - #12 [HiEndfans], 18-03-04 08:57早呀, sbug 兄!
Wow, Tulamben 係 Kubu 個頭仲遠過去阿貢火山, 同旅遊區 Kuta 完全係南轅北徹既兩個地方, 乜玩到咁偏遠既地方既??
Okay, 峇里島 4-9 月係 dry season, 全程吹東南季候風, 禾上次 8月去, 得一晚落過場花灑雨咋, 若果禾一個人去 Kubu 就真係 dry 到爆喇……又冇得夜蒲!!
Kubu 得一條主要道路 JL Kubu 出入, 所有 Resort 同酒店大多數係道路兩邊興建既, 你上 Agoda 找 Bali > Kubu/Tulamben 就有大把酒店選擇, 食就留返係自己酒店或其他酒店開餐啦, Kubu 個邊應該冇街邊檔整峇里三色西多, 印尼炒飯 Nasi Goreng 同 Mee Goreng 炒麵, 食街邊燒沙爹就更難, 個頭得間 Pa Gitar Corp 既 mall 可以俾你家人行吓, 其他都係潛水用品店多, 連 outlet 都冇間, shopping 要返出去 Kuta 先有……你真係好聰明!! - #13 [Dlbf], 18-03-04 09:19台長,
你係峇理旅遊局局長!勁! - #14 [HiEndfans], 18-03-04 09:24禾係峇里只住 4星級酒店, 因為小數怕長計, 若果只去4-5日, 禾一定住 Ayana 或者 4 season, 但住個幾月就襟計囉……
嗱, 禾呢間住過三個星期既酒店, 行出 Kuta beach 只係三條街, 盛惠$25蚊美金一晚包早餐, 係差厠所冇一個浴缸浸吓啫, 不過每日都落海浸飽水喇, 浸到皺皮呀! - #15 [HiEndfans], 18-03-04 09:28早呀, Joe 兄, 你成日出海周圍去, 幾時有空位預埋禾呀? 禾份新工冇做了, 依家好得閒, 咪寫吓旅遊日誌俾大家參考吓囉!
禾講返禾間酒店房先, 有自己私人露台…… - #16 [HiEndfans], 18-03-04 09:30個私人露台最正係……
- #17 [HiEndfans], 18-03-04 09:32每朝係二樓跳落去泳池, 玩高台跳水……wahaha!!
- #18 [HiEndfans], 18-03-04 10:20全世界有 18% 既珊瑚礁係印尼, 講海底世界最多花款以 "Coral triangle" 由婆羅洲, 蘇拉威西島至巴布亞一帶既珊瑚礁最靚, sbug 兄有機會就試吓去婆羅洲, 除左睇紅毛猩猩之外, 佢個海底世界聽講係世外桃源, 好少人去過參觀!!
- #19 [HiEndfans], 18-03-04 10:32禾只喜歡係峇里玩大浪, 愈大愈刺激呀……
呢個係某一朝早既 Kuta beach break(over-1.5 overhead height) - #20 [HiEndfans], 18-03-04 10:33Dreamland 既 reef break 有 7-10 ft
- 下一頁 (1 of 6)
- 返回 ...
由於假期限制只可以5日4夜
有問題請教各位
會入住 巴里島庫塔海景精品度假村
第一日行程會去 峇里野生動物園
第二日想出海釣魚
想問庫塔有無呢?
因為網上見只有南灣
另外想問庫塔日間及夜間有什麼值得去地方?
謝謝