- #41 [HiEndfans], 18-03-04 23:21不過, 係呢樹釣魚會有好嘈飛機升降聲, 全部係你頭頂升空/降落, 鐘意睇飛機又可以多一個娛樂節目, 你準備用乜野魚鉺釣大魚呀? 禾哋用中指咁長既死蝦, 用一粒鉛放兩個單勾, 用普通魚排魚絲已經夠釣魚, d 死蝦可以同租船既船家買, 又或者去家樂福買大 d 既蝦去釣, 個 d 珊瑚魚好精, 唔會成隻蝦生吞, 啄食幾啖就走人, 因為禾潛左落去睇過班魚點食鉺, 仲特登拉禾班浪友既魚絲玩吓佢哋, 以為有大魚上釣……hehe!!
- #42 [cokelight], 18-03-05 11:47sbug兄, Tulamben荒蕪都不得了, 你自己去潛, 留家人去水上樂園玩下啦! 我上次去潛 (只係fun diving) 由seminyak去好似要成3個鐘, 即日來回, 因為附近真係咩都無, 只得一間小食店同少少民居
Tulamben真係好靚, 好淺水已經好多魚睇. 出島可以考慮LEMBOGAN - #43 [jcmbz], 18-03-05 12:16估唔到台長原來咁多去BALI....
點都好, 我想補充下
1. 唔知你會坐邊班機, 不過最好避免坐HX既晚上7點既機, 尤其係大陸假期, 如果唔係當你半夜1點到, 入境分分鐘玩你兩個鐘
2. 千萬唔好響街唱錢, 佢地真係會變魔術
3. 火山要爆唔爆又爆D唔爆D, 自己小心預行程
4. 細範圍又對自己技術有信心先好租老電, 如果唔係包車會好D, 大路一般有差佬SET ROAD BLOCK囉錢 -
- #44 [jcmbz], 18-03-05 12:21另外BALI東面好靚, 商業味淡, 其中一個原因係因為BALI人火化完係會響果度攪掂最後一個步驟. 所以一般BALI人對東面係比較尊重, 亦係少響東面玩水, 更加唔好話會食"海鮮"
而亦有說法話東面既海有D脾氣...
自己可以因應情況留意
當然KUTA個海亦有傳說係年年都會卷走一個人.....
總之自己小心, 尤其退潮時
日落係靚, 但睇唔我哂真係好睇運數 - #45 [HiEndfans], 18-03-05 13:09禾由2001開始, 只坐星航去峇里, 太約去過八次, 雖然要係星洲轉機, 但禾當順路探親, 玩晒 d 美金就返星洲叉吓家人既電幾日先再返香港, 以前試過玩完峇里就直接返香港, 第二日就返工, 又攰又冇心機工作, 仲回味緊陽光海灘大浪同夜蒲既 moment 呀……
峇里東邊禾都有去過滑浪既, 多數去 Sanur 同附近既沙灘玩 beach break, 麻麻地岩禾, 仲要揸成粒幾鐘先返到去 Kuta… - #46 [HiEndfans], 18-03-05 13:57再介紹禾另一個 favour "Canggu", 右邊既沙灘比較深色, 因為係人工舖過上去改建而成, 十幾年前仲係一堆堆大石, 要擒出去先可以玩浪……
- #47 [jcmbz], 18-03-05 13:58以前直飛好貴, 我都係從SIN OR CGK轉機, 平一半
東邊既海相對係靚, 亦因為咁BALI人會去做神聖的事, 唔岩你口味絕對合理!
一般會住SANUR既都係退左休想靜靜享受下既人, 見街度都係上年紀的鬼多 - #48 [HiEndfans], 18-03-05 14:01依家已經得返幾件大石未搬走, 呢樹水清浪大, 最近開多左好多海灘小店, 唔怕渴親又可以冲身……
- #49 [HiEndfans], 18-03-05 14:06Canggu right 同 left 都有靚浪玩, 但 Canggu left 要游三百米外面先有 break 起浪, 大約 5-7ft 高, 非常岩禾呢 d beginner 玩浪……
- #50 [jcmbz], 18-03-05 14:08另外要提點既係, 如果會去海神廟同ULUWATU, 一定一定要小心果度既.....
馬騮!
手機相機眼鏡圍巾手袋等都係佢地會去搶既野
如果真係好想睇馬騮, 響UBUD既MONKEY FOREST相對, 記住, 只係相對, 冇咁狼死 - #51 [HiEndfans], 18-03-05 14:11沿住 Canggu 往左邊行, 可以去到 Echo beach, 個樹仲多靚女鬼妹仔學滑浪兼晒日光浴, I mean 有煎旦睇, 鬼妹有 d 好開放除 bra 曬太陽既……
- #52 [sbug], 18-03-05 14:12#42
只要有唔錯嘅酒店,我老婆同個女可以玩一兩日。我就親嗰啲時間落6個 dives. 應該夠皮 - #53 [HiEndfans], 18-03-05 14:13行幾分鐘, 就到 Echo beach, 好多靚女嫁……
- #54 [HiEndfans], 18-03-05 14:21而 Canggu right 就有間食西餐 BBQ 既露天餐廳都可以試吓既……
- #55 [鼓佬], 18-03-05 23:51謝謝 HiEndfans兄
我會3月29號出發
12點機預5點半到當地機場
第一日
在酒店安頓後會去食下海鮮行下夜市
請教庫塔呢區有邊間食海鮮平靚正?
請教庫塔有咩夜市值得一去?
第二日
網上訂左門票去動物園
5點半會離開動物園
計劃緊夜晚有咩活動
第三日
計劃出海釣大魚
當地可以join釣魚團出海釣魚
計劃緊夜晚有咩活動
第四日
hea下周圍去
女友想去當地教堂行下
第五日
下午6點機
預3點離開酒店
會計劃日間搵地方去
我同女友都不熟水性
所以避免參與水上活動
我同女友都好喜歡食海鮮
所以呢幾晚都想搵平靚正海鮮食
其實我一直有個願望想去科莫多島
親眼睇睇野生科莫多龍
可惜庫塔距離科莫多島有一段距離 - #56 [HiEndfans], 18-03-06 00:41禾唔清楚你既 budget 可以 afford 幾多錢食一餐海鮮, 以現時 $1美金=13700印尼盾, 去找換店兌換應該會更高, 記得搵正式既找換店兌換錢先呀!!
禾上次去 Jimbaran 食左三百幾萬海鮮, 真係把 L, 叫一盤一百萬唔夠食…… - #57 [HiEndfans], 18-03-06 00:45唯有再叫多盤兩百幾萬既, 全部係燒海鮮加左醬汁, 若果唔係有兩件女伴同禾慶祝生日, 禾真係唔會再去 Jimbaran 食海鮮呀!!
- #58 [HiEndfans], 18-03-06 00:52平有平食, 貴有貴食, 係 Poppies lane1 巷裡面, 亦有禾一間必定去食既格仔餐枱布餐廳, 叫 Bamboo Garden, 食物有水準, 平靚正到爆, 叫龍蝦食都唔駛$10美金, 再叫個 seafood basket 就一定飽肚,
- #59 [HiEndfans], 18-03-06 01:21若果想用中式煮法整海鮮, 係 Kuta Paradiso hotel 對面有幾間都係食海鲜既餐廳, 有間好似去西貢食咁樣, 係玻璃缸度即劏即整, 非常之易揾, 本來想介紹埋食 dessert 既地方俾你去, 不過你得四日玩, 搵晚早少少去 Bali Bakery Kuta 食 dinner, 順路買佢哋既 cheesecake 或者其他甜餅, 再同女友返酒店或者帶去沙灘漫步食, 係咪幾浪漫呢?
唔清楚你喜愛夜蒲冇? 禾就會一星期蒲足六晚, 全部係 Legian Street Sky Garden 附近蒲, 好容易識女仔, 但你有女友同行, 要識保護佢先好, 個樹禾都差 d 同峇里仔開拖, 先撩禾 arm wrestling, 禾話不如隻揪啦, 佢就開始淆底, 驚輸左就冇份 sky garden 食蕉做, 拳腳冇眼, 禾成兩百磅, 未試過係峇里俾人撩交打, 不過禾係善良既, 人不犯禾, 禾不犯人, 出黎玩就要互相尊重, 咁就少惹麻煩喇!! - #60 [HiEndfans], 18-03-06 01:56禾本來都 join 左 boat trip 去 G land, 不過浪細唔夠人成團, 個間 agent 都有兩日一夜 boat trip 去睇科莫多龍同滑浪, 要$50美金一位, 住船上一個床位包三餐, 不過, 禾聽完班澳洲鬼講, 個 d 三米長既科莫多龍識游水, 嗅到任何肉味, 都會游水去找獵物, 佢哋會夜晚爬上船偷垃圾食, 因為係受保護動物, 唔可以殺死佢哋, 通常用長棍同火棒趕走佢哋就漏夜開船走, 禾就冇興趣見到呢 d 史前巨獸喇!!
- 下一頁 (3 of 6)
- 返回 ...