小弟家裡空間不足，內人很怕吵，孩子很年幼, 我又岩(長)崎良美,　（......下刪一萬字）.
總之, 只有聽耳筒一途可選了. 現在用的胆機都只有耳擴輸出 :)

其實坊間有些過萬元的耳筒我蠢蠢欲試很久了, 網上買往往可以平很多. 去街舖, 自帶CD試機又不買的話,應該會食白眼食到飽 @_@!

看來我應該找一些擁有我心儀耳筒的師兄, 問問意見.

就攞住幾隻會＂拆聲/吵耳(可以係系統分析力和底噪問題多於動態寬度不足）"CD，去試耳筒，以聽為準，以聲音表現決定收唔收貨。：）

tcgtam兄，
你主要是聽耳筒，還是喇叭呢？

剛才我也試過用我手上那3個cheap cheap耳筒來聽首愛麗詩，不約而同3個耳筒都係約2分鐘時，左手彈得起勁時，左邊耳筒就聽到有雜音，可能因為佢哋都係啲超平貨式，所以播啲高難度錄音時，失真嚴重，嚴重到變成雜音了

如果對重播出來嘅音質有要求的話，我建議師兄，你都係聽番大喇叭，會比耳筒好好多，但當然前提是要肯投資多點落去對喇叭度啦！


最後修改時間: 2016-06-07 23:44:04

我要播好那個愛麗詩, 該從耳筒入手.....吧？不用負責任的,都給點意見吧？

Hkcyli兄，你又有好介紹，睇你寫及描述嘅試聽情況都已經相當精彩，咁即係我又要去搵呢隻碟番嚟試試了

tcgtam兄，今晚再攞番隻2008原音精選出嚟聽第三首"Für Elise"，發覺播到去差不多兩分鐘，原本得右手彈緊嘅"愛麗絲"主音旋律，開始加入了左手彈奏嘅中低音鍵，還有全部係勁踏住個pedal來彈，左手彈嘅中低音鍵發出了很強嘅連音，要播得好又播得到，清晰一個一個左手彈出嘅強音加埋其因為踏住pedal來彈而產生嘅餘音，相信真係會幾考驗器材嘅還原能力

最後修改時間: 2016-06-07 21:38:34

呢隻碟，動態之強悍, 比小鄧更更更利害！

Britten 首曲係潮水式漸強，許多的小節由微弱音漸漸加強到特強音，單件樂器到多聲部合奏，都以潮水式漸強式演譯。同一個音量下，表現出微弱到最強音而不失真，非常考機！

小弟用13火推88dB喇叭，第二樂章平均80dB下，非常勉強地過關。第三樂章死得好橙！破音連連。。。T.T 只能夠校低到平均70dB音量下欣賞。由於此曲對比鮮明，堂音豐富，大音壓下欣賞，極為過癮之能事！



最後修改時間: 2016-06-07 13:30:10

#54 講開2008原音精選，當年好似也有比較多師兄反映第11首，記得應該是女高音唱嘅藝術歌曲，也是說聽到中段女高音唱到最高音時，有「拆」或「爆音」情況出現，但是在我套Lo-Fi處也是聽不到的，真幸運
另外師兄提到嘅「動態壓縮」理論，睇咗，但我就真係唔多曉，不過就知道一套音響系統裡失真最大嘅地方就係對喇叭(相對啲電子器材)，而一對失真低嘅喇叭價值不是一般普羅大眾嘅發燒友都能負擔得起
以自己都玩了砌了DIY喇叭一段時間嘅些少體驗，對喇叭級數越高(又或者理解為失真越低)，能被它播放出來嘅音樂，聽感又閱耳嘅適應性就越高，相反情況就是越普通嘅喇叭，它對播放音樂嘅「選擇性」就越高，聽感上就是你會發現有頗多錄音係「衰聲」
此種情況我理解為由於喇叭在某一頻段失真比較嚴重(可以是低頻，中頻或高頻，或同時多頻)，一般人對自己對喇叭(或體系)有低頻失真，比較容易接受，因為最常見例子是Booming，播放時有這現象出現，一般都會接受應該是自身音響系統，於低頻播放時的表現不太理想，唔會話係隻碟錄音衰聲，但係如果對喇叭係中頻或高頻失真，一般人唔係咁易察覺得到，及一但聽到時能接受得到，這情況就是在放播一啲係這兩頻要求高嘅碟嘅錄音時，會發現出嚟啲聲唔好聽吵耳，一般也就會將這種不理想現象，歸咎於隻係碟錄音有問題或「衰聲」了

最後修改時間: 2016-06-07 09:22:12

哈哈！世界真細小，小弟早在09年已開始留意psycho的正確音響丶正確錄音言論和動向，在實踐玩音響之路上很有參考價值！

相信hkcyli 說的動態壓縮是這個了: http://life.fhl.net/Music/200907/07.htm, 追求極致音響性的主張. 作者蘇友瑞明顯有深厚哲學背景, 雖然古典音樂我不在行, 但他說的東西卻很合我口胃.

不知大家有沒有2008年香港高級視聽展的SACD, 第三首"Für Elise"純鋼琴演奏, 去到大概2:00前後數秒也有些爆音的問題, 而整首歌有幾段都"很難聽". 我一直都懷疑, 這種發燒級CD, 怎會有製作問題? 到頭來, 原來都是自己器材問題.

上文有言: "....『動態不壓縮』最重要的環節是『喇叭』，它決定了一切。 .....". 我用的耳機是一隻中價的Sennheiser HD650, 陪我兩年多了, 或許是時候換一隻HD800了. 今年真的是破財之年 :)

最後修改時間: 2016-06-07 02:20:30

所謂高階丶高價，不等於動態寛度足夠，瞬變表現力好，好可能係恰恰相反。@@"

tcgtam兄，
其實我已十幾廿年冇聽過耳筒了，昨天試嘅時候，就只是試「告訴我」，由於此歌嘅低頻不是太多，我都唔咪好知邊隻耳筒係低音重啲
不過，昨日試嘅時候，就感覺Samsung耳筒中頻比較突出，而高頻都相對另外兩個耳筒響亮

ccli1996師兄, 想問你試的耳筒中, "沒問題"的是否都是聲底較厚, 偏向重低音的類型?

若果高階系統真的能克服齒音問題, 去HiFi店試一下不就水落石出? 只攪攪震, 冇幫襯又很難成事 :P

Hkcyli兄，
謝謝分享，我真係一直都冇乜留意到「齒音」問題
你介紹隻鄧麗君，下次去還碟時睇下有冇得借番嚟又試試

今日再造以下測試，由於前級是有耳筒插輸出，搵咗3個耳筒來試，兩個係我嘅仔女手機用的，一個係Iphone耳筒，一個係Samsung耳筒，最後一個是我嘅陳年Sony耳筒，是以前聽Discman用的
用耳筒來「近距離」聽「告訴我」，發現3個都有「齒音」問題，比用大喇叭聽嚴重，而我終於可以聽到係1分22，23秒處嘅「爆炸塘」聲了，但就只在一款Samsung耳筒可聽到，其餘兩款耳筒也只是聽到微弱雜音，而在約1分33秒出現嘅懷疑「雜音」，現在比較肯定不是雜音，是有韻律嘅背景音樂
用不同方式去聽及研究此碟嘅「雜音」問題，又真能聽得到不同結果，確實很有趣呀！

最後修改時間: 2016-06-05 13:06:13

ccli1996兄，

齒音問題本來就係好考機。大家討論下。

小弟的思考係，近咪錄音，吐字齒音造成動態瞬變峰值過高，但是錄音系統可以照本收錄，只是去到聽衆的重播系統，一般動態寛度不足，遇上此峰值過高，就造成過載失真，即拆聲丶爆音。反之，一套動態寛度足夠，就能重播出自然的重齒音來。

因此，許多的唱片出街前，master時就玩動態壓縮，令至如重齒音造成的動態峰值收細，解決了後段用家重播齒音刺耳問題，但就犠牲了寶貴的動態寬度，即cut掉兩極頻寬，音樂自然大打折扣。在流行曲中，很普通。

而一般重播器材，做到動態寛度足夠，比較困難，反而搞重播動態壓縮，就比較容易做到，最起碼用家不會輕易聽到齒音拆聲問題。只是又犠牲了兩極頻率的訊號，聽得出的用家，最終只能係換機。

玩卡屎，首要系統動態寛度足夠，才能重播好一首交響曲，而不會有動態失真的情況。

所以，一張沒有動態壓縮的CD，用一套沒有動態壓縮的系統重播，而重播表現足夠反映動態寛度和瞬變峰值，播出泥的音樂，一定好很電！

以下這CD，圖書館都有得借。小弟以為係動態無壓縮，所以一般系統重播齒音刺耳非常，可試唱第二首，不過請慢慢校大聲試。燒機唔好搵鵝！@@

Hkcyli兄，
你太高估小弟套系統嘅級數了，其實係唔夠班(both套機及自己對耳)，播唔出加聽唔到當冇事，自我感覺良好啫！
師兄你提到CD軟件嘅制作，是可以帶出對硬件播放出嚟嘅效果嘅思考，十分同意
記得幾年前李克勤隻「復克」，都有過類似嘅情況，如果冇記錯，當時又係有部分師兄投訴隻碟嘅制作或錄音有問題，話某一兩首歌裡齒音嚴重，但又有師兄話唔覺隻碟錄音有問題，當時好似都係冇結論

ccli1996兄，

你的情況和小弟非常相似，大家又係主力聽卡屎，只是小弟套衰Fi，有三個字的齒音比較明顯。根據以往有限的經驗，我大膽估計係師兄套系統分析力和表現能力都高一個班，所以齒音表現得自然而舒服！

還有一個可能係，十六年前的頭版CD vs 圖書館CD（再版？已作潤飾？）。

呢隻碟帶出好多玩HiFi硬體（前丶後級分析和表現能力）, 訊源系統（CD, LP, CAS), 分辨軟體制作的實際問題！實在值得深思。

今日去咗圖書館，湊熱鬧借了陳綺貞CD回來聽下，可能我套Lo-Fi關係，聽唔出有嚴重「齒音」問題，也聽唔到有「爆炸糖」嘅聲，要係好留心聽，仲要開得幾大聲下，及將耳仔要靠近喇叭，才能在1分廿幾秒及1分32，33秒處，聽到好似有啲微弱雜音，但都唔敢肯定是否屬於背景配樂，定真係雜音？如果唔係已知師兄們之前嘅咁多討論及反覆研究去聽，平常咁聽，我相信我係唔會察覺得到的，應該係小弟系统嘅分析力唔夠班了
呢個「齒音」及有「雜聲」問題確實係幾有趣



最後修改時間: 2016-06-04 21:25:52

Jason兄，

佩服對喜歡的音樂求真求優的精神！

請問DSD是直刻HD（eg 24/196) files 在光碟嗎？還是用CAS播唱？可否借both DSD, CD見識見識？

難敵心魔. 家裡沒黑膠唱盤, 最後還是貨金買了黑膠碟.若被老婆知道,必笑我瘋 X)

找到了工作室用KORG MR-2000S 轉成DSD, 收費$80兩面. 工作室的師兄說"陳綺貞精選"這張LP碟身不夠平,容易有雜聲, 但因為是新束束的碟, 所以錄出來的效果還可以, 用喇叭聽基本上沒有雜聲問題, 用高分析度的耳筒則要有心理準備背景清淨度沒能跟數碼錄音的比擬.

回家用耳筒品嘗, 跟另一位師兄借出的DSD檔一樣, "告訴我"的齒音問題依舊, 出問題的位置亦一樣(都是CD版沒有問題的地方), 唯一不同的是炒豆聲比較輕微. 還是保持結論不變, "告訴我"這首歌錄音時出了問題, 母帶本身齒音問題嚴重, CD 版混音後做了遮醜工程, 卻顧此失彼, 令到某些高音部份爆音.

這隻碟的歌曲，全都是倒背如流，ＣＤ版都聽了十年以上。遇上這黑膠，才明白什麼是無添加。＂還是會寂寞＂的ＣＤ版，感覺是很跳脫，音樂感很濃厚，主角樂器一出，通常會搶到其他配角樂器沒有了存在感，多聽了會吵耳的。但在黑膠，則是平實為主，平衡到連那個很輕的木結他伴奏也是很立體的聽得出來。黑膠與ＣＤ版的成像比較，像老夫老妻的細水長流跟初戀的無限激情做對比。那個較好？老土點說，只能說因人而異了。當然，跟老婆交待的話，就一定要說黑膠較好吧？

嚴格來說，我只是在聽從黑膠ｒｉｐ出來的ＤＳＤ。有機會一定要聽一下黑膠直播的。。。。。。




最後修改時間: 2016-06-03 12:26:36