Hkcyli兄，見笑了，玩Bi-amp只是小弟亂打亂撞，得出來的結果，只係自己覺得啱聽，話好聽過單Amp，而其他人好少會咁玩法
大家當然要多多分享好碟，交流交流，特別係卡史啦！
不過就要開過另一主題去分享了，不能「騎劫」樓主呢個post了！

ccli1996兄，你嘅bi-amp控制力應記一功！日後多多交流正碟吖～ 呢隻廠牌D古典好電，街唔見賣，好彩有政府支持，呵呵！小弟準備下次去歐洲掃貨。=P

小鄧隻碟應該係全頻無壓縮、無加料，音樂人聲出得特別有能量感，音樂畫面鲜明，聲音開放高中低都去得好盡。只是錄音底躁幾大下，加上無修飾，電平亦大，感覺中高頻冇咁悅耳。不過，佢勝在夠真，嗒落好過癮！非常模擬聲，動態對比強烈，做到高低起伏，強弱能量分明。
主題都係齒音引起的動態瞬變播放問題，Jason見惊勿怪。=P

原來可以加到隻鄧麗君CD相於原來post#75度


最後修改時間: 2016-06-16 22:55:34

樓主，唔好意思，借呢度去回應一下 #48 & #57

Hkcyli兄，
終於去咗圖書館借了鄧麗君及Britten VC回來
鄧麗君果隻，錄音年代聽得出是好久遠的，可能當時要遷就以前播放系統高音唔夠嘅特性，隻碟錄音嘅高中頻是偏多的，但整體嘅錄音效果都算係靚聲，我覺得第二首「月下送君」反而是全隻碟之中，最好聲嘅一首，比起主題曲「風從那裡來」人聲質感更好，而低頻也是咁多首歌之中最豐富嘅一首，至於「齒音」，也是不覺得好嚴重，聽落首歌除了高音比較尖一點外(其實全碟嘅歌都有同一傾向)，都算OK，只是不能開得太大聲
而Britten隻小提協，果然是超爆嘅一首Violin Concerto，第三樂章裡嘅管樂能量很強，喇叭嘅中高音如果頂唔住，失真會是頗嚴重的，整首曲都真係唔易播，強弱對比很大，但隻SACD真係錄得幾靚聲，堂音豐富，音場，立體感也是很深闊，我是第一次聽Britten 小提協的，對此曲感覺非常不錯，謝謝cyli兄嘅好介紹！





最後修改時間: 2016-06-16 22:56:10

我用緊依對 Focal OK 喎！
音場唔覺得窄喎。 ^__^

Closed back 不會怕音場窄嗎？我有隻ＤＴ７７０，　聲音在像在自己腦袋內自爆，　尤其人聲．．．．．

響屋企聽歌怕嘈到老婆，因此我會用 Soul Note SD300 (DAC + Preamp + Headphone amp) 配 Focal (close end headphone) 就唔會怕嘈到人。

錄黑膠既唱盤我會用佢 - Yamaha GT-2000X (配 SAEC we-407/GT 唱臂)

有時間，我會用其中一部 "Korg MR-2000" 或 TASCAM DA-3000 將 D 黑膠錄番做 DSD 5.6Mhz (DSF/DFF 檔)，之後響屋企聽。

陳綺貞既黑膠我只有三隻。





最後修改時間: 2016-06-16 01:25:41

圖書館有，借隻試聽，免費！我以為係天碟級。=P

隻隻制作都電！認真的。=）

想上amazon 買mp3 版的靚聲Disney CD給孩子聽, 能否指點一下是那幾隻?

Lion King 好正！今朝一早起身，搵隻經典舞台劇＂Mary Popins" 嗦下，嘩！一嗦上電嘅感覺真真正正！ =D

Jason兄，
非常明白你嘅情況，小弟之前都有類似情況，當兩個細路分別出世後，我足足有7年時間冇買過CD及冇爆過機了，不過就在這段時間不段播放，巴哈及莫扎特嘅鋼琴音樂，只能細細聲播，當做家裡嘅背景音樂給他(她)們聽，要到了他(她)們大咗啲讀上了小學後，我才重新玩過啲音響
萬元級耳筒我有幸有同擁有過，及曾經借給我聽過一下，據同事講(他沒有玩兩聲道，只玩貴價隨身聽音響)，該耳筒是度身(度他耳形)去訂造的，裡面還是"3路分音"，超堅設計，我真是重未聽過有3路分音嘅耳筒，可以開開耳界，聲音以耳筒來說，已經是十分理想(因為係跟我嗰啲Cheap Cheap耳筒比)，但如果要跟大喇叭出嚟聲比，其實係冇得比，又或者耳筒演繹出嚟嘅方式不是我杯茶吧，我只聽了一首歌，是啲他喜歡嘅現代西方流行曲，其實我唔係太識欣賞，所以就還番個耳筒給同事了，當然有向他謝謝給我開開耳界啦！
買得咁貴耳筒，非常贊成Hkcyli兄講，一定要帶埋CD去試清楚，試到自己滿意先買啦！

Hkcyli兄，
Disney嘅碟的確唔差，當我啲細路仲細個時，經常播給他(她)們聽嘅係"Lion King"，超好聲，加上佢哋又鍾意聽

最後修改時間: 2016-06-08 15:14:11

以Jason兄現況，都係搵隻正耳筒比較簡單直接。試到好先買，千其唔好同佢客氣喎！話哂都要一萬幾千，買返屋企先發現無咩改善，仲谷氣。

在家居玩音響系統，擺設要就埋家人生活與聲音的平衡，因素的確複雜好多。不過，獨樂樂，不及與眾同樂。囝囡多數鍾意聽迪士尼D歌，我個囡成日同我爭歌聽，「Daddy, 我要聽let eat 糕！」哈哈！好彩，亦因此發現，迪士尼D碟，隻隻都非常非常靚聲㗎！制作一D都唔兒戲，音樂出品高水準。=P


最後修改時間: 2016-06-08 11:54:07