我都多年冇幫襯佢地了，搵日去睇下係咪仲係黑面老闆

放心，佢地唔會執笠，除非自己唔做！其實唔會無人幫襯，人地一路做(由八十年代做到而家)做到舖都買埋，而且有一班舊客/熟客/大陸客/外國嚟嘅客一路支持，係，佢地啲碟大多數都mark高人地一啲或都兩啲，三啲四啲，但買嘅人亦唔少，你知道呢間碟舖係點樣入貨嗎？入到啲唱片公司/批發都當佢神咁拜！限量版勁靚冧巴都畀佢！以前唔講，講返而家，而家啲碟數量出得咁少，佢從來無改變入貨方法，大量入，當出面無晒貨，佢就會從佢地打嘅價位賣出！

佢啲碟頭版又話貴幾百。啲碟耐小小有些名氣又貴幾百。好討厭。

我都吾幫襯佢。睇佢幾時執笠。

呢間舖頭服務態度好差黑口黑面
曾經買過一隻全新cd 標價＄98跟住攞去畀錢 嗰陣時佢居然話mark錯㗎應該150 我當堂放低

最後修改時間: 2024-07-05 22:18:21

全香港無碟買都唔會幫襯佢！全家都係衰格，啲仔咁衰！

嗅名遠播影衰香港影音業發展的黑店

我都試過買隻碟！舊碟當新碟賣(有明顯花痕）！以後都唔會幫襯！

#有時感覺啲碟係用過當新貨賣
我也有同感

#6, 節拍完全不合理, 既然不能退貨，點可以事先冇得check, 家陣係公平買嘢唔係賭博。

好多年前係節拍買咗隻鳳飛飛精選, 轉頭喺隔離威威見到同一隻碟平佢20蚊, 跟住搵節拍櫃檯傾, 佢肯減返20蚊但係就話貨源唔同,所以有分別, 其實賣貴就真, 自話自說，根本同一隻碟。 幫襯過幾次感覺佢依間節拍古古惑惑, 炒高價, 有時感覺啲碟係用過當新貨賣一 例如啲包裝有啲皺皮。

最後修改時間: 2024-03-07 14:20:54

只幫佢買過一只林志美SACD精選當時佢標特價$299因外面找不到才要幫襯佢，當付款時我要求即塲check碟但事頭婆話特價貨冇得Check有問題也不能退好在最後隻碟正常沒有花。

記得有一次當顧家輝剛逝世時，見佢有套大師嘅精選套裝CD， 正準備向老闆娘付款時，老闆突然間跑過來說這套裝里面的CD不見了，所以不賣。 但過了不久，他們已將這套裝改標天價，放在門口玻璃飾櫃待售。真的服了他們，我以後都沒有幫襯了！

我又講返個奇怪事件比大家聽下，N年前睇到黃耀明有隻精選大碟兩片裝，最奇怪係其他舖頭未見過，至少我行咁多間CD舖未見過(或者我係少見到)，咁買咗返去聽啦，有一隻碟有一首歌係咁跳線，咁我去返舖頭同櫃檯阿姐解釋咗一輪，咁佢都係有换畀我嘅，得意之處就係換左第二隻碟後同一首歌都係跳線嘅.......跟住我就覺得唔關事喇.........我覺得係成批碟都係有問題
，如果有其他客人買咗隻cd都係咁嘅話;照道理都會返去同佢講返呢一個問題，佢係唔係應該唔好再放上架賣呢？我冇返去再換~最奇怪就係點解全世界得佢嗰度有呢批碟賣？.......

最後修改時間: 2024-03-02 08:36:08

節拍都係持老賣老炒碟炒上腦....大家堅持唔去幫襯等佢自滅就可以啦！

Under offer and acceptance, the shop cannot refuse to sell the customer the priced goods at the tagged price.

最後修改時間: 2024-02-28 00:12:57

話說本人係上星期幫襯(節拍)購買2隻特價CD,到了收銀枱畀錢,發覺有一隻CD面蓋裂咗,問老闆可否更換一隻,他說特價碟冇得更換,(算了)跟住由話第2隻佢標錯價錢,不是特價!我真係拗曬頭,第一隻冇得換唔緊要,第二隻你話標錯價錢就唔買,噉即係點? 而家先明白點解節拍冇乜人幫襯!