有無師兄試過做汽車包膠/ PPF (Paint Protection Film)？

聽聞保護汽車車身的能力/美觀，好過鍍膜/打立。
有師兄試過嗎？

做過下功課去了解PPF。義大利PPF用料精良，關鍵在於手工好唔好。

打過去一間有點名氣的汽車美容店問價，全車PPF+燈膜，開價差不多4萬！
也見到car forum話某間汽車美容店，做全車PPF，錢俾晒，但貨不對辨，好搵笨。

各位師兄有經驗嗎？

最後修改時間: 2021-02-01 15:37:16

點解廠生產車唔包膠要噴油?

80’s係美國，好興係車頭包人做皮，避免比石仔彈花，但包左一輪拆走塊皮，車身鴛鴦色。

車身包膠紙，在上世紀80年代尾以經有，

當時補油番喷追色，包咗膠係比較困難施工，

所以小人去做車身包膠，如果要幾萬元，

禾不會欣賞，禾鄰車有做包膠，

但效果麻麻！光亮度係差小小，

而且！！真係皇帝的新衣，

要3萬多元。 (原廠) BENZ

即係新車漆面光亮如鏡，

用一層膠紙封閉鏡面之亮度，

係，睇落去唔覺包咗膠，

但係同型號冇包膠的原廠車身漆面，

係絶對明顯閃亮亮，滑溜溜的。

我其中一部玩具全車包左透明膠，四皮幾野，用咗年半左右，冇投訴，真係保護性高過其他方式好多。唔使打蠟，洗完車都好令立立，又唔驚雀仔屎同樹膠。咁當然你或者要睇吓你部車嘅價值同包膠個成本啦，10零萬二手車，斷估都唔會洗四萬蚊去搞呢啲嘢掛。

最後修改時間: 2021-02-02 00:19:08

我覺得PPF做車頭一般已經夠用唔需要全車做.如果你架車泊出面驚有雀屎就例外.

謝各位師兄回覆。

小弟因為買了部新車，才心思思想包PPF。

身邊無朋友試過，只看過網上XRX、拍車男講過PPF，似乎唔錯。
只不知價錢去到4皮0野，兼約期去到4、5月份！

我架X5, 係舊年年頭新車落地時即做，佢有幾隻牌子膠膜揀，包括最貴美製（要3萬幾）其次都係美製龍膜（要2萬尾），之後最平大陸膜（要2萬頭）。佢話最貴係最長久，長久既意思係閃令度，始終膠最大敵人係紫外光，耐左會變黃，淺色車會好覺，深色車就唔多覺，最後我揀左最平既大陸膜。到依家已經使用超過一年，發覺真係好方便，因我之前兩架車係使鍍膜，要定期返果間鍍膜車房洗車先keep度滑溜，但包膠就唔需要，亦都唔駛驚搵濕或乾毛巾會抹花車身，我依家平時都係搵條濕毛巾抺車身，比細車或路人揩花都唔會入肉（大石或大撞另計）。但唔好以為包左膜就無敵，最好就唔好落完雨就有污積係車面就唔理佢，乾咗都會有印係膠面，所以每次落完雨我都搵布抺，仲有包膜最緊要睇包果個師傅手工，最好就係搵人手界，咁樣會包貼邊或複入車身不留痕，如機界就唔會貼邊、與車身離好遠，近睇好肉酸。最後就算人手界，貼完點都會有些少塵或氣點，就好似痴mon貼咁樣，我自己既要求就離車約300-500mm唔覺，我就算。

一一師兄部X5，驟眼睇相，包得唔錯喎。
我部車係白色，諗緊如果幫襯PPF，包透明膠or白色膠。
已PM師兄你，查詢公司名稱。
謝

#10, 白色車如果包膠膜，真係要考慮日後好大機會會變黃，膠始終不敵紫外線。

一一師兄，剛PM你。

師兄提到變黃，是指透明膠？白色膠？兩者也會？

#12，我指透明膠膜。白色膜真係唔知，我諗你請教返相關人士。

分享一下選用鍍膜或PPF嘅考慮：

1. 手工好緊要，有朋友在多番打聽下，揀左一間有朋友嘅朋友幫趁過， 同埋網上口碑都唔錯嘅去做，做出嚟都係有上面師兄講嘅問題，個位唔貼，有氣泡或塵之類，果間做得好，其實係果間有做得好嘅師傅咁解，仲要睇吓你好唔好彩，同你做嘅係邊個

2. 另一個有少少係budget問題，如你有鋪換車癮，三皮幾四皮做一次，兩三年就換車（趁仲有二手價），好似唔係好值咁，當然如果錢唔係問題，或部車會 keep 一段時間，則這點不用理會。

最後，主要都係基於 2 ， 我揀左鍍膜就算！

最後修改時間: 2021-02-02 22:23:18

Thanks Ming Sir!

You are welcome !

師兄做完後（無論PPF或鍍膜／晶）, 記得在此分享下！ 我下架車可能 keep 長D試吓 PPF ！

Ming Sir，收到！

Taycan 入門板電車, 白色, 想 Wrap 透明 ppf

Exx - 幾貴, 仲要等, 有無人做過, 係米好好?
AutoExxx - 用 XPEL, , 有無人做過, 係米好好?

大家有無, 其他公司Wrap經驗, 可以分享下, 謝謝.

Any update ??

此 post 時間已經三年了， 近期問過下 ppf , FB睇過 十間八間大約 13000-15000 左右， 好似公價咁，最貴 見過26000 ， 間間 都話 美國料／歐洲料多。 有冇師兄 近排包左ppf? 分享下

鍍膜 好似平咗啲，就 由2千幾至5千左右。

Thx