來左英國幾個月, 住市區所以唔急住搵車, 但係十月開始凍所以的起心肝開始搵車. Target dealer approve used car 因為想有原廠保養,同埋應該穩陣啲, 希望服務都好啲, 但事實不似預期....

想搵 20k~30k 2年車, Mini Countryman, VW ID3,4 都係 target, 所以去左附近 VW 代理睇車, 個 Sales 只係問你有乜要求, 係電腦撳咗幾架車問你啱唔啱, 見你冇乜反應就冇再 sale 你, 真車都冇得睇.

無論 dealer定唔係 dealer都可能差唔多。

Yes, 我就係想講係代理車行買車個體驗唔係特別好, 而且唔係一間係咁.

除左去車行睇車,其實我主要係 autotrader 同代理網站睇 approved use car. 但係有幾次見到岩價既車打到去問, 佢就話標錯價, 正價係多 4~5千磅, 唔係一間係咁, 我試過 4 間係咁, 包括 Mini, Hyundai, Kia. 其中一間 Kia 話佢 post 上去既車都係未加 VAT, 每部要加多千幾磅. 何能係佢地做野求其. 有一間代理仲要收 150 磅 admin fee.

有一樣睇到既係代理車唔係一定會放 autotrader, 所以要買代理車最好係去代理網站睇, 但代理做野真係求其, 有D sale 放車係代理網站既 spec. 好唔齊, 所以有時要睇埋 autotrader 來比較.

#3

唔好咁單純，好多時 D sales用低價引你問，然後就用各種理由。總之你唔會用 advertised price買到。肯賣的話你又要小心，可能架車有問題或隱病。唔熟行情或唔識睇車的話買新車穩陣D。

最後修改時間: 2023-12-01 19:41:34

我既經驗又唔係咁喎~
去代理試 approved car, 幾好招呼, 又唔 hard sell.
一次陪朋友去睇, 試咗兩架, 即日決定, sales 解釋得好清楚, 五日後交車.

樓主又可以試下網上買車, 睇相揀啱直送府上.

當然一定有好好既代理 sales, 係我未遇到.

到我係代理網站睇中左架車, 係網上比 £99 reserve 左部車, 約左幾日後去車行試車. 當日去到車行, 真係有賓至如歸既感覺, 每個見到你既職員都行來同你握手 say welcome. 心諗今次應該冇問題啦. 負責嘅 sales 試車同講解都好詳盡, 問題係架車既燈罩有幾點黑色既污漬, 當日試過抹唔到, 似係裡面發霉. 咁個 sales 話會幫我搞, 下星期四可以攞車, 仲知我地住好遠, 可以免費送架車去我屋企, 仲唔洗我地比定金, 等架車搞掂好佢再 send 個 video 比我睇過先比錢, 你話服務幾好, 所以當下决定買架車, 知我地搭火車嚟, 走既時候仲車我哋去火車站. 到呢一刻我都以為一切好順利, 點知 ...

最後修改時間: 2023-12-07 17:45:20

我係星期二去睇車, 過左兩日有個車行職員打電話來約下星期送車, 仲 email 左繳付全數既方法比我, 因為我仲未收到 video 證明架車搞掂, 咁我想搵返負責嘅 sales 詢問個情況, 留左電話同 email 都冇回覆.

直到下星期三, 佢先回覆話佢病左幾日所以覆唔到我 , 而架車燈罩污漬問題搞唔到, 要換燈罩, 不過 warranty 包左, 我可以選擇收左車先再喺附近嘅代理換或喺佢嗰間代理度換完先送車來. 其實我有懷疑呢D問題 warranty 真係會包? 所以我選擇係佢果間代理搞. 第2日佢回覆因為要訂燈罩, 要2星期先可以送車來, 我同意.

又過左2日到月尾, 佢打來問我可唔可以繳付全數先, 因為咁架車就可以當佢今個月既 quota, 因為試車時既賓至如歸嘅服務, 咁我就繳付左全數...

最後修改時間: 2023-12-08 20:01:08

我係 Cazoo 買BMW, 直送屋企車房，入埋半滿油俾你，14 日（印象中）不問原因退錢

買2手車7日無條件退錢其實已經好屈機

我唔記得係 7 日定係 14 日，因為已經買咗幾年，可以上 Cazoo 睇吓。

我當年感覺 Cazoo 貴過 autotrader 平過 approved used car.

應該係 14日.

比左錢後, 到兩個星期後個 sales 又係冇打來話整好未, 咁又係我打去問, 佢就話訂貨嘅燈罩就到左, 但係仲等緊個 warranty approval 先可以裝得落架車度, 應該係上星期 approve, 但係仲未有, 可能要下星期先攞得車, 吓又要遲? 當刻我對佢既信心已經冇曬.

遲用車唔緊要, 最麻煩係搞保險同停車位, 我個保險由最初 quote 果價到現在已經貴左 £200... 咁我就同佢講我會開始再睇車, 如果係我睇中第二架車前佢仲未搞好架車, 咁我就唔要架車, 要求 full refund.

唔知係好彩定唔好彩, 當日已經係網上第間代理睇中另一架同款車, 難得係夜晚七點果邊既 sales 仲覆你 email, 當下又落左 £99 reserve 左架車. 咁我就再 send email 比之前既代理話要 full refund.

到第2日之前既代理就打來話架車己經搞惦隨時可以送車來, 吓有冇搞錯咁快又唔同左, 因為我已經對佢地信心全失, 所以就堅持 full refund, 佢話交比佢 manager 處理, 話佢 manager 第二日會打比我睇吓有乜可以做令我繼續要架車, 而我係約左再下一日去睇 reserve 左果架車 ...

當然又係到第2日個 manager 都係冇電話, email 來, 咁我就去左第2間代理試 reserve 既同款車, 第2間既代理係冇第一間咁好招呼, 只係簡單咁介紹左架車, 因為架車冇乜問題, 其實可以即日攞車, 但係因為D錢比左第一間代理, 冇錢比第二間同要再搞過個保險, 所以再比£500 non-refundable reserve, 約左一星期後攞車.

再過2日第一間個 manager 都冇打來, 又係我打去問, 佢好簡單咁問我要唔要架車, 咁我當然話唔要, 而且想快D攞返D錢, 咁佢就話正常3日會收到錢, 特別幫你搞, 應該2日會有.

2日後又係冇啦, 咁第3日都係冇, 咁到第4日我再打比佢, 拒就話當日一定有, 最後係第4日收到錢.

呢個 Autotrader Price Tracker chrome browser plug-in 好有用, 可以睇到架車係 autotrader 既價格變化.

https://chromewebstore.google.com/detail/at-price-tracker/cbecfdegmcppmbpbffdpagongfpbohmd?hl=en-GB



最後修改時間: 2024-01-24 00:41:57

Check MOT history before you buy an used car.

https://www.gov.uk/check-mot-history

最後修改時間: 2024-01-25 02:05:43

#13 多謝介紹, 裝嚟睇下先