繼上次買車事件,今次講吓我差啲一日扣9分,搞到我懷疑自己係咪唔適合揸車！

英國揸車好多陷阱,我覺得最大問題係條路上面太多指示,太多路牌,可能真係未習慣. 有時會 miss 左一D重要指示.

有日晚同朋友去食飯. 間餐廳冇泊車位, 要喺附近搵路邊車位, 咁就係附近兜圈搵車位,有個位係不準右轉, 左右兩邊其實都有指示牌, 但係左手邊指示牌比架小路出大路既大貨車遮住咗,而因為當時有行人過馬路所以一直留意行人而冇為意右手面個指示牌. 咁就中左招...

又因為兜圈搵車位, 同一個位我入左兩次 .... 當拍好車時行出來先見到左手面係有不準右轉指示牌, 下面仲有個相機標誌, 隔離仲有個燈柱上面有成三部相機影住個入口位. 心諗唔係咁吓話....

最後修改時間: 2024-09-17 17:04:06

就係呢個位, 左手面不準轉右路牌比架貨車遮住咗,右多手面個路牌比爛咗嘅燈遮住咗,但第一次入呢條路時因為有行人所以其實係冇留意到. 可能因為有一個路牌有問題,差唔多一個月都仲未收到告票！

師兄有冇裝 cam？有的話不妨試下 appeal，但係都要交咗錢先，跟住話有原因令你接收不到指示。

有裝cam,如果收到告票會appeal.

樓主大哥，有冇考慮再考過個牌？
咁大個「只準左轉」牌你見佢唔到？

Skyliner大哥, 我都有諗過唔好再揸車架. 但我所指既係由主線轉入呢條路, 嗰兩個我睇唔到既路牌係紅圈圈住嗰兩個路牌, 左手邊比大貨車遮住咗,右手邊嗰個被壞燈遮住咗.



最後修改時間: 2024-09-17 19:31:48

樓主係咪移英前少揸車?
慢慢嚟，始終英國有車方便啲。

如果唔熟路，好多時都會中招，唯有小心尐或只去自己熟悉的地區！

唔止英國，香港、美澳加日本東南亞...每個地方都有大把街道從未揸車經過。希望罰過後就會更留心。澳洲超速最低消費 A$247，超過 25Km/hr自動停牌，超過 50Km/hr好似會鎖車即刻唔準揸。 School holidays NSW有 double demerit雙倍罰。
罰一兩次就會十分小心。



最後修改時間: 2024-09-17 20:00:39

路標清楚到不得了，係你眼低手高。

謝謝樓主分享

陌生路就要加倍小心， 不論新牌亦或老手，只故人不是理由。我相信樓主之前好少搾車經驗。而且人老先來學真喺更加易碰釘。加油！

不過真喺唔好急。您收TICKET喺應該，唔忿氣就appeal， 您點講都好，您喺無跟指示牌違反交通法律。

英國揸車好多時都可以慢慢搵路, 其他車好少會X你或推你尾。 搞唔掂最好set個update嘅Satnav或手機GPS帶路, 好多有埋speed limit warning, 唔洗只靠睇路牌。 學費永遠都要比, 有時只可以learn a lesson, 下次醒水。

#13 good point, Google Map 英國唔好用？ speed limit 轉向提示，到即時附近警察警告都有!

我試過 Google Map 喺 Leicester 叫我行單車路，Apple Map 又試過喺 Sheffield 叫我行巴士/的士專用路，總之乜 Map 都唔好信足。

#13,#14

樓主話四圍搵街位泊車,咁Google map、 SatNav冇乜作用.

無論如何,睇路牌睇燈睇地下線係揸車基本功.好多人喜歡去其他地方旅行時自駕遊.有經驗嘅人好好就會熟習在陌生環境揸車.

影相罰錢扣分當買教訓賺經驗.撞到車或人就大鑊了.

英國有一啲built up areas有好多駕駛陷阱, 某啲councils特登係呢啲位裝相機賺錢, 例如City of London, Croydon。所以揸車入城真係可免則免。 免費手機app就真係差啲, 新車好多都內置SatNav, Stand-alone SatNav 如TomTom有live update (駁電話data), 迴旋處入邊條線都會講埋你知, 其實都幾有用。

So far 三年幾又無俾人罸過同埋扣分，太太重要係新牌。

我感覺現在啲人揸車真係睇唔掂 road sign. 我以北角消防局附近有個燈位為例，個個位只係消防車緊急用，平時係永世都唔會轉綠燈的。但係差唔多每個月都見到有人駛咗入去，網上重一班人話指示唔清楚，但其實真係好多指示牌加埋地線，真係無乜可能會行錯。另外屯公巴士專線又係咁，成層樓咁高嘅指示牌都可以睇唔到入去咗巴士專線，然後又話政府發窮惡係咁捉

我記得有位網友重死撐，話開緊車緊係睇唔切牌，其實聽到幾心寒

太太英國學車 1 take pass, 我覺得佢睇英國 road signs 好過我好多，有時我都要問佢或者要佢幫下眼

我除咗 google map 無用過其他 Nav. 車內地圖唔 update, 年年買 update 好重皮

太太有時用 waze, 我就比較難適應新野，仍然用 google map. Google map 都會提你入邊條線，不過有時會錯，都係要自己睇地線執生。不過就算我試過 highway 出錯，都係行多十零分鐘，我一般唔會硬 cut.

係倫敦、Bristol ，Oxford Cambridge 等大城市揸車同香港無乜分別，但係多好多好多單車。不過英國入到 city 好多時限速 30mph 甚至乎 20mph, 真係踩單車都快過你揸車，揸咁慢就會比較少反應唔切。

So far 自己幾 enjoy 英國揸車，由其是北上或者去 Wales. 揸去南部亦幾舒服