Skoda Kodiaq


中國品牌急速擴張　歐洲市佔攀升但隱憂浮現

近年大量中國汽車品牌進軍英國及歐洲市場，包括 BYD、Chery、Jaecoo、Geely 等，單在英國，去年約每 10 輛新車就有 1 輛來自中國品牌，而且隨着 Zeekr、Denza 等新品牌預計於 2026 年登陸，比例仍有上升空間。不過，Skoda 高層卻直言，這股擴張浪潮背後，其實隱藏着結構性風險。



Skoda：中國電動車品牌數量「不可持續」

Skoda 銷售及市場董事 Martin Jahn 在接受《Auto Express》訪問時指出，中國目前約有 150 個電動車品牌，這種規模「從財務角度來看並不可能長期維持」。他直言，業界普遍預期將出現整合潮，部分品牌最終會被市場淘汰，而這對已購買相關車款的消費者而言，或會帶來售後、零件及殘值方面的不確定性。



快速推新未必等於可持續發展

Jahn 指出，中國品牌以極快速度推出新車與頻繁改款，表面上具競爭力，但實際上涉及龐大投資，關鍵在於能否順利攤銷成本。他質疑，市場是否真的需要如此多新功能與配置，甚至直言不少車款「功能過多、複雜度過高」，未必真正符合用家實際使用需求。相比之下，Skoda 更傾向於「簡化」，專注於成熟產品組合、穩定規格與長期可靠性。



服務網絡與殘值　歐洲品牌的核心優勢

Jahn 亦強調，頻密改款不但增加經銷商營運複雜度，亦可能影響二手殘值，對消費者長遠並非好事。Skoda 技術開發董事 Johannes Neft 補充，品牌認知與產品定位同樣重要，像 Kodiaq、Superb、Fabia 等車系早已建立清晰形象，消費者知道自己在買甚麼。相對之下，部分中國品牌車款之間差異不明，品牌個性尚未清晰，這正是歐洲老牌車廠目前仍具優勢之處。



重點
• Skoda 指中國約 150 個電動車品牌屬不可持續，未來勢必出現淘汰與整合
• 中國品牌雖快速擴張歐洲市佔，但長期售後、零件與殘值存在風險
• 頻密推出新車與改款，或影響投資回報與經銷體系穩定性
• Skoda 強調簡化產品、可靠性、服務網絡及殘值，作為對抗中國品牌的核心競爭力
• 清晰車系定位與品牌形象，仍是歐洲傳統車廠的重要優勢


Source: https://www.autoexpress.co.uk/skoda/368879/some-chinese-car-brands-are-doomed-disappear-warns-skoda-boss



最後修改時間: 2026-02-03 00:11:42

B Y D 同 JAECOO 英國都有人買，過兩三年真係收咗皮，就真係恭喜啲車主。

事鳩但(果時D人係咁叫)個高層太睇小我地G拿國嘅財務...當年魚村都有代理..不過最後都汁咗粒....原因可能係..同年E個價錢可以買部 士佳麗A190...

Skyline A190

雨雪地區，唔生鏽先奇

英國比較少見大陸電車，BYD好似直頭冇見過，反而見過leap motor，冇聽過呢個牌子，上網揾先知係大陸EV。

#3
呢個廣告俾你摷到，勁。再早幾年，陳列室喺染布房街近白布街，成日行過嗰度，隔離幾間舖染布房街白布街交界角落則係美國GM旗下澳洲品牌Holden 陳列室。

#4
呢款油渣太子有坐過，內籠比較細，唔多經營的士業者出嚟做的士，同期合誠代理有同系日產實力，通街都係，徹底打塌新英華/天祥代理嘅英國Austin/Morris油渣車自二次大戰後到70s 頭嘅主導。

我有Skoda , 夠馬力206Kw, boot 大6xxL. 十分smooth. 買餸同road trip都好好用.
阿仔有部Octavia, 好慳油, 同款車計boot好大.
Skoda台灣有代理,似乎頗受歡迎

今時今日士九蛋已非當日鐵幕㨗克產品，但今時唔同往日，係阿福收購咗嘅品牌^_^

Skoda 位 Martin Jahn 所言甚是，不過有出口市場嘅 EV 廠，唔會咁易出事。

Audi, Porsche, Skoda都係under VW, 好多時可以共用technology .我部Superb 嘅兄弟model係VW Passat wagon, Passat貴50%. Skoda用virtual cockpit, 我喜歡. 早排家人來澳時我俾Superb佢揸,因為同佢香港揸開Audi Q5差不多 set up.



#12
莫講外國人點睇,就算大6內部都競爭激烈.我唔擔心澳洲BYD及GWM長城, MG,特別是GWM及MG已是established brands,只係唔知就算吉利、廣汽咁大會否玩玩下唔玩


最後修改時間: 2026-02-03 11:50:19

大陸當然唔可能長期支撐到150個 EV 品牌，但要容納10間8間 EV 廠應該冇問題，唔好睇輕佢哋內銷都幾百萬架。

講你都唔信...就係美利堅果D農場主人流行買ED 1kUSD嘅..中國制嘅3腳貓電動PickUp已經出口美利堅10W+架

除咗係馬路行嘅 EV，工作升降台而家大部份係叉電，即係 EV，我好朋友做呢行，佢估計愚村超碼過萬部，以前就 日 韓 機為主，而家大陸機佔大部份。