- #41 [aliu1], 19-07-26 11:06我"年青"時一開波就揸棍波, 讀書時都揸左幾架二手車. 記得嗰時重試過日產 nx2000 同 sentra ser... 最後都係決定買 integra 因為 acura 品牌同車款係靚啲! 可惜買唔起 GS-R 因為當時係啱啱推出冇折扣, 車價比 LS 同 GS 真係貴好多...
- #40 [ckwan2014], 19-07-25 17:47Aliu師兄你都好嘢!全新棍都照扑搥!真係可惜咗唔係Type R
- #39 [aliu1], 19-07-25 15:55我對 integra 都好有感情, 當年美國讀完書揾到工買左架全新 1992 年款白色雙門棍波 LS... 其實好想買 GS-R... 可惜人工同保險唔容許我買佢...
-
- #38 [ckwan2014], 19-07-21 23:11#37,明白嘅,咁我可以考慮買對KYB前shock返黎換嘞。不過好大機會要換哂搖臂bushing,大工程依家先至開始。好夢!
- #37 [Dlbf], 19-07-21 23:08Ckwan兄,80’s我自己玩過幾部Honda,另外家人朋輩好多都係Honda用家,我地都認為副Engine 真係無得頂,但懸掛兩年車已經好差。
- #36 [ckwan2014], 19-07-21 16:23#15﹐dlbf兄,我擔心嘅係上手車主改咗啲ricer嘢,例如改low低彈弓(最驚佢鋸短對原裝!),但又莫水改前唔改後。因為依家份頭除咗低啲同有聲(上下搖臂bushing已經夠哂期)之外,回彈阻尼唔覺有惡化。
- #35 [我是一個人], 19-07-20 12:07當年我都係舊款 mazda 626, 其實真係唔知佢整到啲乜嘢,部車停咗一陣後可以着得返車,之後冇晒事,懷疑佢噴鎗引擎時噴到啲sensor。
- #34 [ckwan2014], 19-07-20 01:09#33,師兄你果架咩車?似乎係甩咗個MAF Sensor?
- #33 [我是一個人], 19-07-19 23:22絕對唔建議去用風槍打氣 好多年前我有部舊車 攞咗去油站換偈油 個師傅就係用支風槍噴個engine 唔知係咪整鬆咗某個sensor 換完油行都唔夠1k 就突然間表板變聖誕樹 車都停埋
- #32 [ckwan2014], 19-07-19 12:18今日返屋企之前喺油站入滿(油槍跳掣計,我從來唔會打爆)。係第三缸油,不過呢缸先計到個準確油耗(第一缸油入滿咗,就揸去做SMOG﹐俾個師傅檢查EVAP果陣谷咗成pint油出嚟)。
13.2 Gal(50L)嘅油缸,行225.4mi﹐入咗9.049Gal﹐唯到24.9MPG。見到呢個數字,不禁為我架2007年嘅Toyota Matrix(冇pat pat﹐兼座位高咗嘅Corolla)感到唏噓!大家都係13.2Gal油缸,人哋大你12年,都係做翻同你差唔多嘅油耗咋,你會唔會有啲唔好意思吖?
最後修改時間: 2019-07-19 12:20:29 - #31 [CS168], 19-07-19 09:54
#30.
》》》受教了,長智識的一課,THANKS. - #30 [ckwan2014], 19-07-19 01:46#28﹐香港地,唔少所謂師傅都係斷估嘅,放油螺絲擰撻牙一啲都唔出奇,有甚者要換油底殼添。呢個問題要具體分析。如果甩螺絲嘅時候感覺係過緊,換口螺絲先,加埋全新鋁介子,應該可以止住。如果都重係漏,要睇睇油底殼,係dup翻牙ok, 定要成個換。
#29﹐唔建議用氣谷,細微油路萬一氣阻,手尾重長。更遑論波箱內valve body有各種solenoid同sensor啦
最後修改時間: 2019-07-19 01:47:07 - #29 [CS168], 19-07-19 00:39
去油站換偈油是否可以用風槍打氣,
加速舊偈油排清餘下舊機油?包括波箱油?
因風槍有可能同時有小量水氣產生,
偈油及波箱油對水份引至都怕變質產生。 - #28 [CS168], 19-07-19 00:22#27.
擰返實入油蓋,插返好油呎,就可以著車嘞。建議唔好咁快落地住,順便可以檢查吓放油螺絲有冇漏油問題
》》》HONDA舊車,偈油螺絲滴油,
一般是介子片或螺絲頭定螺絲內坑滑(牙)引至滴機油?
(偈油螺絲及內坑有冇可能滑"牙")?
THANKS.ckwan ching. - #27 [ckwan2014], 19-07-18 23:49Engine油入好,冇問題。波箱油要講講,一般日本車自動波箱,入油位都比較低,唔似同年分R洲車咁有條金屬喉上到嚟就手位。所以,入油果陣又要“必先利其器”, 搵隻長度同大細啱使嘅漏斗,攝隻漏斗去入油窿果吓都幾蝦人嘎。倒好滴乾之後,最好有塊布或者大塊紙巾,抽漏斗上嚟之後即刻兜住底,就唔怕ATF滴到四圍係啦。
擰返實入油蓋,插返好油呎,就可以著車嘞。建議唔好咁快落地住,順便可以檢查吓放油螺絲有冇漏油問題,同埋其他位置有冇漏油。
跟住落嚟就係精彩嘅地方嘞!
著車之後,一出嚟就見到車底有油滴緊!
望真啲?唔係engine底, 都唔係波箱底,而係波箱兩條駁散熱器嘅cooler喉其中一條!唔使講嘢,熄車先!電筒伺候!即刻搵到漏油果條喉,順住啲油向上摸,原來:條橡膠喉同金屬喉嘅接駁位爛咗。我諗咗一陣,一來條喉雖然S形,但都重有足夠長度俾我cut走爛咗嘅部分,二來我又冇買到條喉,所以就決定cut短駁翻入金屬喉,用住先,睇埋波箱咩環境再決定。
搞掂條喉,再添翻夠油,check多次,確定引擎波箱都夠油,就出車試咗一轉。4個波返哂嚟!引擎都好似靜咗啲。泊好架車之後,send咗個SMS俾前車主,影埋張cut出嚟嘅爛喉俾佢睇,佢都唔係好信。 - #26 [ckwan2014], 19-07-18 23:19自從轉名之後,我一路都揸住架Integra﹐一來可以收集多啲架車嘅行駛情況,二來當時機合適,又可以馬上換到油。
一日收工返到屋企,見到都係泊滿車,就泊返橫街先,等晏啲其他租客返工之後再開波。果然,去到10點半左右,趁掉垃圾走上嚟望望,泊位冇哂車!機會嚟啦!飛雲!即時返房攞車匙、必需工具,再托埋斜坡,開定個壇。揸咗架車返泊位,落車set好位置,就諗住揸上去啦。點知對斜坡係咁往後退。落車再睇真啲,原來份頭真係低得太緊要,斜坡不停俾頭bumper彈走!咁我就四圍抄吓有冇咩雜物可以臨時long高啲架車啦。又俾我搵到兩塊1吋厚嘅刨花板喎,墊喺斜坡前面,啱啱好!一腳油終於到達頂峰啦!
由於我得一個廢油盆,所以engine、波箱油只能夠逐個嚟……咦?咪住!我engine油又低,波箱又唔夠油,係咪可以一齊裝哂呢?諗到呢度,我扭開engine 入油蓋之餘,又抽埋波箱油呎--一齊裝啦!就係咁,我先鬆開17mm嘅放油螺絲,放走engine油,當廢油放到開始慢慢滴出嚟時就上返螺絲,抹乾淨滴緊啲廢油,再用扑頭鎖緊。然後就擰鬆個油濾,一樣等佢漏哂變慢滴,而個油濾就攞開,用車房布(唔會留低布屑)抹乾淨油濾密封圈果個位,可以的話,印乾淨油濾果個engine凹位就最好!來源斷咗,就可以從油底殼一路跟上去,徹底抹一次,有brake cleaner幫手更佳!搞掂engine放油,就到波箱嘞。
波箱嘅放油螺絲係3/8"凹頭嘅,即係話,用緊3/8"扑頭,只需要甩開個socket就可以jel落波箱個粒放油螺絲度。由於Honda呢款波箱冇油底殼,亦意味住佢可能冇oil filter嘅設計,或者會有oil screen﹐但唔係咁易access到,所以換油,而且按時換油係目前唯一可以做嘅波箱維護。話說粒波箱螺絲,上手擰得太實,搞到我要捐車底,去伸佢一,唔係,係幾腳先甩到(如果手力夠,又唔怕chok親條腰嘅,可以試吓用手拉嘅,騎騎~~)。照舊等到滴油就收翻實螺絲,抹乾淨車底,之後就可以入偈油波箱油嘞。
一般師傅教落,用幾多,永遠唔好一次倒哂幾多入去,要減啲嚟倒。例如:架車engine油寫3.5qts, 倒油果陣就倒住3.2-3.3先,到著車,油濾都有油之後,再熄車落平地check油。另一樣要留意嘅,放油如果係放哂engine同波箱油,加果陣記得要加埋波箱油先好著車,燒波箱咪話我冇提你。 - #25 [ckwan2014], 19-07-18 22:05#23 & #24,唔該兩位師兄,到時開po再講。
- #24 [EF9], 19-07-18 21:56#23
我有留意,但吾太多講,不過師兄們佢地係上去玩賽道。 - #23 [Dlbf], 19-07-18 19:27Ckwan兄,你意思係 2 6?呢度以前有講,不過唔多。
- #22 [ckwan2014], 19-07-18 17:56Btw, 問問各位師兄,呢個汽車版,講唔講得老電啲嘢嘎?事關我有時都會整電單車。談版又……(你哋明啦?)
- 下一頁 (1 of 3)
- 返回 ...