在下想請教一下有冇人做過麥當奴 KFC 廚房炸嘢，想瞭解一下，佢哋係咪同一個爐，永遠都係炸同一樣野？

我其實係想知道佢哋嘅炸薯條/薯格係唔係素食。

如果佢哋用同一個爐，同一鑊油，炸完雞又炸吓薯條⋯⋯咁我就唔幫趁。

我見麥當奴炸薯條係獨立用一部機.

連鎖茶餐廳好似都喺同一個炸雞肶，薯條，西多。

所以中東人，5會幫襯非我族類食店，係有一定原因

I just check McDonald cooperate food related faq section... They mentioned nothing about that veggie vs non veggie process...cross contamination etc..

An interesting question

由於麥當勞餐廳的廚房會同時間處理多種食材，故未能排除於儲存或烹調食材期間，或有微量致敏物帶到其他食材的可能性，因此恕未能確保所有出售食品不含致敏物。

雖然部分食材或不含動物元素，惟我們未能保證廚房於烹調食材過程中，該食材不會與含動物成分之食材接觸。

https://www.mcdonalds.com.hk/nutrition/fries-medium/

曾經喺二十幾年前喺KFC做過暑期工，炸雞爐係淨係炸雞，因為佢哋係用壓力爐炸，炸唔到其他嘢。

If they did not mention, Means they do not commit too

如果係素食最好就係唔好去快餐店食因為有無cross contamination 係全無保證

好老實講, 為唔殺生而食齋只係 hypocrite 嘅行為, 現代九農業種值都間接或直接殺咗好多生, 如鳥類昆蟲同好多小動物。

出街食嘢, 除非指明係全vegan, 你都唔洗旨意一定無cross contaminations。

麥當勞炸薯條, 好似係專門一部機

咁講究, 當然係自己帶野食, 如連Mac記都做唔到分類, 其他本地食話比你聽做到, 你會唔會信呀

反正我就唔信, 都係土地問題, 個爐唔會唔物盡其用

我食素係因為個人健康問題，自己知自己事，有顯著 improvement 就 keep 住。

佛教徒、Jainism 食齋係一種修行，唔係 hypocrite。

我素食咗兩年幾，自己食嘢冇問題，但係同朋友食飯，初初人哋見你的起心肝食齋，會就你，但係過得耐，我都唔好意思啦⋯⋯自己去「飯局」都打定底，去到齋飲，又或者自携素食⋯⋯但係喺香港，大街大巷，要搵素食買外賣，絕對係事前要做足功課，尤其係既能飽肚，亦能送酒嘅素食⋯⋯ ：）

呢度要堅持素食好困難...

試過好多次,同同事食飯,食飯其間,知道你食素,俾人串,俾人抽水同笑,真實對白:"餓死佢啦","你下面齋唔齋?",d說話難聽到.... 好似我食素會割左佢地怱肉咁

相對台灣對素食開通同尊重好多

最後修改時間: 2022-06-13 10:40:24

純好奇.如果食素係因為唔“殺生”,咁即係唔當.植物有生命？定話植物可以殺來食,動物唔可以殺？

羅有恆

＞在下想請教一下有冇人做過麥當奴 KFC 廚房炸嘢，想瞭解一下，佢哋係咪同一個爐，永遠都係炸同一樣野？
我其實係想知道佢哋嘅炸薯條/薯格係唔係素食。
如果佢哋用同一個爐，同一鑊油，炸完雞又炸吓薯條⋯⋯咁我就唔幫趁。
++++++++++++++++++++++++++++++++++++++++++++++++++++++++++++

你唔洗去中式酒樓食野了（連菜都唔洗食）。
有機會參觀中式專業廚房，睇下佢地如何處理食油。

我外國讀預科時,寄住喺港式外賣檔樓上,佢哋嘅油大概一星期換一次,炸乜都係靠佢 XD

最後修改時間: 2022-06-13 12:02:01

#17

我知，佢哋用萬年油嚟拉油，豬牛雞魚蝦蟹⋯⋯我所以同朋友食飯要自携囉

唔只中式酒樓，茶餐廳都係啦。

我有個好朋友，一路以嚟都經常大吃大喝，十幾二十年前突然信咗佛轉左食齋，原因係結婚多年冇細路，佢兩公婆於是許下諾言如果比佢哋生到仔就以後食齋，點知又得咗，初時佢都仲有出嚟聚吓，但真係好唔方便，試過同佢兩條友去飲茶食點心，蝦餃燒賣我要食曬四粒人都癲，整整吓而家都好小見。
我覺得宗教信仰係人地自由，我盡量尊重。