鍾菜館（軒尼詩道）
嘔心又受氣嘅一餐
今日中午，我哋去咗灣仔軒尼詩道間鍾菜館
呢籠叉燒包啲餡多到難以接受
食到最後個啖嘅時候發現個包入面有隻小強？
於是即時搵經理啦，該位經理姓黃，佢一啲歉意都無，仲好唔耐煩咁叫我哋收聲！？
大佬呀！你食慣曱甴包㗎？貴公司提供曱甴俾你哋做膳食？定話處理食物有曱甴呢啲事情你哋已經習以為常？你哋做食肆咁唔衛生，食物出現問題，點解可以一啲都唔緊張嘅？
最後該位黃經理收咗籠包，然後話免我哋茶位當補償…
事情仲未完呀，我本身入座嘅時段係計大、中、小點7折，埋單時發現點解會無節扣嘅？收銀姐姐堅持話免咗茶位就無7折…態度亦非常惡劣！
計吓條數，$16/位x10人=$160，我唔洗你補償我但點解連享有7折嘅權利都無埋？
我寧可你收返我16個茶位，俾返個7折我呀？點計都係7折抵啦，做生意做到你哋咁，又忽略食物嘅安全衛生，枉你哋自稱高級中菜館…
其實我無要求任何賠償，免茶位都係黃經理提出嘅，最後經理彈返出嚟，全張單收咗一個茶位錢，然後照俾返大、中、小點7折就了咗件事…

https://www.facebook.com/groups/1852448145005305/?ref=share&mibextid=NSMWBT

The cockroach was sterilized. The other restaurants are not.

稻香集團 - 鍾菜館

品牌簡介

「鍾菜館」格調典雅，裝修擺設充滿中國傳統建築特色，盡顯傳統中華文化風韻。為傳承中華文化傳統，「鍾菜館」大廚親身走遍大江南北拜師學藝，不斷鑽研烹飪技藝，務求為每位客人製作出各款精品粵菜及嶺南點心，讓客人享受優質餐飲同時細味中華飲食文化。

最後修改時間: 2023-10-17 09:31:28

遇到食物不潔, 千萬不要貪食店提供的好處而不了了之, 應該馬上報食環且不要讓他們走罪証.


食物環境衞生署(食環署)負責監管市面出售食物，以確保食物安全、衛生、並適宜供人食用。

如市民在食肆用膳時發現食物不潔、有異物、或不宜食用，可向食環署作出投訴。若市民在進食後感到身體不適，應盡快求醫；如經醫護人員確定為食物中毒個案，診所或醫院會通知食環署及衞生防護中心安排跟進調查。

如市民欲向食環署作出食物投訴，可致電食環署24小時熱線2868 0000 (此熱線由1823接聽)，投訴會交由食環署當值的衞生督察處理。衞生督察會聯絡投訴人，並會同時告知投訴人應如何處理証物。如市民希望在食肆等候衛生督察到現場處理事件，請留意等候時間需視乎衞生督察當時的工作情況而定，詳細情況請向衞生督察查詢。

作出初步調查後，食環署食物監察及管制科會在需要時聯絡投訴人。

如食肆觸犯衛生法例，會遭受檢控，甚至被吊銷牌照。

係google map寫評論實話實說一星佢啦

去過一兩次後覺得名過其實，依家仲有啲咁嘅新聞，不了

是否星爺的橋段？

試過飲凍奶茶，最後先見到小強，態度好好加成個餐免收

on9!!!
被人叫收聲！收咗籠包，然後人地話免哋茶位當補償…當時唔出聲
人地當了結咗件事啦!
之後結賬計落無優惠先上FB嘈!

最後修改時間: 2023-10-17 12:30:58

目標要清脚晣 : 不潔食物
主動免茶錢:一般息事做法
免茶$ , 但没收 30 % discount=反口,咁即係唔想息事

食店真係要多謝,呢位員工。

最後修改時間: 2023-10-17 12:50:08

店方肯賠即係代表餐內有小強係事實，不過食客當時投訴態度亦係關鍵，片面之詞，自己從來聽吓就算

香港食嘢唔會有期望
預咗受氣

果位經理話免茶錢果一刻知唔知會冇左7折, 知唔知咁仲衰過收茶錢呢? 冇可能唔知呱! 咁即係條友擺到明就係要跣你一鑊! 真係賤到呢.....

Went to Stanley branch from time to time.(re-opened now) Nothing special, just for convenience if having a tour over there. Cheaper on weekdays.

個故仔唔係好通，有保留。

其實，一早客人應insist 報食物安全衛生署，不接受店家任何提議，並唔準店家取走證物，各位認為对否？

我會睇情況，我食開早餐間茶記，試過碗麵有隻大蟻，佢地即時道歉換走，不停講對唔住，我當無事發生，錢照俾足。
另外又試過某大酒店有粒成3mm玻璃珠，經理大廚震曬出嚟道歉，話成餐飯唔收錢兼送乜乜乜，我照俾足錢，走之前叫佢地捉鬼。

最後修改時間: 2023-10-18 18:37:12

唔係幾捉到單野的焦點係食物衛生定係埋單拿不到折扣優惠。

#18 bingo！

補充一下，如果負責人一埋位唔友善，我當然唔會就咁算數。