天兄，唔好玩啦！

#172

由燒鵝品味判斷，d hing 同唯靈都係食神

燒味熱系唔好食，暖先至係最適食用溫度

唯靈可以講係食經第一

仲有冇人拍得住佢? 陳夢因冇乜點睇過, 唔知

#169 肥滔同唯靈仲差兩班。

以前買晚報只為副刊。就算5寫食，唯靈講生活小品亦很風趣

食家，有個樣睇架，一定唔係奀奀瘦瘦嗰隻，必然係中意食中意試，菜式自然食得多，食到漲，唯靈是，食神滔如是^_^

：啱啱去能記外賣返家吃

#165 天兄，我認為唯靈先係真正食家，very堅，而家尐正所謂YouTuber食家真係睇到佢燈尾當嬴左。

30年前左右去過深井食, 唔記得邊間, 普通咁, 又唔熱又唔脆皮.
最正食過係40幾年前喺樂道一間飯館午飯又熱又脆皮。
識得深井係50年前, 有個同學姓傅.

唯靈都話過最喜愛食鵝背脊，
你哋都係食神

#163 我就覺得最重要係隻鵝本身肉質同埋醃制功夫。
如果講肉質，鏞記，元朗天洪 都好正，講醃功就 甘棠。
我自己喜歡食鵝背，連骨都咬碎食味道，所以首選甘棠。

我8幾年時第一次去深井，裕記好多人，陳記冇乜人，但後來又好似掉轉。
聽長輩話裕記話陳記後來啲泊車黨強好多，所以逆轉。
裕記好似肉好味啲，陳記皮脆啲。燒鵝最緊食都係撞正出爐時間最緊要，
店鋪一旺就水準大升。
所以#157 條片等到而家疫情冇人食先去食甘牌，食評咁差都凳甘牌有啲慘。

生力係對面，尐生啤係好飲尐，同埋成條路都係尐啤酒發酵味。

我計錯數，應有四十幾年，果陣係去十一咪半或租船去馬灣，赤臘角釣魚，回程多數去深井食，果陣馬路邊果幾間較旺，燒鵝都比裕記好, 果陣仲细，第一次飲生啤配燒鵝， 味道難忘！

最後修改時間: 2020-12-05 09:05:18

》三十年前，裕記唔入流，傅記能記多人食，

唔知師兄尐資料來源，不過我九零年初住深井海韻，裕記雖然在街尾，但經常要等位！傅記，能記在街頭，多數有位！

因為貨源問題，甘牌 嘅鵝肉一定唔及鏞記，不過醃制功夫就有一定水準，我食過幾次，唔錯嘅，兩年前外賣半隻燒鵝，返到屋企打開冇肶，以後再冇幫襯。

大埔墟 一樂 好多年前去過兩次，比一般燒臘舖好，但未至於出色。

我第一次去深井60’s年代，簡陋木棚，次次同阿爸阿媽三個人一隻，大滿足。

三十幾年前第一次比長輩帶入深井，最記得問我好唔好味，我答"好重炭味"，哈哈。
但啲鵝雜好正，第一次食。