想問下大家我用LC 整煲仔飯, 整出來D飯焦係韌唔脆. 請問點整D飯焦先脆呢???謝謝

皇上，

我隻老虎以前用 LC 整煲仔飯，玩左好幾次都失敗，之後投降去新填地街買左個沙煲，效果 very good，依家我都費事出街食！

補相！

係好難。唯有油多啲囉，但都係麻麻地。
用家又多數唔捨得chok隻煲呢，會花。
18cm以下好小小，越大隻越難。
同埋煲仔飯唔駛個煲咁鎖水，LC staub就尷尬，
蓋又唔係唔蓋又唔係。

最後修改時間: 2018-12-15 17:59:20

Lc整唔到

staub就好易整

煮完唔好開蓋焗10-15min,
再開極細火3-5min, 就會有飯焦.

有時真係好Q,留意咗bo仔飯topic好耐,尋晚終於的起心肝試吓diy,之前因用電磁爐,又冇瓦煲,恐怕會浪費青春之故

做之前亦構思過流程,水當然要夠但不能多,令米粒有煲仔飯既口感,不能有軟棉感覺,於飯滾過程中稍為將米柆翻動,直至稍乾身,此時嘗試轉小火,但發覺炊煙量5夠多,心生ㄧ計,轉回大火,當炊煙到ㄧ定量度,搬開約一分鐘後容後再煑,咁處理係恐怕長時間大火會燶,變咗真係浪費青春,如是者約4次,開始有微焦味,完成

總結,飯粒飽滿結實,飯焦金黄爆脆,個人而言,收貨

D兄
我係電磁爐, 下次搵個電磁爐專用既沙鍋試下.

THX 咁多位.

1. 未開火前, 用油揸勻沙煲內壁.以前行家是用猪油揸.
2. 米分開用另外容器洗, 洗好才落沙煲, 不同米受水有異, 只比平時電飯煲多少少水架啫, 我用米:水, 9:11上下. 冚蓋開大火‧.
3. 約數分鐘水滾, 大蒸氣後开始收少, 開蓋用匙翻一翻起底免黐 (如見米已發起水多就"嗶"走D, 反之加滾水...執生), 見水收到九成有飯形, 平放生料, 冚蓋收至細火.
4. 然後左上, 中 ,右上,左下, 右下,回中移動個煲...每2 mins轉位.....肉餅可快D , 帶骨的要耐D.忌開蓋check.....!!用鼻聞.......
5. 收火再焗吓佢, 甜鼓油最後先落, 其實如可以不落, 有下着.
6. 食前餸先夾開, 先食面飯,如飯蕉冇大燶, 放少少清湯起埋佢, 就完美兩食....!!

check steps 4/5..蒸氣煙都冇時, 拱個鼻去蓋邊, 有少少蕉味就立即轉位,或由煲蓋落少少少滾水.....

煲仔飯, 心機嘢, .....不能離火..!

最後修改時間: 2018-12-15 21:24:40

而家我係咁食

港式煲仔飯食到最後見飯焦時, 以日式沙鍋飯食法, 加熱湯易啲提起飯焦, 焦香同高湯結尾, 正啊


剛剛又上三興同和珍買多批臘味
應該係今年最後一次入貨了

我都終於試哂三興隆2隻潤腸. 個人鐘意鵝肝腸, 鴨潤我覺得太油.

#8 皇上，買個打邊爐氣爐！

皇上，買之前記得問吓皇后。

幾年前想順手係日本買個薄身果隻GAS爐. 講講下到AIRLINE唔比寄都未買....

最後修改時間: 2018-12-16 13:12:35

邊到有靚煲仔飯食?

堅尼地城"常喜"唔錯，可以。
今晚，8:30排，9：15有位，9：40飯到。
飯乾身。飯招夠溥夠脆夠多。基本上成個煲身都有飯焦。



最後修改時間: 2018-12-29 23:44:38

個零鐘有得食真係算快，早十日去西環辨事，順便去坤記，連等位兩個多小時，真係怕怕！

自己用Staub煲都做到外面8到9成水準。

飯焦

#1 鍾意食好厚的白飯，早幾日買了尼隻，窄啲但好高，
尼次滿意了，仲係求其用珍珠米整同冇另外落油。
過兩日用絲苗米正經再玩過。



最後修改時間: 2019-01-20 22:36:30