幾拾年前食過呢間麼地道新同樂,正.

多年前特登去美麗華新同樂試下佢果個出名嘅叉燒,下午茶時間去到佢話賣曬,睇完片一嘅師兄介紹就唔使再去.

大概三十年前開始耐不耐去 新同樂（廣東道） 食翅，最後一次都十幾年前（美麗華），因為啲後生話唔好食翅，我就開始唔主動去食翅。

條Alfred用個套餐dining party試，大渣都知喺母親節父親節嘅套餐一樣，整定加熱上碟，唔慌有幾好，因為唔係正式菜式。

唔係替新同樂抱不平，用套餐去評估整體菜式，容易走偏。

間舖主打係魚翅，燕窩［嗰時係］，我講嘅係灣仔天樂里帆船酒店隔幾間舖嗰間，舊時炒股搵到食嘅食魚翅撈飯，尖沙咀嗰間反而冇乜印象

我又唔同意套唔套餐嘅問題，唔通套餐就特登燒條差D嘅叉燒俾人咩，咁樣兩箸餸收人9百幾，雖然未係天價但亦都唔係平，你覺得冇錢賺咪收貴D囉，但唔可以因為套餐收得平就求其整D嘢出嚟就算，始終新同樂呢個牌頭唔同一般酒樓，客人對你哋有期望係好正常喎。

講開#2麼地道間新同樂原來左邊轉彎赫德道一條又細又窄嘅街原來都有間福臨門差唔多同時存在,都係老細請食飯,當然係正啦.圖右下綠色招牌嗰間.

某程度你啱，如果本住「見微知著」去推論。

不過呢，例如去馳名燒鵝飯店試食，唔叫燒鵝，叫個下午茶沙爹牛通奶茶，沙爹牛唔多得，「見微知著」去推論間嘢燒鵝乳豬小炒唔掂^_^

常識都知义燒唔會即場燒，喺一堆燒好嘅义燒下，油雞佬會識得分俾套餐或散叫俾咩質素，套散有別唔使腦細吩咐。

#8 以前去 福臨門 燒鵝，冬瓜盅。

# 8

幅圖好很多年前喎！Cheung Kee 拆咗幾世，起咗K 11 冇10年都有8 年，嗰頭曾留低唔少腳毛，你真係要去撞下而家重有冇福臨門？^_^

順帶問下#8 圖，有冇人記得招牌Cheung Kee 係點架？

#11 我去呢兩間名店時新同樂同福臨門響呢個地方超過40年喇.我50年前响赫德道讀書時好似未有.只知麼地道口夾漆咸道嗰度有間西伯利亞有隻大獅子响度.張記都成日有行過,當年冇錢消費都冇留意係乜嘢嚟嘅.

最後修改時間: 2024-08-02 16:26:38

西伯利亞隻大獅子成日見，某年喺佢左近開咗間fihi 舖, 展示KEF, 行過揩下油聽下。

哈，你一定係嚇duck 道C A 高才生^_^

昌記比起永安先施，係間小型百貨公司，曾代理幾隻來路牌子鞋，Milan 就係家族僅餘賣鞋舖名，早兩三年尚見到，唔知完成歷史任務未

餐廳周大平賣
https://restaurantweek.diningcity.hk/lang/zh-HK/cities/hongkong/restaurants/sun_tung_lok_tst_hongkong

#14 嚇duck 道C A 高才生
請問A字代表?

#16
哈，母校英文名都唔記得？索性俾埋全名- Christian Alliance College

不過我5係CAC 校友^_^

#17 赫德道好似得一間中學係 Hong Kong Christian College,都拆咗好耐呀起咗酒店.

是但啦，中文冇錯「基教書院」，已完成歷史任務^_^