夏銘記越做越縮
魚片越薄越細塊
河粉都少咗好多

好掛住夏銘記, 以前逢星期六去探我阿公都會去食, 仲起勝利道嗰陣時.

#4

去文輝，梗係食墨魚頭，感覺直程好似響鬧市用平價食海鮮咁樣

我未入晒門口，其中一個老闆一見到我就會大叫：紫超麵 (超即係墨魚頭)

以前鍾意食超撈，但係覺得佢嗰種麵太似油麵我唔太鍾意，仲會彈到成身都係沙嗲

#5

魚蛋唔係要超脆，而係要真材實料。真正真材實料嘅魚蛋，唔會太彈牙。
我會去夏銘記食魚蛋。魚蛋真材實料，湯底清甜冇味精，河粉香滑冇曱甴屎味。我由細到大都好憎食河粉，唯獨是夏銘記嗰啲，我一定食河粉唔食麵。最緊要係食完之後要飲埋碗湯，因為一啲味精都冇，真材實料。仲有最緊要嘅，夏銘記最正嘅係佢嘅辣椒油，夠香夠辣，同佢真材實料嘅魚蛋互相輝映。如果閣下食唔到辣，去夏銘記唔點佢嘅辣椒油，係人生一大損失，你淨係食到佢哋魚蛋粉一半嘅精髓

最後修改時間: 2025-12-22 23:12:10

欽記 執咗了。

欽記 未有電火車我已經食過。

最後修改時間: 2025-12-18 20:45:53

聯和虛欽記好食，不過唔知重喺唔喺度

黃明記墨魚丸好食，係廿幾卅年前嘅事，佢仲有一樣美食係芝麻灌麵。

最近，食過好食的墨魚丸有大埔的[海達魚旦]，不過幾貴，$180斤。

#7 Thanatos兄，以前 黃明記 墨丸有肉粒，叫墨丸河可跟墨鬚。

#9 Billy，我十幾歲已經去食，佢細女幾靚，幾年前仲撞返佢，仍然靚，佢地伯爺仲係舖面收錢果陣仲幾好，搬咗過新舖之後我食咗一次就放棄。

PK九龍城寨墨丸皇味道都唔錯，經常做特價買一送一

廿幾年前係九龍城返工,經常食黃明記,真係好正架
早幾年再去試下,吾係果樣野囉....

以前樂園牛丸，啲墨魚丸就係有一粒粒墨魚肉

其他地方食到嗰啲只係有啲彈性，有啲鮮味嘅麵粉丸

我認為最好食嘅墨魚丸，係要食到裏面有一粒粒墨魚肉，最好係墨魚頭嗰啲爽口嘢

講起墨魚丸，九龍城 黃明記 一落千丈，唔知執咗未？

最近食紫菜四寶湯,有2粒墨魚丸,無乜特別,反而魚蛋魚片超脆,唔知加咗乜

以前好鍾意食，銅鑼灣文輝墨魚丸大王

樓主，九龍城街市，衙前”朗”道有兩間 潮式雜果貨店，兩間都有 魚蛋 墨丸。

最後修改時間: 2025-12-18 13:23:03

去潮洲魚疍粉鋪買, 通常都好食

各位師兄們,

小弟之前在九龍城街市對面的潮州雜貨店購買過一包好好食的冷藏墨魚丸$130,早2天再去店己關門,所以想向師兄請教,您們會知道雜貨店的新地址,或者知道好食墨魚丸可以在什麼地點購買到？,謝謝