唔知有冇記錯,以前啲臭豆腐冇好似而家嗰啲咁臭通街.通菜街嗰檔聞就聞得多但未食過.約三十年前同d仔響維園對面而家圖書館個頭附近有個阿伯賣臭豆腐啲仔都話好食.

廿零年前牛頭角下村地鐵站橋底都有檔擔仔賣臭豆腐，仲係傳統果隻味好好食。記得最後食係7蚊一舊

好似係金魚街個間比人投訴。

幾廿年前，物華街去月華街行人燈位，有對公公婆婆耐不耐係樹擔挑賣臭豆腐，豆腐同辣椒醬好正，買兩件用雞皮紙袋裝住，喺豆腐篤個窿，塞啲辣椒醬，極品。

以前邊理得乾唔乾淨，係靠食10蚊甲型、10蚊乙型大的。

同炸大腸一樣，而家果啲臭豆腐，都唔係嗰啲嘢嚟嘅。

最後修改時間: 2025-02-12 13:22:32

果間好似係龍津定佳記。

想得當年太子道有檔賣熟食,被樓上住戶投訴臭豆腐氣味太濃烈,最後被迫改淡味些小,再加強抽氣過灟；如果你做檔主,都不如唔賣

#14
尤如榴連，香/臭由好/惡者定。

愚村乃投訴之都，對於唔中意臭豆腐味道嘅刁民，點會放過賣者？

擔住桶發酵咗嘅豆腐+泵氣爐+鑊上街現做嘅小販，我記得最後嗰個係外省籍（港人習慣唔講粵語嘅外省人叫上海佬）小販，佢話自己係上海人，差唔多半世紀前喺亞皆老街火車橋底開檔

工序繁複, 又賺得少,而家香港好少人做, 台灣好多, 個個夜市都有好食的, 係同港式有d唔同, 但都好好食

講講下想食添。

我記得由細到大都唔明白臭豆腐，點解叫做臭豆腐？因為覺得非常之香。

但係有一次我阿媽接我放學一早買定俾我，佢放咗喺架車度。凍咗嘅時候真係臭到阿媽都唔認得。

個人覺得台灣臭豆腐，同香港版本，係兩回事，除咗同係豆腐同係落油鍋，色香味都係兩條路線。

由其古祖味香港版本，細時街邊賣臭豆腐，用個鼻就搵到檔口嚮邊，隔條街都索到 ...
入口香脆嫩滑，齒頰留香，一開口就知您食過乜，好正。

家陣個去臭版，企正個鍋前便，先勉強聞到小小味。。 無癮 ~~

禾暫時都係鐘·意港式臭豆腐，

台灣九份唔同口味，個胃旅行戴唔晒就浪費

杭州酒家真係好味道。唔油唔甜 ^_^。N年之前住喺附近時時去食。佢隔離間炸春雞都掂。

係台北行夜市時，聞唔到熟識嘅香港臭豆腐味道。見到好多炸物，但係可能唔同唔認得。估計都係用豬油炸。係好厲害！


最後修改時間: 2025-02-11 16:30:00

以前有檔街邊臭豆腐好好味又多人買, 有次咁岩比我撞見佢生產地方坦白講真係幾臭下,所以佢個位都係縮埋一邊整.

做臭豆腐會有鄰近居民投訴氣味。

在灣仔食蘇杭菜，臭豆腐同街邊車仔臭豆腐有分別。

我係杭州飯點食過都算好食嘅。點的其他餸都吾錯。但你話要係番本地街邊檔一模一樣的風味咁就可能吾100%係。起碼企係條街度自己搽甜辣醬用竹簽食同坐係飯店食個環境經已吾同。

Lym San, 我未試過係香港食蘇杭菜，以前係大陸就試過，佢哋嘅臭豆腐味道更加唔同。

街邊鋪賣D味比人投訴到爆。

灣你杭州飯店餐牌有得叫。

係台灣食過臭豆腐，味道同香港嘅有啲唔同，清湯韭菜豬紅豬腸 都係有同一個問題。
係香港最後一次食臭豆腐，係金魚街近太子道，唔知仲係唔係度。