球場外圍，戲院門口，各碼頭外圍大架木頭車用泵氣火水爐，嗰啲至係車仔麵，平民大眾學生恩物，舖頭開嗰啲只係名稱，今時今日隨時收七、八十，CLS

吹吹水，如果，而家，球場外圍，戲院門口，各碼頭外圍, 有車仔麵，有冇人會幫襯？⋯⋯我諗我唔會，外賣或會，湯分開上。

而家冇嘞，有食環幫地慘傷，冇牌賣熟食，罰到阿媽唔認得，而家冇曬熟食小販

個時木頭車車仔麵用木快子，食完D碗快就咁掉落水桶浪兩浪就算，以現時尺度好難接受。

最後修改時間: 2026-02-15 10:33:54

仲有用淥麵水淥筷子呢^_^

喺特定嘅時間空間，至有無牌熟食小販，無牌小販百幾年前一路有，車仔煨魷魚，煨番薯，用個炭爐方便。但要賣熟食，要喺揼氣火水爐出現至做得到。

香港70年代前經濟唔算得好，又大批偷渡落嚟，工廠除咗紡織製衣冇也好做，冇咁多職位，港英政府唯有俾佢哋做小販搵啖食晒， 67年暴動後，經濟蕭條，嗰時更多人加入小販行列。

嗰時熟食賣麵小販要帶埋食材，火，筷子、厚雞嘜碗，煑麵整湯食水，洗碗水至開得檔，咪話唔辛苦，起碼有得三、四個人至得。

球場外圍開檔d 客買麵走入球場看台坐低食，食完擺低個碗就行，又要搵人入場收返啲碗同筷子，冇幾個人一齊開檔搞唔掂。

每次回香港都食一次

新北江佳寶對面

對上一次車仔麵灣仔，五年前，不用半舊水。

今日，車仔麵，海外港式茶記，四餸，成舊水港幣。⋯⋯味道幾ok 但餸少。

#29. 補相



最後修改時間: 2026-02-15 12:14:29

#20. 8-90年代經常去，果陣黃金樓下大把木頭車，好多嘢食。


＞＞＞ 阿豹哥？？條金鏈半斤重 ^^" 朋友個老死

禾每個月都有去食車仔麵，

一 ) 上海街肥公

二 ) 大明里郭仔記

用料及食材味度係可以，美中不足係豬皮浸唔夠，硬咗小小

做車仔麵淨係豬皮要浸過夜，

材料？？重要零晨三、四點煮到天光，

佢 D 豬皮入口即溶彈牙又入晒味，

佢地嗰行佢話要日日捱夜好辛苦，

要煮得好食，小 D 功夫都唔得

間唔中都會幫襯肥公，好想試吓佢哋嘅咖哩魷魚。

郭仔記係大埔名物，但係未試過。

次次都係 油麵+豬皮豬紅蘿蔔+菜+樽裝無糖可樂。


最後修改時間: 2026-02-15 13:20:20

豬皮我鍾意食合益泰,有兒時嘅味道.近年食車仔麵響大埔大元街市,只食豬皮,豬腸,幼麵.都好耐冇食囉.

最近食合益泰豬皮差左。

細個食屋企附近D木頭車仔麵係乾式冇湯底的，一樣好好食。隔離就係奶茶檔，攞住碟麵過去食叫杯凍0樂。

最後修改時間: 2026-02-15 18:20:02

腸粉重0K。裝修左地方企理好多。

以前經常去新世紀廣場開會，所以都有幫襯肥公。好食，印象中有兒時街邊檔味道。

西灣河呢兩間都食過好多次:

https://www.hongkongcard.com/blogs/%E8%A5%BF%E7%81%A3%E6%B2%B3%E5%85%A9%E5%A4%A7%E8%BB%8A%E4%BB%94%E9%BA%B5%E5%BA%97

個人喜歡超級無敵。幾個月前回港都有去幫襯，D餸菜我見處理得乾淨同新鮮D。林記就幾年前覺得水準差咗。

細個都係食車仔麵大，上水龍琛路某小學旁邊後巷有間車仔麵，好細間，裡面有架木頭車，四年級開始番學自己搭巴士番下午班，每日番學前都去果度食碗麵，張枱响鐵絲網旁邊，對住校長室，果陣覺得好好食，仲慢慢挑戰辣魚蛋。

#32 响大埔讀中學咁多年，都唔知有間郭仔記咁出名，學校响大明里附近都冇食過，反而臨離開香港前，去食過附近果間三不館。

最後修改時間: 2026-02-16 02:14:01

日日排長龍, 魚餅, 粉腸, 蘿白, 牛雜, 奶茶, 正