- #43 [Joeyd], 19-02-13 20:09離開兒童組先低人工啫,之前兒童組實爆show.
- #42 [olivea88], 19-02-13 20:06以明星賺萬一二真係好少錢,又要買衫化妝打的,都唔知點生活,
仲成二十幾年係咁.. - #41 [danny-love], 19-02-13 19:58佢唔續約有長期服務金
佢話比阿媽保管
d錢真係要小心d使用 -
- #40 [danny-love], 19-02-13 19:58.
- #39 [lym], 19-02-13 19:06吾想連姓改的話叫小寶或寶寶都會柔好多。一叫蓋世就有你玩晒 feel.
最後修改時間: 2019-02-13 19:07:20 - #38 [vitz], 19-02-13 18:50姓蓋,真係幾難改名
- #37 [Joeyd], 19-02-13 18:26老豆幫仔女改完個咁勁既名之後就離婚,
人生都幾黑色幽默.
一路都覺啲父母有問題,啲仔女都九成有問題.唉.
最後修改時間: 2019-02-13 18:29:48 - #36 [george1977v5], 19-02-13 18:12
她要嫁仍然很多機會,獨身也不是壞事。
【考慮一年後拒婚】錯過結婚生仔機會 蓋世寶:佢已經成為人哋老公
HK news
發佈日期:2019年2月12日
入行23年嘅蓋世寶,有過兩段感情,第一段係主持兒童節目時識嘅鄧健泓Patrick,可惜拍咗一年就玩完。不過,佢哋再見亦是朋友,雖然分手多年,但到而家都仲有聯絡!「佢仍然係我好好嘅朋友,好值得信任,呢個人真係好好。」同Patrick分手後,Lulu遇上林遠迎,一拍就拍咗好多年,亦係Lulu口中錯過咗開花結果嘅一段情。「已經錯過咗,但我重複又重複去諗過,可能隔一段時間又會諗,當有mood去思考嘅時候,會諗吓其他人成日都好擔心我,「有咩打算?仲唔嫁?快啲搵人養啦!趁仲有少少姿色快啲結婚啦!」我真係要咁樣咩?已經係我揀喇喎,我問自己有冇後悔,有冇做錯,呢個世界喺愛情方面無對錯,兩個人嘅事第三者係唔會知道咁多嘅,我的確錯過咗。其實好多人都知道,拍拖好多年,但原來要行到最後係咁困難嘅。其實我覺得如果自己準備好結婚,唔需要你求婚,我根本就會同你講不如結婚咯,我係一個咁樣嘅人。佢有正式求婚,我考慮咗接近一年,結果都係拒絕咗,對嗰件事好內疚。」不結即「分」,分手後冇耐,林遠迎唔只好快有女友,仲好快結埋婚,生埋仔,而佢哋亦好少聯絡。「佢好快已經成為人哋老公,因為佢係屋企唯一一個男丁,其實都會有壓力,長輩當然想佢傳宗接代,快啲結婚,我拒絕咗之後,佢都要再物色嘛。我有少少唔開心係因為佢物色得太快,但我仍然當佢係好朋友,不過已經好少聯絡,因為真係唔方便,無事無幹其實唔需要聯絡對方,有咩事在心中就夠。」
【與湯盈盈 滕麗名係同學】39+1蓋世寶 離開大台再增值 學跳Sexy Chair
Lulu抗拒結婚生仔,原來係睇到媽媽含辛茹苦湊大佢哋四個,責任太大喇。「因為爸爸媽媽離咗婚,你可以話係我自己攬上身嘅,但係應該㗎嘛。我哋四兄弟姊妹都跟住媽咪,媽媽話,自己三十幾歲帶住你哋四個,你哋三十幾歲仲喺度游手好閒,我做唔到,點解我仲未選擇結婚呢條路,我覺得自己做唔到,我知道自己有咩責任,所以我暫時唔行呢條路,唔係話呢世都唔敢行,但係我想自私啲,想為自己多啲,而亦都未有一個人令我停落嚟。我一諗到自己成為人哋老婆、媽咪,乜都無晒,可唔可以令自己人生快樂少少?可能因為我比較有責任感,但呢一世就只會為責任而活?」
攝錄:黃志明
採訪:肥A
立即下載《壹週刊》Apps,隨時隨地睇盡時政專題、深度偵查、娛樂熱話!
按此連結: http://bit.ly/next28app - #35 [danny-love], 19-02-13 18:09續約要減 1 / 3 人工
1萬蚊都無
陰公豬...... - #34 [Joeyd], 19-02-13 17:50唔紅唔奇,唔結婚奇啲,正正常常靚靚女女,點解呢?
可能尼part仲大鑊,希望估錯. - #33 [olivea88], 19-02-13 17:45仲係靚女,又俱備紅既條件.揸油......寶寶...
- #32 [danny-love], 19-02-13 17:32入行23年
都唔係短時間
現在已經4張野
佢d青春比晒無記 - #31 [Kelvinzy], 19-02-13 17:29CCTBB根本除咗拍膠劇無咩節目做
宜家又有各種社交媒體吸引分散觀眾
咪唯有死死氣派啲藝人周圍捐窿捐罅,有咩活動參加咩活動,然後做下採訪同花邊新聞咁嘍,唔喺有咩好做? - #30 [KK903], 19-02-13 16:31Copy from AM730
[無港劇·演員要轉行配音] 魚油一樽:方俊傑
星期日晚,方太看電視:「啲明星好得閒咩?個個走去拍旅遊節目嘅?」望一望,龔嘉欣與譚凱琪去了台北拍賀年特輯。我忍無可忍:「台北啫,早機去行個書店然後食個無老鍋再逛一轉夜市,晚機返,酒店都唔使訂。」「去大灣區都唔會搵小生花旦啦,人哋唔使拍劇咩?你有冇見過鍾嘉欣或者陳法拉會似肥媽咁走去介紹食魚生?況且,譚凱琪最近唔係好紅咩?有乜理由唔係晚晚喺錄影廠拍劇瞓都無得瞓?」方太果然是方太,是個會跟孫女爭看電視的嫲嫲。
演員人數沒增加,拍劇量減少,最直接的聯想是整體劇集數量呈正比的減少。果然。方太晚晚追看的《守護神之保險調查》,是香港邵氏跟大陸愛奇藝合作,四大主角除了苗僑偉是大台常用,黃宗澤、徐子珊都是外流勢力,劉心悠直頭是外援。播完,接力的《皓鑭傳》,是《延禧攻略》班底國產宮廷片,一個無綫員工也沒有。另一檔的《荷李活有個大老千》,王晶出品,用了部分無綫演員,但更大部分是王晶班底,例如王晶個親生女。未夠絕,連深宵時段也播放周迅的《如㦤傳》。領無綫薪水的演員,只會在《愛.回家》出現。人才過剩,難免會被安排去綜藝節目。
以前,常說無綫贏在慣性收視。慣性收視來自親和力。劇再爛,但家庭觀眾見到黎耀祥見到陳豪,便安心。黎耀祥和陳豪不可以為另一間電視台效力。現在,你在翡翠台見到鄭則士見到金燕玲見到秦沛,全部是自由工作者,將劇集擺去Viu TV,你便會以為跟《詭探》一樣,是Viu TV自家製作。日播夜播的話,終有一日,觀眾其實分不開無綫跟非無綫。當然,其他電視台未必夠資源一劇接一劇地製作,要方便快捷,肯定是買大陸劇一了百了。反正大陸九千幾個電視台,無綫買唔晒。咁,本土演員還有甚麼工作機會?有得拍旅遊節目已經好好運。
轉型配音吧。如果我是Viu TV高層,我會買很多很多大陸劇、韓劇、日劇、美劇,然後找一把把熟悉的聲音配音。打個比喻,買齣《權力遊戲》回來,角色眾多關係又複雜,本來很趕師奶客,只要找到劉心悠為龍女配音,黃宗澤配Jon Snow,徐子珊配皇后,方太便可以當看《守護神》一樣投入。又例如,找到佘詩曼為《王冠》的伊利沙伯女皇配音,親切感大增下,也很容易發現宮廷片不一定處處勾心鬥角。當60歲不可以退休不可以申請綜援,只可以做到死,一個人只專注於一種專業,太危險,個個也要把自己訓練到多功能,才捱得住。譚凱琪係好好演技,又難得有機會發揮,都是時候居安思危,快快找花師奶呀等等前輩學一學配音絕技吧! - #29 [一縷輕煙], 19-02-13 16:28估5到係真名,好似大俠名,仲要胡鬚辣突果隻
- #28 [gundam00], 19-02-13 15:50段新聞早幾日已睇咗。正如下面留言所講,佢嘅笑聲都掩飾唔到佢嘅傷感。。。
我都同情佢,覺得可惜。但廿年嚮無線咁堅持咁理所當然? 其實佢應該早5,10年就為自己打算吓。 - #27 [S.Cheung], 19-02-13 15:33睇兒童節目又有幾豬?有興趣學sexy chair dancing 又分年齡?思想偏激左啲
- #26 [gundam00], 19-02-13 14:47唔係港豬有港孩,邊個會睇無線兒童節目 ?
幾廿歲先學 sexy chair dance ?? 趁仲有姿色嫁柒咗佢啦……
最後修改時間: 2019-02-13 14:49:16 - #25 [vitz], 19-02-13 11:25中文名都算, 英文名 LU LU 就...
- #24 [bliss33], 19-02-13 11:07改名為蓋雙蛋,蓋蛋飯親民巧多^_^
- 下一頁 (2 of 4)
- 返回 ...