- #187 [Wewa], 19-04-22 01:19
- #186 [將軍抽車], 19-04-22 00:32逃犯條例應該唔間你啲老表演者事個河!
- #185 [呀金], 18-12-24 21:44如果佢夠膽用同一標準來評論南京大屠殺,我會好欣賞佢。
-
- #184 [DcAss], 18-12-24 21:4289年以「熱血的中國人」來形容自己的譚詠麟,以「生瘡」作比喻,指瘡已在康復,
如果仍去弄它,隨時「借傷成毒」;六四已是歷史,應由歷史去解答。
會唔會佢自己就生慣花柳梅毒,所以可以無視任何瘡疤。 - #183 [一縷輕煙], 18-12-24 19:40好文 x3
多謝分享! - #182 [tpe_ryan], 18-12-24 17:31廢倫 廢叻 死矮仔(這個名更毒)
講到新年都未完 - #181 [oeel], 18-12-24 17:20* 176
thanks - #180 [simpleman], 18-12-24 16:48#172 如果內容喺真的,雖然有點波折,但作者已經算好好運,居留、生活、工作、興趣都得到了,而且都只是幾年間的事,自從普通香港人失去居留英國權利之後,好多人要用上最少十年出盡所有合法方法留在英國,先可以申請居留,再多幾年先可以攞 BC。
- #179 [tpe_ryan], 18-12-24 16:22好文 x2
年青人有時只差一個機會
當然啦, 任何時侯係個comfort zone太耐太舒服
鬥志都會磨滅 - #178 [BB1668], 18-12-24 16:21
- #177 [albertohassier], 18-12-24 16:09反去賣鬼曬佢啲黑膠。。發財唔立品
- #176 [Mike*Pang], 18-12-24 15:45#175 >>> FROM 連登
- #175 [oeel], 18-12-24 15:41#172
你親身經歷? - #174 [Mouton888], 18-12-24 14:55好文!
- #173 [simon62], 18-12-24 14:52無港英時代,佢連唱紅歌既機會都無。
- #172 [Mike*Pang], 18-12-24 14:39痰冠輪希望佢睇清楚。。。廢青?
>>>
我想分享一下我嘅故事。
好長下,首先多謝你嘅耐性。
我嘅夢想唔係咩大事。
以前讀大學Year2嘅某日有朋友比左對幾好嘅耳機我聽,聽完之後我就入左耳機坑,之後玩玩下就玩埋Hifi。當時我一直有搞自己嘅手工皮革小品牌,亦都有同死黨接整網站嘅Job做,賺番黎嘅錢基本上都用左去音響野度。過左年幾之後有日我決定自學設計整一對喇叭,自己買零件同木板砌,依家睇番件野都幾可笑,但當時聽到對野出聲果下心入面嘅滿足感係難以形容。呢個興趣一發不可收拾,好快我就有左個決定。
我想做研發音響產品嘅工程師。
甚至可以嘅話我想有自己嘅音響品牌,不過呢個係大後話了。
深明自己專業知識不足(我本身讀Computer Science),我就想去讀個聲學工程嘅Degree或者Master。香港/中國本身就冇咩音響R&D嘅野(最多都係歐美R&D然後內地production),亦都冇咁嘅科讀。我揾揾下揾到英國有2間大學有呢樣野讀,而大多音響公司嘅工程師都係呢2間大學出身。最後我決定一畢業就去係Manchester果間讀個Master。
當時我父母搞緊離婚,我一邊夾住做中間人,一邊準備考IELTS,之後報學位,好趕咁搞VISA,途中父母嘈過學費嘅事我差d就冇得去讀,好彩最後一切都順利過去。
剛去到讀嘅時候都幾怕自己讀唔黎,因為內容係我以前接觸得比較少嘅數學同物理。聲學工程嘅學生好少,果年總共19個,我係年紀最細果個亦係唯一一個亞洲人,唔少同學都係30幾歲甚至有個50歲嘅德國伯伯。好彩嘅係可能大家興趣相近,一樣做到好好嘅朋友(尤其同由其他國家黎嘅,英國同學就多少有自己本身嘅圈子),佢地幫左我好多我先順利讀到落去,我就用我Computer Science嘅知識教番佢地用Matlab計數做功課。
放假嘅時候會跟同學去佢地嘅國家旅行,又跟同學學意大利文(作為交換我教佢地各式廣東話粗口),果段時間係我最充實見多識廣嘅日子。
到開始要諗論文題目嘅時候,我知道原來可以聯絡聲學相關嘅公司去R研究項目,就不斷聯絡唔同嘅音響品牌,英國嘅美國嘅芬蘭嘅丹麥嘅,亦順便問下有冇工作機會,但全部都冇回音。最後好幸運地透過教授幫手,居然聯絡到我最喜歡嘅果個英國音響品牌出題目比我合作研究,可以跟設計出我之前用緊果對喇叭嘅工程師學野真係好開心。
寫論文嘅同時我亦一邊揾工,但慢慢都了解到一個令我幾失落嘅事實。
音響喇叭R&D相關嘅職位係稀有動物。一來每間公司最多只要兩三個工程師就夠哂,好少會請人,就算有空缺都會揾番有年資嘅。二來大多數音響公司都唔係VISA sponsor/唔願意搞VISA,我發出去嘅申請大多都係Reject我冇經驗,或者係面試完想請但一問VISA就冇左下文。
讀聲學工程嘅學生其實9成9都係會去做建築or環境聲學顧問,因為英國有好完善嘅噪音管制同建築隔音隔震規例,學校有學校嘅聲學規格,辦公大樓亦有一套規格等等,全部都要顧問測量/設計/出報告,加上畢業生少,所以聲學顧問係一個短缺工種。
我對做顧問真係興趣不大(唯一有少少興趣係設計錄音室或者演奏廳呢d同音樂表演相關嘅項目),但好可惜嘅係連我合作做研究果間音響公司最後都開唔到職位比我(即使佢地本身係VISA sponsor)。我就畢業要番香港,之後都要工作生活,無奈之下報左香港某建築顧問公司(A___)嘅聲學顧問職位,番去in完就請左我。
最初我仲好理想化咁諗,我可以試下研究自己嘅音響產品,可以試下租個屋企附近嘅工廈單位放機器同材料週末果時去整野。但逐漸發覺番工做唔感興趣嘅野同應付老頂莫名其妙嘅要求真係好消磨意志,星期六日都會覺得攰,工廈單位嘅租金亦比想像中貴得多,所以一直都冇實行到。
係英國果面有一個同學同我一樣好喜歡音響(不過佢喜歡做DSP類嘅野)。佢好固執,佢話佢以前唔知自己想做咩,做過清潔又去當過兵,依家揾到自己理想所以佢打死都唔會屈服做顧問。其他同學讀到一半已經有哂顧問嘅Offer,佢就一直繼續研究自己論文嘅野(同Apple HomePod入面果類矩陣拾音技術有關)再等機會。終於去到上年11月佢同我講佢收到音響公司嘅offer,我真係好替佢開心,同時亦好羨慕佢。
我覺得人生最冇意思最無力嘅唔係揾唔到自己想做嘅野,而係揾到但做唔到。
我意識到我最大機會達成夢想嘅途徑就係要番番去英國先。所以首要做嘅野係唔理三七廿一,係我嘅學生簽證有效期收皮前拎到一個offer然後番英國由學生簽轉做工簽,即使係顧問職位都冇問題,留到低就好。一開始我走去直接聯絡我公司英國總部嘅HR去報果面嘅空缺想調過去,但傾到最後發覺佢地要做統一嘅assessment,時間係2月,但我學生簽證1月尾就過期,唔work。同時我有另一個英國同學同我講佢地顧問公司都請人,問我試唔試下。我啦啦聲報左,然後趁12月請假番Manchester行畢業禮嘅第二日去左面試。一星期之後佢地就出offer比我,開心到差d就係office做野時叫左出黎。
然後就係一輪好趕嘅辭職,請no pay leave提早仆過去Manchester同新公司一齊搞VISA手續,有驚無險咁係學生簽證過期前一日拎到工簽。
係英國呢間獨立嘅建築聲學顧問公司工作係個完全唔同嘅經歷黎。公司係中小企,4個城市有office,係Manchester嘅office有十幾個人。老細對我地好似朋友咁,佢同主管姨姨都好關心我呢面生活慣唔慣,加上全部人幾乎都係校友黎,會有共同話題,所以相處得好開心,work life balance亦好好。雖然有時要週圍去唔同城市出差測量搞到好夜有好多好濕9嘅情況發生,但至少會補番假期比你。
班上有幾個同學都留左係Manchester做野,加上亦識左一d香港嘅學生朋友,有時週末又會跟大學嘅社團去行山,所以社交生活都還可以。
我果時自己租左間2房嘅屋,其中一間睡房比我改成工作室,放哂工作枱皮革工具鋸床鑽台等等。平時放工番去煮飯食完冇咩做,又冇皮革製品訂單嘅話,就會繼續研究聲學音響嘅野,睇Paper做自己嘅設計當係建立一個project profile。我目前為止造左一對Transmission line座地,一對2路Bass reflex書架仔。
5921
77
#2
席菲斯
•
8 日前
6月嘅時候報左一間音響公司但好快就通知我已經有資深工程師跳槽過左去fill左個位。
7月嘅時候家人突然決定投資想係Manchester買間屋。
9月嘅時候我終於搞好哂手續(過程非常嘔血)成交左,同時我果位係音響公司做緊嘅同學話公司有意擴充人手,推薦左我比上司。我去左面試,本來傾得好開心,我比左我嘅作品比佢睇,佢覺得好impressive。但去到最後先講,原來佢地係想請人派去台北嘅新研發中心監察耳機製品生產工序(完全唔係做R&D),我當場就dead air左5秒。最後佢地都係冇請到我,話英國暫時冇R&D空缺。
果時我真係好灰機,加上我發現轉工要申請過VISA而當申請人滿26歲底薪要求會高左好一截(我就快25),新入行嘅工程師正常都唔會有果個價。意識到眼前有埋時間限制,機會又好少,我就諗住索性搬入新屋,將2樓嘅房出租,然後係花園鋪地基搭間木屋做工作室一心一意設計自己嘅產品,花幾年時間搞自己嘅牌子算數。我好清楚我咁做係唔會做到業內大廠嘅專業水準,亦會止步於買人地嘅單元零件番黎拼埋一件產品嘅程度。當然有唔少牌子都只係咁揾食,小工坊精品一樣有巿場,但我都係好唔甘心。
去到11月頭,當時我去左日本旅行,途中突然收到個來自蘇格蘭音響品牌(最出名黑膠唱盤同串流播放器,但都有做喇叭)嘅總工程師嘅LinkedIn訊息。佢話揾到我一年半前發出去嘅一封信,當時冇空缺冇應到我機,佢知我依家已經做緊野但都照問下我有冇興趣,佢地有空缺。我當然係馬上交申請,順便發埋我嘅project profile比佢睇。
番到英國之後好快就黎左次電話面試,佢叫我解釋一次我d設計比佢地其他工程師同主管聽,又講起我呢2年嘅經歷,大家傾得好愉快。之後書信聯絡期間我有坦白提起VISA嘅事(佢地目前唔係sponsor黎),我都擔心佢地就會好似其他公司咁就唔再理我。但冇耐之後佢就回覆我,話佢地好耐未係一個應徵者身上感受到呢種熱情,想請我12月去總部試2日工,完成一d tasks作為最後嘅面試。
我聽到之後當然好興奮,每日放工之後都好起勁咁温書,知道消息嘅我相熟嘅工程師(比如之前合作做論文研究果間嘅,同埋其他同學校友)都好有心咁幫我,解答我嘅問題。
去到試工前一晚我搭左4個幾鐘車程去到格拉斯哥南部嘅一個小鎮,佢地book左酒店比我。第二朝佢地嘅總工程師好好人咁揸車黎接我。佢地嘅工廠+Office總部係小鎮以北一片被田野同森林包圍之處,幾個試聽室嘅玻璃窗都係望入樹林,試過有批德國代理商黎試新野嘅時候有隻鹿經過同佢地對望。研發部office嘅窗對住北邊嘅坡地,平時食完午飯如果冇落雨,研發部嘅人會一齊出黎散下步。
我真係好喜歡佢地嘅總部,好喜歡佢地各種前瞻性嘅想法。我好想留低係度工作。
試工2日考驗嘅內容technical野我就唔詳述了,大體上係係無殘響室做d測量同計數再用黎tune一對喇叭嘅音色之後佢地會黎試聽。過程中我一直都好怕自己表現得唔夠好。雖然果2日大家都好好傾又請我一齊去食晚飯,好似已經係同事咁,但當年合作做論文果間嘅人一樣會咁對我會講好多未來嘅野然後又冇請到我,所以我唔想又將呢間嘅人嘅客氣當成係接納我。我已經比人拒絕到開始有自我保護嘅心理了。
直到第2日最尾佢地帶左我去同Director傾計,差唔多傾完時我問起其實我仲未知呢度負責設計喇叭嘅team有幾多人,佢答我:
"得三個。Phil,Pete...同埋你。"
我個腦當場一片空白。
佢帶番我落去同主管以及總工程師見多次,confirm會比個offer我,叫我唔好擔心VISA嘅事,總之公司會幫我搞掂,下年見。
佢地call左架車送我番格拉斯哥等火車,我落左車果下先好似意識到發生左咩事,意識到我一直追求但比人拍醒左無數次嘅夢終於成真,意識到自己將會再一次遠離所有朋友去一個冇人識我嘅陌生城市生活,意識到人嘅心情有一刻原來可以咁五味雜陳,我幾乎想係巿中心喊出黎。
我嘅故事暫時就到呢度為止。 - #171 [我是一個人], 18-12-24 11:44因為大多數人有D成功就會對其他人指指點點
- #170 [Mouton888], 18-12-24 11:18廢青?這世界除左廢青外重有廢中,廢少,廢老。一句話,世界上有廢人,連我都可能係。為何只是成日講廢青?
最後修改時間: 2018-12-24 11:18:51 - #169 [chan@review33], 18-12-24 10:19咁又係,果個年代學生哥冇咩娛樂先死慳死低1年買3幾隻碟,
一係租碟,d歌手出碟果幾日真係排隊租/買碟 - #168 [Juno123], 18-12-24 10:04我都差唔多做阿伯,但都頂唔順譚詠麟呢個冚家剷,枉我後生時仲買佢咁多黑膠。癈青?你條仆街好命啫,生係香港黃金時代,多謝英國佬啦!
- 下一頁 (3 of 12)
- 返回 ...
唔知痰校長有無評論「安心事件」?