書劍恩仇錄 (1976)

無線電視第一套武俠電視劇，最好笑嘅係羅文與鄭少秋都爭唱主題曲，無線為免得罪兩位大哥，唯有兩位都有份唱主題曲…真搞笑！

(碟主：大哥)

四傑傳 之 三笑 (1976)

想當年…仲係小學雞記得呢套電視劇好睇又好笑…鄭少秋、關菊英 歌又唱得好聽…而家嘅電視劇…算數把啦！

(碟主：大哥)

(#398 碟主：二哥)



最後修改時間: 2024-12-02 14:37:38

Gravestone - War (1980)

Gravestone 第一張專輯1980年 War ，於 2008年由德國再版CD，搵信和地庫舖頭仔訂，但就唔知點解訂咗好耐老細都話訂唔到，直到最近搵搖擺廊漢哥終於係德國搵到，但售價就等如買隻SACD嘅價錢…

冇計啦！鬼叫自己鍾意呢隊當年仲係叫 西德 嘅 Heavy Metal 樂隊咩！

新唱盤駁好後…聽第一隻碟選了 1976年電影 The Pom Pom Girls 原聲唱片，屬於我等待多年希望快D出CD版唱片嚟…認真搞笑！哈！

Tom Petty & Heartbreakers - Pack Up The Plantation Live! (1985)

記得當年格林美唱片老細阿倫推介我買呢套孖碟，亦屬於我唯一Tom Petty & Heartbreakers 唱片，雖然呢套唱片非常好聽…之後仲買咗一隻Tom Petty & Heartbreakers 精選CD，但因當時正主力聽重型搖滾…邊有閒錢與時間買同聽Tom Petty吖…

直至近年先至開始慢慢買返齊 Tom Petty 嘅CD專輯…開講有話：有心唔怕遲…十月都係拜年時…吖嘛…哈！




最後修改時間: 2024-11-29 20:56:22

古董唱盤終終都係藥碩無靈…唯有搵 環球電器 何生訂返部新唱盤，約咗今日出旺角拎…點知大鄉里出城…落車行過龍去咗金魚街…真搞笑…



最後修改時間: 2024-11-28 14:35:08

東京地震 8.0 (動漫劇)

相信全世界只有一個民族真正能夠做到"居安思危"，這個就是大和民族 日本 ，日本 四面環海及處於地震板塊中，因此長年處於地震威脅中，附近海底地震引起海嘯也經常波及 日本 引至傷亡慘重…

東京地震8.0 就是講兩姊弟暑假旅遊遇上8級大地震，兩姊弟雖要步行回家的驚險故事…結局感人…是一套不能錯過的動漫劇。

荒魂 (2001)

導演：三池崇史，演員：加藤雅也、竹中直人

三池崇史 暴力美學之代表作！

日本與義大利黑幫都有一共通點，電影只要講及幫會也有忠義之士時是完全不介意電影談及幫會名稱。

例如 三池崇史 這套2001年拍攝的電影 荒魂 故事就是講 山口組 組員為兄弟情義而不惜大開殺戒！

喜歡睇暴力動作片影迷，若未睇過就絕對不容錯過 荒魂 這套電影！








最後修改時間: 2024-11-28 13:34:15

《男兒當入樽 THE FIRST SLAM DUNK》是2022年上映的日本動畫電影，由漫畫《灌籃高手》原作者井上雄彥編劇和執導，同時是該系列第五部劇場動畫。故事改編自原作最終章《全國大賽篇—湘北VS山王工業》，以湘北籃球隊的主力控球後衛宮城良田為主要視角，講述良田的成長過程，還有良田繼承已故兄長對籃球的熱愛加入湘北籃球隊的延伸經歷。
(上述轉錄自 維基百科)

都OK好睇嘅…

城市獵人 - 天使之淚 (2023)

原作：北条司，配音：神谷明，一套必睇經典級劇場版動漫！

如果我能冬眠 (2023年 蒙古)

擁有靈魂、人權、自由的"蒙古人"拍攝了一套對未來充滿了希望的勵志電影！

Dark Tranquillity - Endtime Signals (2024)

由我最初並不接受 Death Metal …到現在 Death Metal 屬於我最愛音樂種類，就是十多年前在"暢遊碟海"認識的"Stan"推介我聽 瑞典 哥德堡 死亡金屬樂隊 Dark Tranquillity 開始…

從而令到我這十多年來…都沉醉於 Death Metal 的音樂世界…

中村雅俊 - Restoration (1982)

1982年旺角買呢張碟有兩個原因，第一："心之色"屬於新錄音，第二：唱片封面"中村雅俊"好型！

2024年 NHK 大河劇 光る君へ

吉高由里子 飾演 紫式部

講述被後世稱為「世界最古老女性文學」，以平安時代中期為舞台的《源氏物語》作者紫式部的一生。標題的「光る君」代表著《源氏物語》的主角光源氏和其原型、在本作也是重要人物的藤原道長。
(轉錄自 維基百科)

分上、下部，已睇完上部OK好睇嘅，希望下部可以快D出埋啦！

續#384

有一次深水埗陪老友行唱片舖見到呢張1976年出版"獨行俠"電影原聲唱片，同我兩年前買個張封面唔同咁就買咗呢張碟返嚟聽…不過聽完呢隻碟發覺一樣冇我老豆以前隻細碟有槍聲個首音樂…

六十年代老豆有一部單聲道唱機好似而家D企身四桶櫃咁款，上面係放細碟唱盤，下面係喇叭，老豆好鍾意播一首音樂，播播下會有幾下槍聲，個陣時自己應該得個幾歲每次老豆播呢首音樂時我都會座定定聽完先首音樂至走去玩…

到十幾歲先至知首音樂原來係電影"獨行俠"配樂，自己第一張買嘅唱片就係呢一張1970年"獨行俠"電影配樂。

不過唔知點解呢隻大碟冇咗我老豆以前播隻細碟時，有槍聲個首音樂…



最後修改時間: 2024-11-24 13:20:22

邱福龍加人御林軍時正直黃玉郎漫畫事業如日中天，一場金融風暴…股市大跌之後發生了很多事…黃玉郎被告上法庭判刑時，到庭旁聽的弟子中竟然未見最親的三劍俠…而只見小師弟邱福龍…

講返邱福龍作品"龍神"當年我都有睇過，但就冇追…皆因邱福龍絕對是一位不折不扣藝術家…藝術家畫公仔好講心情…脫期脫到飛起就肯定嘅…因此我追追下…都冇追了…哈！

今次邱福龍再次被師父黃玉郎邀請幫手畫金著龍虎門封面…另外重要從新出版"龍神"！

一位如此有情有義之人…我哋呢亭老一輩連環圖迷…點都好應該要捧下場叫做支持下啦！吓話！



最後修改時間: 2024-11-24 09:01:02

Hear 'N Aid - Stars (1985 12" Single)

八十年代音樂界好興搞D乜 Aid 物 Aid ，雖然大家都係籌款做善事…但都一樣要清清楚楚分門別派…Metal 友 唔使問阿貴…就梗係支持 Dio 搞嘅 Hear 'N Aid 啦！





最後修改時間: 2024-11-24 05:14:02