淨係中學在石澳放過1次，同個拍了半年就散的女友，
淨係記得佢好大咪，佢負責跑，哈哈。

我細路仔果陣一般玩三種紙鸢，馬拉（貴尐兼難控制，不過速度快，鎅起上嚟有優勢），普通（平尐，要自己用報紙加條尾先可以定尐不過重咗所以慢），棺材鳶（自制唔使錢，飛得起已經好開心）。
臘玻璃線，最好三個人，其中兩個一人控一個大線轆過線，最後一個揸牛仔布落溝好嘅玻璃粉（光管做玻璃粉要有耐性磨得越細越好，膠水係壺蘆樽橡膠頭金啡色嗰隻）兩個線轆距離越遠越好，要有心機過多幾次。
理論上邊個首先執到隻從天而降嘅紙鸢，隻鳶就應該屬於佢，不過我見尐人成日打交兼整爛埋隻鳶多，所以我都無為嘥時間，通常用咸水草綁條長繩，尾巴綁尐重量，上天台打飛陀，即係見到有紙鳶缐進入射程範圍就fing條咸水草去拉落嚟，慳水慳力無仇報。。。kakaka

最後修改時間: 2020-09-22 22:23:15

回味童年放紙鳶，條線拖地線轆(初)極都拉唔高，就是極限了。

木工膠同膠水都可以(立)玻璃粉，立線。

#15.紙鳶一定要用紙做嘅先至好玩，膠鳶係放唔起的。

》》》膠鳶係要夠大風先拉得起又飛得高同遠。但線轆魚絲會幾重。

紙鳶放上天300-500碼就濕濕碎，禾细個跟D哥哥去玩。

當年嘅潛規則，現在相信無人跟啩：

被玻璃線？斷嘅鳶，屬於首先執到嘅人

當年簡單的紙鷂可在文具鋪買到。
不過唔算平，對我來說，放紙鷂不是想玩就玩到的玩意。

#13
當年可以買些竹篾仔及臘紙自己造,不過要加條長尾才够定。如果有錢就買隻「大馬拉」,不用加尾。

紙鳶一定要用紙做嘅先至好玩，膠鳶係放唔起的。

#11 因愛放紙鳶荒廢學業，遺憾。或者乃小時候已嚮往自由自在，高飛，係巧多成年人嘅夢想^_^

若干年前帶小兒到泥涌附近近海地放紙鳶，用番余細個時學到嘅秘技，轉眼便放到半空，交俾佢繼續放，不久綫已用盡。仿如昨日。

Mood到，streamer一點，曾路得一曲風箏響起。



最後修改時間: 2020-09-21 21:36:34

今時今日仲玻璃線？！
當年製造玻璃線已經好有罪惡感，心態一定係想介人多過想妨被人介。

最後修改時間: 2020-09-21 17:57:13

細個就係掛住放紙鳶，所以書冇讀好，只係半桶水。

大埔海濱公園，兩手空空刀可以去玩，公園內有商販賣紙鳶

Ovator兄,

清水灣大坳門好多卦街用玻璃線, 唔建議。

以前將玻璃碎包好放在電車軌上, 電車行過, 轟轟兩聲, 攪惦, 只付責玻璃碎, 唔識臘線.

以前公屋後樓梯大把人整, 執啲光管爆碎磨粉入膠水樽穿線.
啲玻璃碎入左血都唔知點救. 一地都係玻璃.

今時今日邊度有人識得玻璃缐，我細個嗰陣自己做，上天台放。

我真係X佢老尾.
今時今日仲有人用玻璃線. 個腦用屎裝.
有幾個當左自己專用場咁. 佢驚你隻紙鳶卡到佢, 你一痴埋去就界斷你.

去大坳門見到玻璃線不要多手接觸佢.

盡量用紙造的和普通線吧... 你諗諗一年幾百隻紙鳶加幾多公里長既線飛入海....