其實無扶手電梯輸送効率最高。

兩岸國際
倫敦地鐵扶手電梯禁走動效率更高
2016年3月11日
【now新聞台】不少人使用扶手電梯時，都遵守「左行右企」的潛規則。但是在英國倫敦運輸部門去年進行測試，發現在地鐵繁忙時間，禁止乘客在扶手電梯走動可以提高流量、減少擠塞，當局決定再進行測試。倫敦地鐵扶手電梯，多年來左行右企的傳統，將來可能改變。

不少人使用扶手電梯都會自覺地站在右邊，讓出左邊通道給有需要人士走動。這個「左行右企」做法，一般認為源自英國，其中在倫敦地鐵，如果站在電梯左邊，更會招致其他使用者不滿。

但隨著倫敦地鐵乘客愈來愈多，不少車站在繁忙時間要間歇性封閉疏導人流。倫敦運輸局為解決問題，去年11月在市中心霍爾本站展開三星期測試，在早上繁忙時間，不准乘客在扶手電梯走動。

結果發現扶手電梯每小時可以運送1萬6千人，比容許左行右企時，運送多三成乘客。此外，測試又發現車站擠塞情況有改善。測試期間因乘客太多，導致車站封閉次數只有一次。

當局指有這樣的效果是因為霍爾本站的扶手電梯高度達23.5米，不少乘客寧願站着，令電梯左邊空置了，所以要乘客站在電梯兩邊，反而有助提高流量。

倫敦運輸局決定由四月起在同一車站再做半年測試，將其中一條扶手電梯劃為全站立電梯，並與倫敦政治經濟學院合作，測試不同標示，找出提示乘客的最佳方法，希望說服乘客用扶手電梯時「企定定」是出入車站最有效率方法。

#其實兩邊企的輸送効率最高

周時見到右邊排大隊，左邊冇人去，都唔明点解香港人咁鍾意排隊。兩排一齊上，根本快好多，意外又小好多

最後修改時間: 2018-11-21 07:10:54

其實兩邊企的輸送効率最高

可能已係國際慣例,我已習慣左企右行不知年

鬼佬地方除左紐約茅咁多趕頭趕命之輩卦

日本同英國都係一邊行一邊企，人家尐電唔怕重量不均？人家尐人唔會跌親？

趕時間刀唔應該喺地鐵行人電扶梯急步行走，以免匆忙間撞跌人，法律後果可大可少，特別係老弱，地鐵公司早應制止左行右企及宣傳扶實扶梯

我會行樓梯郁下個菠蘿蓋。

#9, 我都聽過，好似話企埋一邊會影響電梯的平衡。
不過我一向聽倒都是左行右企。如果企埋一邊對電梯有影響，地鐵應該要改善。

日本有些電梯 慢如香港舊區市政街市比阿婆用的速度
趕時間真係吾行吾得

東京或大阪速度都吾許可你企定定單邊又阻住人

其實日本都攪緊企定定………但習慣好難改。

暑假去名古屋，都見到電梯邊有海報宣傳。有些重貼滿成條樓梯。

左手左腳

我靠右企.
如靠左行走時除老弱婦孺, 多數請求讓路

我靠左行，減少遇到爆車立機會。

最後修改時間: 2018-11-20 18:32:01

寧右勿左，香港精神

通常現在都是左面行人 這可以解釋為羊群心態同尊重別人 但 道理 是左面係唔應該行人 應該企定定的

真係多鬼餘可以快得幾多 有時左邊冇人行 右邊塞住上扶手電梯 變得仲慢 廣播都有話緊握扶手切勿在電梯上走動 所以我相信這個左面行人措施已經不存在了

好似話企埋一邊對個電梯唔好。