減剩6億都未必出到貨可能


https://www.rfa.org/cantonese/news/building-11192023233224.html


【「摩天大樓魔咒」再現？】
【中國第一高樓爛尾勁減26億仍流拍】

中國樓市深陷「爆煲」危機，由於不少發展商資金鏈斷裂，交樓日期不斷推遲，有經濟學家估計中國「爛尾樓」的數目達到2000萬個單位，即使是樓高668米、位於深圳號稱「中國第一高樓」世茂深港國際中心也不能倖免，在勁減26億元（人民幣，下同）後，以104.35億元叫價公開拍賣仍乏人問津，再度流拍，繼續爛尾。

今次拍賣的是隸屬世茂集團旗下的深圳巿世茂新里程實業公司資產，亦是世茂在深圳最大的綜合項目深港國際中心的大部分資產，2017年底上海世茂股份以239.43億元高價投得發展土地，創下當年深圳土地拍賣史上第二高價。

不過，2022年世茂爆發債務危機後，世茂深港國際中心停工至今。到今年7月中心首度拍賣，開價130.44億元，相當於163.5億元估值的八折，吸引了約3萬人關注；而在上周四（16日）的第二度拍賣，京東拍賣平台顯示近萬人關注，但同樣是無人願意承接。協眾策略管理集團聯合創始人黃立衝表示，從世茂深港國際中心流拍可知，目前深圳的辦公樓已經出現了供需失衡的狀況，許多甲級寫字樓空置率達30%，在前海等地區甚至是40%。

經濟學家安德魯‧勞倫斯（Andrew Lawrence）曾提出「摩天大樓指數」（Skyscraper Index）理論，他認為摩天大樓以及金融危機之間存在令人費解的關係，每當有摩天大樓高度刷新紀錄，一般隨之而來的是經濟衰退，且多數的情況是建成了世界最高建築的地方都會爆發經濟危機。在2014年中國以至全球經濟開始冷卻之前，以中國為首的幾個國家掀起了新一輪摩天大樓競賽，這似乎又一次應驗了「摩天大樓魔咒」。

事實上，除了世茂深港國際中心，高銀地產預計投資逾600億元的「天津117大廈」是另一觸目的爛尾高樓，該棟原計劃建117層、高597米的摩天大樓2008年開始動工， 2015年封頂，但其後資金鏈斷裂，如今外面的玻璃幕牆安裝了不到三分之二，完工無期。

#中國樓巿
#世茂集團
#中國爛尾樓

=================================

Twitter ➡️ twitter.com/rfacantonese
YouTube ➡️ youtube.com/@rfacantonese
MeWe ➡️ mewe.com/p/自由亞洲粵語rfacantonese
Instagram ➡️ instagram.com/rfacantonese/
更多資訊 ➡️ rfa.org/cantonese

除14E，每人佔份額好少。唔洗驚!

豆腐渣樓要拆，邊個畀錢？

引以為傲，爛尾都係世一。

吾係啊公認頭改保障房咩
吾使劣啊

不如改名叫「世貿深港爛尾中心」把啦。打造唔到第一高樓，留番條龍骨幢响度唔好拆，起碼可以有警世作用吖嘛，唔好嘥咗佢吖。

http://pnr.sz.gov.cn/xxgk/gggs/content/post_8790273.html

龍崗⋯⋯呢個位置整棟咁高既野，拍板果個應該係智力有番咁上下

2017-2018年抄到飛沙走石，點會諗到有人會封關鎖國咁英明神武。。。哈哈。。

而家應該後悔喇。。。。。想個市又再炒過，但好多有錢嘅移咗民，外資又大舉撤出。

最後修改時間: 2023-11-20 16:45:38

當年計數係打殘西方，堅持清0，太陽自然會係東方再次升起㗎

小學雞喺咁上下㗎喇。算喺咁啦，起碼仲識得遠洋去求人。

最後修改時間: 2023-11-20 18:08:34

今次圣上肯放軟身段去美國，無紅地顫無中間位企都笑住對住鏡頭，國內環境大家可想而知

咁高，過2年冧咗，買咗鬼可憐我牙

呢d樓好多時債權產權已變得亂七八糟，好大機會都係同一個故事，你買左，想繼續起，好多數據圖則已散佚，接手都變得極困難同昂貴，就算起好，跟住大把人過來搶，債主，銀行，稅局，xx審批。。。，最後都吾係你既。
結局只有係拆咗，政府重新批地

最後修改時間: 2023-11-20 20:04:23

有冇愛國傷人考察團? 叫晒香港既愛國傷人北上去頂樓考察，咁咪唔會流泊。

拆都難

叫香港頭幾位富豪夾份哽咗佢

起這種超高樓, 地基, 用料, 施工都非普通大樓做法. 以上面做嘢手法, 中途開始冇錢, 又停咗一段時間工, 無人敢接手十分正路.

最怕日久失修，成棟打橫咁冧落嚟，你知啦大陸D豆腐......