請教各位，英國投資買樓真係咁易咁抵 ?

網上睇過, 最長可以做 25 年按揭，仲可以還息不還本。

最後修改時間: 2024-05-08 10:06:32

條片講可以租比 ngo 嗰類, 租足 25 年，穩定回報，又可以除時賣返出去。

Sales 永遠是對的，到時收你管理費維修費收租費，最後大贏家一定係物業代理。

有幫人做管理的物業代理，分分鐘有開埋維修公司，接埋維修工作賺埋業主錢，所以事無大少都會話有大問題須要維修...

但係條片講到所有維修，雜費，管理費全包。

最後修改時間: 2024-05-08 15:35:15

你最好問吓佢，回報率是否淨收入，已經扣除所有雜費維修費保險費agent費⋯

英國淨係幫你收租都收你10%

全包？你買完然後執咗間管理公司，然後新管理公司乜都唔包咁你可以點？

就咁睇你講我覺得啲套路熟口熟面

最後修改時間: 2024-05-08 16:03:23

隔山買牛, 買海外物業最緊要揾間可靠嘅物業管理, 維修支出預咗貴啲, 但係有乜事佢地負責跟, 如果要下下最平, 唯有自己或者揾親友做, 又要馬兒好, 又要馬兒不吃草, 呢個世界無咁著數

樓主，聽過被[騙七]氹入屎坑除褲未？^_^

#8 明白

#9 我都諗過呢個可能性

#10 明白

#1,#12

樓主,如果咁易賺咁荀投資的話會少人做,要sales出介先有客?有真係咁好投資的話住在英國嘅香港人都掃哂貨啦.
無需去英國,你去香港任何一間地產鋪搵sales介紹D荀盤就得.起碼你親眼見到個荀盤.

我買樓點解要信 youtuber? 信 r33 會員好過啦

係英國買樓要做按揭基本上要留意以下幾點：

1）按揭年期跟年紀有關，一般 UK Lender 的還款限期不會超過 70歲

2）如果係一個外國人熱門投資盤，一般大型UK Lender （例如 HSBC , 渣打銀行）對於境外投資者會有 Quota 限制，做完即止，佢哋要控制風險，因為外國人熱門投資盤=很少本地人會買，到時銀主盤怕出唔到貨。


3）Mortgage offer 通常只有6個月有效期，所以買樓花要留意什麼時候才會收樓，很多發展商的正式收樓通知期很短（1個月），律師同銀行兩邊要跟得好緊，如果唔係俾發展商罸息罰死你


4）所有嘢最好自己跟，不要只依賴 agent, 因為出咗事係你死，唔係佢

多謝各位提點。

其實，我本身都覺得有好大風險！只因有個好朋友，佢本身有英國公民身份 (幾十年前啲父母好興去第度生嗰種)，成日想係英國買間屋收租。講真，雖然徹左辣, 宜家係香港買樓對好多人來講都仲係遙不可及 ! 而我對英國買樓呢方便真係零知識 ！所以上來請教各位。。。希望可以得到多啲資料講返佢知，等佢諗清楚 ！

我明好多人會話 "佢要死你都阻止唔到。。。"，我心態只係幫到咪幫囉，唔想佢有可能血本無歸 ! 反正只係打幾隻字，而呢度又咁多高人，一定比我知得更多。

#16 我未响英國買過樓，不過聽講過買英國樓要留意税務問題

喺所有其他國家買樓都有稅務問題和本地特色，英國不會特別麻煩 （例如係英國就要每一層出租物業都要申請一次 Non-Resident Landlord Status)

最緊要唔好諗住偷鷄唔俾，搵持牌會計師幫你報稅（通常幫你出租同管理物業的 agent 會介紹埋）

最後修改時間: 2024-05-09 10:50:24

#16

唔做足功課係邊度買樓都有風險，只要認真花時間去了解同唔好乜都慳（例如有啲人買 property insurance 只會睇價錢，唔留意 deductible 就隨時死得人）

我係 Manchester 有層樓租俾大陸留學生，都係預付一年租金，但佢哋多數住1-2年就走，所以有時會有空白期冇人租，所以好多嘢都係有利有弊，不要期望沒有風險，要花時間管理好

稅務收費, 代收租費, 管理物業的 agent 收費，會計師收費，等等。咪有可能所剩無幾 ? !