#156

專業司機過咗博愛醫院，入錯線，去咗大欖隧道，唔識返轉頭；

然後過咗大欖隧道、丁九橋又唔識响青衣調頭，於是過橋去馬灣；

無去東涌市，讚!



最後修改時間: 2026-04-10 17:46:05

私家車三保當然保埋乘客，包括自己架車嘅乘客。

我記得私家車三保上限係一億, 唔知包唔包乘客

我記得 Uber 話乘客有上限一億嘅保險。

其10 坐u 爸唔好彩炒車有冇保險賠？

現職旅遊巴司機幾乎開足24小時工
------------------------------------------
嚇死人咩？記住依個人揸車千祈唔好坐



--------------------------------
TVB御用惡霸麥少華身形縮水嚇親網民 現職旅遊巴司機幾乎開足24小時工
Yahoo娛樂圈
Yahoo娛樂圈
更新時間2026年3月5日週四 下午3:40
TVB御用惡霸麥少華身形縮水嚇親網民 現職旅遊巴司機幾乎24小時工作
TVB御用惡霸麥少華身形縮水嚇親網民 現職旅遊巴司機幾乎24小時工作
資深綠葉演員麥少華過去經常於劇集中扮演古惑仔、打手、劊子手等角色，一出鏡就自帶壓場氣勢，被封「TVB御用惡霸」，絕對係你唔記得名，但一定記得佢個樣嗰種。不過，近年卻久久未有於銀幕上露面。日前，麥少華現身香港演藝人協會春茗茶聚，被現場鏡頭捕捉到最新近照。麥少華臉頰凹陷，瘦到成個人縮晒水，嚇親一眾網民，唔少網民直呼認唔出：「瘦到完全唔同晒樣」、「如果唔講真係唔知係佢」等等。雖然身形激瘦，但佢精神尚算唔錯，面露笑容對鏡頭俾讚。

麥少華起初為麗的拍廣告，之後就開始有拍劇機會，不過佢曾坦言做特約演員係頂爛市，大爆幕後潛規則，指要有高出鏡率，條件只有一個，就係人工夠低。麥少華以「Tower bar」諧音影射TVB：「原因就係我收入低，Tower bar就係邊個人工低就畀邊個，人工高嘅就下次，我保持低嘅工資，出鏡率就高。所以我乜都做過，我幾鍾意做Gay佬嘅其實。」麥少華表示，為咗搶機會，就乾脆長期維持低人工，自嘲係用平價搵高曝光率。

麥少華曾接受HKPAG 香港演藝人協會訪問，直言到現時為止都唔覺得自己係入咗行，並用「呃飯盒圈入面嘅其中一個」去形容自己：「如果我靠呢份工作，連自己食飯都唔夠，莫講係養家，養妻活兒」於是麥少華就做旅遊巴司機，平日開車接團、接散客，仲要親自落手維修車輛，形容自己幾乎「24小時工作」，唔做就冇錢搵。


最後修改時間: 2026-03-06 11:57:20

#144 位阿婆陪葬。。。

我而家飲完酒，100% 叫 Uber，啲司機平均年齡比較輕，態度又好，車又企理。

另外，又可蠟髮要租車揸要個個月驗身，過到關揸e生紙至可去租，之不過若要咁，為咗免被歧視，所有c 機，特別係重型車輛c 機亦要驗身，因為架車大到似恐龍，更加危險，私家車，的士喺路上都似隻老虎。^_^

除非蠟髮租架dc 揸規定只可租8 粒鐘，3 更制，只個嚟租車只限一更，唔准租多^_^

租車制，有牌便可去租嚟做該日dc 駕主，屬自僱人士，dc商同佢哋冇僱主&僱員奸系，改乜善？

你搵人同屋企裝修，有冇催促個腦細去改善上門替你做嘢c fu 福利？^_^

年紀太老或身體健康有問題就不宜駕駛, 仲要開住部的士在馬路跑十幾粒鐘, 你話危唔危險?
唔夠的士司機? 諗下點樣改善司機待遇

好吸引人揸dc ？少咗老司機唔會呻搭唔到dc ?

慘！

＞＞業界指年長司機需時適應

咁樣其實佢哋係老得滯, 需要退休而唔係要時間適應!!!

咁應該多返D人交稅
黑的應該會少左

啱啱先三月，已經兩單致命

今次架草蜢去咗對面線，佢唔係諗住粉錦逆線扒頭下話

一個專業名詞抬高唔少司機地位... 實際係的士司機99% 不尊重人客

已經好少搭的士，但每次搭的士都有奇遇

尋日都大雨照地板油都算，佢下張單俾人接咗先咁唔關我事架嘛，半程車係咁小老母。雖然唔係小我老母，但話曬都車緊客呀。

到埗等找錢，奇怪一個咁心急嘅地板油司機點解找咁耐錢，收到找續點解少咗錢嘅？oh 原來無停錶的。

服！

係人都知呢啲收開現金的行業點解唔抗拒電子支付, 除左少左貼士之外, 更重要係真正收入曝光, 要交足稅, 少左好多低收入福利'!'