請問圖片呢一款水龍頭， 我今日發現 大約十秒鐘滴一滴水，請問這款水龍頭可以拆開維修嗎？還是要整個水龍頭更換會方便d呢？
我估可能入面嗰塊水喉(皮)，蝕咗掛！

換芯或先試試拆個芯出黎清洗一下龍頭内部。

最後修改時間: 2024-02-12 10:55:29

家陣啲龍頭多數係陶瓷閥，小漏可以拆出清洗一下，一係成個換新，前題係要有合適架撐。

我也有大小喉鉗， 同一般嘅螺絲批，呢啲架撐可以夠拆出嗎？
呢款水龍頭 如有些少漏水，不是要更換水喉皮， 我一勞永逸咩？
因為小弟未試過維修這類一撥式的水龍頭 ，我見以前通常舊式都係換水喉皮就ok了

開關龍頭可以拎幾圈就多數係水喉皮，撥桿式，1百幾廿度就完成開或關，九成九係瓷閥式，
Google 水龍頭漏水，大把教學。

瓷閥式好多時係水垢日積月累，唔能夠緊密封閉漏水，拆出用牙刷清洗乾淨就掂，仲漏先換個新瓷閥。

最後修改時間: 2024-02-12 11:16:00

#1 用呢種冷水閥芯，有長、短軸、size 和直徑不同，要拆出來量度配尺寸。


最後修改時間: 2024-02-12 11:36:26

0925兄， 想請教下如果我唔係太熟悉，見唔見意我成個龍頭更換更方便啲？
還是拆開，好似留下師兄所講，先清潔一下。 如果拆開 對新手嚟講是否困難/ 複雜 嗎？

想請教 ：拆開一般嚟講，除咗喉鉗之外，還要什麼特別工具呢？

rumorguy兄,

#1 呢個龍頭香港買最多收你 "佰幾蚊"，冇換過的建議影張相俾樓下水電舖配一個自己換咗佢，個舊龍頭拆閥芯淘寶配，維修后作 spare。

最後修改時間: 2024-02-12 12:02:14

你意思係整個水龍頭更換，對嗎？

是否用喉鉗扭開紅圈部分，就可以把整個水龍頭拆出來，之後買一個更換就ok.
但水龍頭紅圈個位, 唔係standard size㗎咩？
如果我買第二款，也可以嗎？

re#11 ; , 補圖

個舊龍頭拆閥芯淘寶配，維修后作 spare。
＞＞＞＞＞＞＞＞

請指教 ，如拆閥芯, 請問先要在哪個位置拆開或樓開呢？

用一字批或介刀把 "REDCO" 個蓋揭起，裡面有粒拾字或一字頭螺絲，反時針扭甩螺絲后把手柄向后拉出，用士巴拿套落閥芯頂六角牙位反時針扭甩取出閥芯。

最後修改時間: 2024-02-12 12:45:27

#12 士巴拿扭甩彎管蓋取走彎管后，用喉鉗夹龍頭身反時針扭甩龍頭。

#1.



＞＞＞ 勸乃成套更換全新！！ 修理呢？係比有相當

經驗的師傅做，而且人工貴過自己買大牌子自己換係一定。

全新件都係$ 350-$700· 簡單巧多。

有時不是陶瓷閥到期，是連接陶瓷閥和龍頭的防漏軟膠圈，只頂拆出來清潔下，反轉安裝就可以。

re#17

我也知道舊式水喉 佢出來 反轉也可以用 一段時間

Thank you 0925 兄

re#15

咁即係話, 我要 把圖片紅圈位置扭開,拆走個鵝頸, 先至可以把整個水龍頭拆出來。

原來個機關喺度，見到十字螺絲了。