太太做了委員數年,搞掂爛尾大厦装修及多年財務的審核問题,過程中,亦得罪有些概得利益者,之後急流引退,很多住客揸靓車,為他們服務,亦有點那個。

最後修改時間: 2024-04-28 16:51:47

咁你嘅產即係腳瓜嘅？唔死咪好彩囉。



最後修改時間: 2024-04-28 15:41:40

識時務者為俊傑, 扮愛黨有錢搵又可以打橫行, 順我者昌, 唔識做人抵你死.

现今做立案法團有機會坐监,還會被人斬,做高官安全得多,又有豐厚收入。

好奇怪,有一大黨係每次維修都無幫吓居民

呢D人所共知的勾當，現在只係完善左姐。

多年前屋邨又係維修,不斷有批人搞事,可幸當年有公民黨幫吓手,最後個主席事敗搬走

法團係大茶飯, 利益錯綜複雜, 藤瓜相連, 你嗰頭投訴佢, 嗰頭就有人找你晦氣. 你估仲係平果時代, 有人去揭發呢D野咩? 搞不好, 犯埋數字條例, 未審先座幾年. 佢總有辦法令你認罪, 兼且做埋二五仔. 維權? 向北望就知結果!

黨之初，性本鬥。

店都開返

70歲老翁陳廣權，2023年3月29日在元朗康樂路被人持刀斬死，8人涉嫌串謀謀殺被捕，據悉被捕人包括在利景樓樓下經營嘉麗園潮州粉麵餐廳的許姓老闆「鬍鬚佬」。4月30日起，嘉麗園拉閘關門沒有營業，惟該店近日疑已重開。9月11日現場所見，嘉麗園原址有一間粉麵店重開，招牌部分字眼被紅紙遮蓋，只餘「潮州粉麵餐廳」6字，但底下仍隱約見到「嘉麗園」3字，店內有不少食客用膳。

對比Google地圖在今年3月拍攝的元朗康樂路街景照片，可見目前的店面與當時無大分別。雖然店舖門頂招牌的「嘉麗園」被遮蓋，但店面張貼的宣傳及裝飾品，仍見「嘉麗園潮州麵家餐廳」、「食在嘉麗園　全年行好運」、「麗園親身主理」等字眼。

係咪元朗比樓下粉麵檔老細買兇果單？
而家單案點？

》拉咗但審咗未就唔知

現在每朝 Now TV 新聞半個鐘，通常都係講國家安全

#8
係咪元朗比樓下粉麵檔老細買兇果單？
而家單案點？

不停有法團出事，班狗都扮睇唔到，真係垃圾都不如。

之前已經有個法團主席被人斬死

同個錢字有關真係死得人，尤其咁近隣國

心照

＞＞無阻業主們行駛權利，我見到李鄭屋嘅居民係越嚟越團結，每一次再約多啲居民出嚟開居民大會，每一次都多過上一次

啊!唔怪之得啦!唔可以咁架!

天眼呢？？

四次都冇拉到人？

同為李鄭屋邨居民的網媒「蛋蛋俱樂部」記者梁志恆，於去月 11 月初在舊法團管理委員會上，被自稱法團顧問的符偉樂大力叉頸。同月 25 日，他於旺角亞皆老街恒生銀行一帶完成網上直播工作休息期間，被兩名南亞裔人士持刀襲擊，左腳中兩刀。梁今於記者會上展示傷勢，指案件雖由警方反黑組處理，惟警方早前向他表示難以逮捕兇徒，「話佢哋遮晒樣，又係南亞裔人士，好難拉到」。

上述事件連同新任法團司庫陳國漢在屋苑平台遭人用桌子襲擊頭部，莊榮輝指這四宗案件均未有人被捕，警方仍在調查，「我哋無從知道係由咩人做」，估計有人欲以暴力令居民噤聲，「佢哋係想我哋聯想到同屋苑事務有關，就係為咗嚇我哋。有邊個會知道彭生會有呢單（滲水）案？點解要揀喺法院門外施襲，呢個係咩訊號？」


法團委員哭訴：唔明點解發生呢啲嘢？

區太是李鄭屋邨現任法團秘書，於記者會上訴說心情時不禁哽咽，「大家做法團，個心都係希望搞好條邨⋯⋯唔明點解會發生呢啲嘢，大家都係為居民做嘢啫，又唔係有錢嘅」。她強調，委員討論屋邨事務有口舌之爭屢見不鮮，但絕不能接受以暴力解決問題。現場一眾居民齊聲表示對暴力絕不恐懼，「夠膽佢咪過嚟囉！」


莊榮輝強調，襲擊事件無阻業主們行駛權利，「我見到李鄭屋嘅居民係越嚟越團結，每一次再約多啲居民出嚟開居民大會，每一次都多過上一次」，加上目前一眾業主、房委會等現已「金晴火眼望實屋苑條數」，認為不法之徒無法達到其目的。

去年 9 月黑雨來襲後，李鄭屋邨升降機？槽水浸，就更換升降機一事，時任法團決定選用比市建局估價高出 2,600 萬元的承建商，引起居民不滿，百分之五業主聯署要求推翻決定及撤換法團。11 月 3 日居民大會上，被撤換的法團拉隊離場，居民重選新任法團。新任委員陳國漢曾指，新任法團本月初已於土地註冊處接納登記，為前任法團一直質疑換屆選舉有效性，並兩度入稟土地審裁處，需待至7月5日才有定論。


四宗暴力事件時序

2023年11月13日：當晚舊法團自稱召開管理委員會，一眾李鄭屋邨業主及居民不滿，認為他們已經不再是法團成員。會議結束後，自稱法團顧問的符偉樂衝向梁志恆，並曾用手大力握着他的頸部數秒。

2023年11月25日：梁志恆在旺角亞皆老街恒生銀行附近，完成網上直播工作後，被兩名南亞裔人士持刀襲擊，腳中兩刀。

2024年2月4日：新任法團司庫陳國漢出席居民大會後收拾物資回家，在李鄭屋邨屋苑平台被兩名男子推撞，並用桌子襲擊其陳頭部，期間亦傷及另一名業主。

2024年4月25日：新任法團委員彭李達與前任主席劉貴華，就一宗滲水及賠償問題上庭。中午完成審訊後，彭李達一行四人離開土地審裁處，橫過加士居道後，突然被一名男子持刀襲擊，身中3刀，目前仍留院觀察。