- #40 [AndyTKO], 21-03-01 20:24播毒途徑真係有可能係果二味,所以通風換風及食具處理真係唔係講笑! 千祈唔好睇輕專人執檯的好處,對減低疫情絶對有幫助的。
- #39 [vinsee_new], 21-03-01 13:58Toliet, I believe is toliet problem
- #38 [AndyTKO], 21-02-28 20:41新建大型商場內各商戶間的製冷部份一般都係獨立設計獨立運作互不相通不會用風喉串通整層商場供冷,合格的設計則會在設計時加入排氣及補充鮮風部份,呢部份就有可能全層相通的但經由此播毒嘅機會則較低,另外的相通部份則會係各商戶同商場走廊或公共地方連接部份。但一啲小型舊商場例如黃金高登則仍沿用多臺舊式大噸數座地櫃機利用風喉串通全層商場(可以見到佢哋在地牢果層側門旁邊裝有多臺座地櫃機,風喉及水管,而且由於供冷面積大,要空氣循環好,風量則要夠大,所以去行黃金高登時你有時會感覺到啲風吹得好勁除非係舖內或陰濕角落位),如果有空氣傳播風險,黃金高登呢類舊公共地方先至係高危地方。
但K11今次如果真係証明係經由空氣大面積傳播的話,K11業主今次真係大檸樂,要全面調查及重新搵人計數全面改善空調系統的設計除非証明問題係出在租戶自己本身。
新型商場一般租戶在訂立租約時業主同租戶會恊議可以提供幾多支冷水及冷水噸數,以此來計算冷氣費。 而且食店的位置有限制的並非可以隨處開設因為除空調外亦要考慮廚房的排氣排熱排煙排水排污及供水,較一般的乾貨商戶要求高及複雜好多。 -
- #37 [敗家仔], 21-02-28 15:28通道大空地應該係有fresh air溝入去,鋪裡面個coil就真係內循環加抽風
商場d出風口我見d清潔工收工停左冷氣搵掃把掃落地
係咪on9架,搵部洗塵機駁條長管直接吸走都吾能識 - #36 [gundam00], 21-02-28 15:14#34
將軍正解 :)
chiller運啲好凍嘅凍水去商鋪獨立FCU(盤管xx)再吹凍風出風嘴。
而假設冇新鮮風入鋪嘅話,FCU就會不斷循環間鋪嘅空氣!逗留得夠耐實中冇走雞。
另外想講埋,好多風喉隔塵網都幾污糟吓:P
最後修改時間: 2021-02-28 15:18:19 - #35 [phil.ng], 21-02-28 14:41公共洗手間
- #34 [AndyTKO], 21-02-28 14:21現代的所謂"中央"冷氣系統實際上祗係製冷部份係中央式,即係由中央式的壓縮系統+冷水系統分配冷水俾全個商場不同部份應用,而不同部份的冷氣系統仍然係獨立式,即大家的通風及冷凍仍然各自獨立互不相干,商場業主祗負責供應冷水俾各商戶及負責商場內公共地方的空調,而各商戶則按自身的需求而設計出一套適合自己的客戶端空調系統,而各商戶所採用的大多為獨立水冷式暗裝的盤管風機,所以大型商場因為"中央"空調播毒之說係好難確立或搵到証據的。
- #33 [smc04], 21-02-28 13:43"亦有一人是K11 Musea另一店舖Cartier的職員",
似中央冷氣+空氣傳播....
睇過台灣節目,講呢隻毒既傳播能力達到"天花"級別,超級易傳播 (咁重要既野,個無能正苦一直唔講,卻不停講"英國/南非變種") - #32 [gundam00], 21-02-28 13:39K11Musea都算多災多難!死人跳樓咩都齊……
補充: 攪錯海邊嗰檔K11 ^^"
最後修改時間: 2021-02-28 13:40:44 - #31 [AndyTKO], 21-02-28 13:03食店播毒,主要依次序係...食客口水殘留食具+殘留枱面>執檯員工手上沾染口水+枱面殘留口水+枱面口水污染餐牌及枱面物件>執枱員工手被污染然後四圍傳播>下一輪客人或其他員工被已受污染的枱面餐具物件二次污染傅播>洗碗員工清洗食具時處理不當或已清潔的食具處理不當,如此一個cycle咁輪迥落去結果成災。
食店內空氣大型播毒可能性不高,除非人多空間又小又密閉,又打邊爐燒烤之類才高危,好似K11潮州檔呢劑嘢,由廚房爆到大廳再惹埋外面,似乎真係同空氣接觸關係不大。
如果傳播鏈主要局限于客人之間及前台員工,則有機會係由空氣傳播,但如果傳播鏈係遍地開花式由後台到前台甚至乎爆到外面,則似乎係由環境傳播的可能性高啲,特別係視乎第一傳播鏈的組成。
香港公共交通工具唔算高危但要人人戴好口罩,因為香港的地鐵火車巴士通風量高全年開冷氣,呢個係優點嚟,大陸人話香港交通工具冷氣凍死人,其實香港係正確做法。 要避免空氣播毒,交通工具通風量要高,風力要大,鮮風換氣要頻密,冷凍量要夠低,有制冷先至可以把車內空氣中的濕氣連同細菌病毒一併從車內移走排出車外,否則就會不停在車廂內偱環不息咁播毒。
最後修改時間: 2021-02-28 13:14:08 - #30 [sony], 21-02-27 23:38咁都咁多人中
搭公共交通公具
都係高危 - #29 [Yuknow], 21-02-27 23:27但係。。。真係似腳甲。。。
- #28 [AndyTKO], 21-02-27 23:08>> 諗起某師兄出外食飯發現疑似男人腳甲。。。
禾果次?? 禾果次係手指甲。 - #27 [Yuknow], 21-02-27 22:54今日幫襯左尖東區餃子店
入去, 坐最近廚房個位
個廚房在外, 出入餐廳都經過佢
食食下
聽到樓面亞姐用純正煲東瓜已經。。。
跟住望到廚房煮餃子亞姐除左口罩, 用佢隻玉手撩牙。。。撩撩下同另一廚房亞姐傾計。。。佢當時前面唔知係煮緊麵定煎緊鍋貼。。。跟手佢都有用手沖一沖隻手指。。。
跟住, 我食最後一粒雲吞。。內有一大塊碎骨。。。
諗起某師兄出外食飯發現疑似男人腳甲。。。 - #26 [MinnaNoTabo], 21-02-27 21:59柒婆,封區啦
- #25 [Peewee], 21-02-27 21:33名潮食館41人確診或初步確診
名潮食館今日有15宗新確診個案,包括9名食客、4名員工,及2名密切接觸者;初步確診個案中,名潮食館群組有7宗,包括6名密切接觸者及1名食客,亦有一人是K11 Musea另一店舖Cartier的職員。連同上述初步確診個案,名潮食館群組有21名食客、9名員工及11名密切接觸者染疫,合共41人。 - #24 [伊雲士], 21-02-27 21:12咁多人中
用口水抹枱? - #23 [一縷輕煙], 21-02-27 21:08「以上有幾多人可以完全做得到?!」
零 - #22 [Thanatos], 21-02-27 21:05我記得SARS 嘅時候好多人用漂白水四圍抹,周圍都有漂白水味,而家好似少咗人用
如果論anti-viral property,漂白水應該比較厲害 - #21 [AndyTKO], 21-02-27 21:01食店傳播多數係經由食具及環境物件傳播,所以食具清洗後要經熱水浸泡,檯面及餐枱上物品每次客人離開後都要用消毒水清抹,抹檯布要經常更換及用熱水浸泡清毒,執檯及擺設要獨立專人處理,用過的食具及物品要避免接觸清潔的物品及食物,要隔離放置,員工要經常洗手或消毒,員工個人要注重個人衞生清潔,室內要通風。
以上有幾多人可以完全做得到?! - 下一頁 (1 of 2)
- 返回 ...