唔係大學生先有資格既咩?

收到信有幾多成機會被選中真要上堂?有冇 ching知?

做左後有冇車馬費先?

一般陪審案件係刑事,要上幾多堂架? 中午食飯自己出定只審一二小時搞掂?

我估同審黃絲有關...

以前大專都可以!

https://forum.hkgolden.com/thread/5117894/page/4

我抽中過兩次,其實去到仲要再抽

試過一次係金鐘高等法院,大約60人係間房度報到
之後職員會帶所有人去其中一個court,法官,雙方律師都會係度
然後職員會係60人裏面再抽,抽中要行出黎望下個官同雙方律師
兩個律師有權反對你出任陪審員,可以冇理由反對都得
你亦可以同個官講你唔得,但一定要有合理解釋,唔係只會俾個官Hi
例如你排左期入院做手術,又或者準備飛去外國讀書辦入學手續,又試者你認識被告等等
其他咩英文唔好,要返工,有個好重要o既客要見,全都唔得
當雙方律師都冇反對,你又冇合理理由解釋點解唔做得,咁你就要行埋去陪審員座位度等
到抽夠人之後,就會即刻開波,其他人就會帶去第二個庭再抽,如果有第二庭要審就可以走得
去金鐘果次我就抽唔中,即時走人,打返公司話下晝可以返工


我估我過唔到60人再抽中機會啦.... 因為台型唔夠,又唔係高..好難 60中中左7-9人選出機會..

.

如果係英文版庭審，英文唔好個理由係得既

我試過兩次都成功咗

唔係我唔想，我哋英文僅限於技術層面，一般應用特別是涉及法律真係唔得

#6 點先知係英文版?

如果傻傻下咁先同當時法官講分分鐘比法官 hi....

當時全部候選人第一次去到，選候選人時已經講明係用英文的
唔使主動提出，如果抽到你時先講明英文唔得，當時就將你除名，選下一個

最後修改時間: 2020-10-24 14:44:04

收過兩次。第一次啱啱返新工。寫信要求exempt。成功咗。但之後又再中,去到抽唔中。好似會免疫兩年。

: 法官大人 我冇野講....

有得盡豬民責任參與行公義，應該覺得光榮，覺得阻住搵食令我想起早排嗰個百佳阿媽。禾呢世刀茅得做，呢世人嘅遺憾

唔想做就怒啤律師，想做就交個無知on99眼神...

pharm , 我like你個 reply....

屯門去金鐘好遠姐,來回車費又貴, 如果選唔中車費都冇埋又冇左半日.....如果遲到又拉又鎖...

最後修改時間: 2020-10-24 14:49:55

成世人有幾多次吖，當蝕餐晏啫，意義十倍於蝕錢，個個人算住算住呢個社會刀唔巧得去冰

好驚現場果種令人昏昏欲睡既氣氛
第二次懷住戰戰兢兢既心情去到樓下，佢話取消左
如釋重負

收過一次信，最後抽唔中。
其實感覺中的機會唔係高。

你自己都估係黃絲案就更加要去啦。

做過兩次部審員，一次毒品交易，另一次謀殺，兩次都係非常好嘅人生經驗，師兄如果抽到就好好享受過程！
另外，唔想做以英文唔掂做理由一定唔得。

有冇中文過堂?定係一定係英文?

唔想做以英文唔掂做理由一定唔得
---------
唔好想當然，請問如果你英文完全唔掂
點樣在一個英文庭審中做出你正確判斷？令到被告或原告獲得公平對待
係咪請多個翻譯幫你？

最後修改時間: 2020-10-24 16:17:13