紅磡工展會
老豆買咗個機械人俾我
心口打開有機關炮，仲識轉

最後修改時間: 2021-05-04 17:19:24

8歲應該小學2,3年班，應該都記到幾多野啦。

五歲前經常比阿媽話，細佬仔不要亂講嘢，有怪莫怪，最後一次在家中露台玩耍時看到天上一班神仙在散步路過，之後就大病纏身，五歲不停出入醫院和睇醫生。
大病復原後便無再見到第三類接觸。

deepsea ching, 描述一下當時神仙係點行過? 半透明,有幾多人同係空中有幾高?

2前，3後，淺灰色單色不是半透明，好實體，前面的一路行一路打關抖，好似做大戲，後面的行得好斯文，在雲層上一路步行一路有交流，超過15分鐘以上，因為我當時發現以為眼花，注視了很久。

deep ching 好詳細, 你阿媽咁講應該係知道一d野冇話你知..

幾年前網上聽講過,香港有個細路女晚上天空上見到仙飛舞,好似敦煌仙女咁...

deep ching 有冇因此相信鬼神?

所有正統的宗教都有共通點，追求宇宙終極真理，只是大家用不同方法角度去理解真理，完全沒有對與錯。
小弟不幸曾經在手術台上任人魚肉，昏迷中出現過西方人所謂的"走馬燈"，好似坐在戲院看到自己由出世開始的一生經歷，很多已經忘記了的事情和聲音，全部好似看電影一一投影出現。
小弟自細接觸很多不同宗教，細個只記得阿媽帶我到很多不同廟宇佛堂拜神，又記得阿媽請過道仕回家作法，讀書在傳統基督教學校，到現在還沒有宗教信仰，但尊重各種宗教。

#45 精彩

我只记得幼稚園高班有一日放學時，有個低班的學生被老師大家形禁綁在校門口，每個放學都見到。可能係童年陰影，細個只记得這件事。

#45 係咪咁

所謂走馬燈反應,係死亡前的身體腦中反應,不關鬼神事....

點解我咁講, 早三十年前有一次大熱天時坐熱巴士去泳池游水, 臨落泳池一刻雙眼大雪花,係電視收不到模擬台咁一樣,
完全唔可以睇到野維持左2秒,身體發慶, 原來係中暑,飲左啖泳池水急急番屋企休息..

8歲，從10樓天台跳過另一棟樓
真大瞻

最後修改時間: 2021-05-05 09:49:29

有好模糊零碎片斷而家仲記得, 記得小學一年班第一日開學, 先父帶我返學, 記得我返果間幼稚園課室有事頭婆畫像, 記得我騎父親膊馬返屋企...

最早記憶兩歲左右，好多片段都記得。記得第一次驚嗰重感覺。三歲記憶又多啲。四歲得嘅又多啲。重記得BB班一，兩個同學名，3歲到15歲每年生日大至記得點過。小學三年班開始工課多，至小六時段簡直人生痛苦至極。PK老師加功課壓力。結果上中一就即時無晒心機讀書。又試過十一歲左右，發了個九珠連星大爆炸的夢，但過左一段時間後又以為係真同老豆講。佢話我係發夢。即係個腦嗰次搞亂現實和夢境。

最記得小學一年級嘅時候老師叫我畫一架飛機

我畫咗架珍寶客機，機底後方兩支棍每支兩個轆，前方一支棍下面兩個轆。

老師話飛機邊有咁多多個轆，最多得三個。

我到今日都堅持自己冇錯。

我12歲, 我大佬同班同學約16歲, 因為佢中二就冇讀書,出黎搵錢人比較成熟...果時未有9年強逼番學

有一次佢係油麻地揾到一間穿珠仔山寨廠攞左批貨.... 果時有搵我幫手穿...

當穿好左一批(好似幾十打咁), 咁同佢一齊上工廠大夏交貨....

果PK老細(估佢有三十幾歲),居然話批珠仔穿錯左珠仔順序,仲好惡咁話穿錯左唔比錢..
果時果個大佬同學話當初有問你攞個版跟住穿既.... 最後緊係烚靚仔唔比錢啦.....

果個大佬同學萛好,我穿果份佢有比番錢我,好似二十幾蚊咁上下...



最後修改時間: 2021-05-06 11:11:13

小三至讀英文 A man A pan, 唸 A-Z. 至開始有d印象。
如果當年(六十年代初) 幼稚園有英文學我咪遲咗人哋成五年。
突然諗起我8歲時嘅灣仔軒官小學，睇住佢拆睇住佢起。喺後巷射咗個迫撃炮仗入佢操場。

細時住油麻地冇lift 唐樓, 果大佬同學住同街後d number,有時上佢屋企行下,佢屋企4,5樓開始有老同係度吸毒,
上親去都見到有,d老同都係50+,又瘦又細粒,揸住錫紙坐係樓梯吸, 我地靚仔上落冇理我地, 又冇話打劫..

讀幼稚園時早上同老母番學,約早上7點半係樓下街角有檔推車仔豬腸粉,
見有2個差人係推車仔前,其一個差人約二十幾歲除左頂帽向住車仔檔個男人,個男人放左d散仔入去...

果時豬腸粉買一次要用3毫,估計老細最少放左3-5蚊入去...

最後修改時間: 2021-05-06 18:05:57

吾一定年紀好細的記憶模糊，有D中學時的野都吾多記得。好似偷偷地去太古水塘游水。個時阿媽成日嚇鬼我話個度浸死好多靚仔。

細個時阿嫲照顧,佢老人家果時估有六十幾,喜歡自己用粉同線自己扇面,估計係用黎去面細毛...

佢有段時間去打住家工係香港區(我未出世前),好細個時有帶過我一次去舊顧主家探人,果個地下係黑白階磚地,
十足粵語長片裝修咁,估計1971年咁上下.....亦係我第一次過海..

佢老人家鐘意買字花,成日買字花報紙 ,比普通報紙細一半,只有單張開頁, 封面有古人圖,
睇古人圖貼士黎猜下一期會開乜......冇冇中過唔知?

屋企有拜神又地主又祖先咁.....成日叫我向地主叩頭..

佢老人家仲識用銅錢龜殼占卜, 又識用聖杯....次次係地主前占......佢老人家好少發脾氣...

只怨自己少幫佢走動去買野,太辛苦佢..

仲有一單係細時有一親戚係我屋企住左一排好似一二月咁上下,居然果段時間中左馬標,中左好似十幾萬,
記憶果時大角咀新樓 3-5萬咁上下(呢單野記憶唔多,屋企人講既)





最後修改時間: 2021-05-07 11:57:08