[#510][#511] smc04兄, "五十而知天命", 相信你都已到呢個認命嘅年紀. 試諗下, 孔子都係到50先察覺到自己無俾人賞識, 做大丞相治大國嘅命, 原來最終嘅使命係做教書先生, 作育英才.

喺而家呢個大時代變遷緊嘅末世, 能夠多一點智慧, 可以在亂局之中安身立命, 先至最重要.

現時流行嘅推背圖, 相傳係金聖歎點評版, 如果屬真, 我個人認為只係行到四十一象, 因為四十象明顯係中國三分為 台, 港三地, 澳門唔入流. 四十象最尾講到國共汪辜破冰, 已經由1949講到90年代, 共40年. 而四十一象接上, 最尾九十九年成大錯係創黨99年嘅2020年, 大錯當然係NSL啦, 圖象個武夫即係霸權主義, 腳踏地球定係東方之珠就不得而知喇. 四十象講到而家, 重有四十二先到四十三象, 以推背圖一圖通常涵蓋幾十年呢個特性, 咁快就跳到四十三象就有啲穿鑿附會之感.

[#512] 係你朋友水皮, 斗數造藝未夠啫. 斗數特性係提供好多細節, 可以講得好specific, 推斷可能性可以唔止一個 possible outcome, 但唔會多到離行離列.

[#509] 紫微斗數係用來算命, 但係斗數四化可用作流年變化參考, 預測世事則用玄空飛星, 例如今年干支辛丑, 斗數四化為巨門化祿, 太陽化權, 文曲化科, 文昌化忌. 而今年每個人不論男女, 都有文曲化科, 文昌化忌所夾, 意思世人今年之內都容易進入亢奮狀態, 情況高漲, 或者感情用事, 因而做出不理智行為. 而巨門化祿+太陽化權叱一組星, 就牽涉血管閉塞. 加上今年玄空飛星6白入中, 2黑到北方坎宮, 五行為土尅水, 係閉塞之象, 就有如汶川地震, 山泥傾瀉, 將四川大湖改造成一個個堰塞湖一樣.

如此可見, 斗數同玄空今年都出現水被閉塞, 不能暢通之象. 所以今年農曆二月出現地球上最大一條動脈被閉塞, 就係蘇彝士運河. 而今年開始全球打肺炎針, 亦造成不少人中風或血栓塞而死, 都係今年嘅正應. 今年河北大水災, 以至夏秋兩季北方大雨出現水淹, 亦係2黑坎嘅現象. 至於人人亢奮, 個個發癲, 睇歐洲班人點示威發洩, 抗議 lock down 就明.

2008北京奧運之後, 2019北京大雨全城水淹, 揭發北奧為咗趕完工, 大部份路邊坑渠都係無地下渠道接駁嘅, 呢一年玄空飛星9紫火入中, 5黃入北方坎宮, 5黃屬土, 所以又係土尅水.

＞#511

謝謝詳細回應。

我經驗係咁:朋友玩紫微同我算，算到將來我會做同女人有關的工作。我思考多年都揾唔到命盤所指的路向，只是多年來工作上大多數是女性上司，另外，我太座揾得多過我，唔知係咪命盤所指。

由於算到尾，命盤唔係清楚列出答案，而係要理解，咁就相當恶搞，所以我認為参考作用不大。

至於您說9成準....這個嘛!如果講預測，我認為實際意義不大。因為100%準確才能做足100%準備功夫。

预測只能獲得一些非常零碎的資料，而這些資料根本無用，你只能賭博式地去準備，結果唔一定如願。

王亭之好出名(知佢其實好有問題)，最後去了佛教(唔講佢是否修行佛教)。

聞說推背圖唔係original, 所以不用太理會。

如果對現在人生不滿，研究吓佛教會對人生有另一返睇法。

以上純粹分享，並無惡意，不喜勿插咁大力。

最後修改時間: 2021-11-25 23:36:23

#508
我回想個人經歷,對照番自己個命盤,係9成準;

好醜命生成,有時條命生得唔好,真係苦;

苦在知道自己點有能力同努力,只會事半功倍,個盤寫明無得出頭,至多只係保平安.
就算你自己小心翼翼,附近總有衰野,總要你幫人補穫,補到我都懷疑人生....

小弟寫照,好氣餒,好唔公平亦好唔甘心

#507
"第三次世界大戰預料內戰2025發生, 並且會延綿幾年. 至2028年先可以平定, 重建社會."

Keyholder兄,十分同意你講法,推背圖43:"黑兔走入青龍穴",時間應該2023-2024開始,好接近啦...

唔知推背圖會唔會用幾個象黎形容ww3?
好想有命睇到某惡霸"從此不敢稱雄長"

我唔識呢啲玄學嘢，以為紫微斗數剩係用嚟算人？

聞說紫微斗數講以前很準，但預測則未必準。

[#499] smc04, 我唔單靠一篇乩文作出預測, 尤其係對呢種謎語式讖諱嘅解讀, 都係比較主觀. 所以我係以玄空五行為本, 乩文只係參考或者作茶餘飯後閒談而已. 不過以目前為止, 呢篇乩文以我嘅解讀, 重係有效.

我之前已經講過, 九運旺火, 就係科技同戰火, 尤以同電同火有關嘅科技, 例如火箭, 電腦, 機械人等技術都會在九運大幅進步. 而2024-2043嘅九運, 係下元九運. 180年前有中元九運, 360年前有上元九運. 中元九運中國有太平天國, 定都南京同北京作戰. 中國死幾千萬人. 上元九運發生在清初嘅三藩之亂, 死人較少. 今次個九運有可能出現第三次世界大戰, 而其中一個戰場會係東亞, 所以預料內戰2025發生, 並且會延綿幾年. 至2028年先可以平定, 重建社會.

中美最高權力同决策總部, 分別係北京同白宮, 兩者都係坐北向南, 所以兩國國運相同(似). 上一次九運美國亦發生內戰, 亦都係南北戰爭, 所以今個九運, 美國出現內戰絕對唔出奇 (2020年總統大選已經將美國內部分裂擺上枱面). 當然, 喺美國角度, 先打亂中國引起內戰, 之後再解决內部矛盾都唔遲.

玄空河圖大運由2020年起行金運, 而八運土重有幾年先行完, 今年辛丑年干支係陰土生旺陰金, 再加上八運土生旺河圖金, 金條極旺. 金代表經濟, 所以今年係經濟反陣嘅一年. 出年壬寅年干支為陽水生旺陽木, 而陽木則會同金鬥硬, 成金木交戰, 為老父與長男之爭. 在一個國家政府內部, 就係領導人同下屬之爭. 在民主國家, 就係政府內鬥, 但可以靠大選由選民决定邊個管呢個國家. 但係極權社會就變成敵我矛盾嘅生死鬥 ...

2024踏入九運, 八運土生金變成九運火尅金, 直至2032轉河圖土運為止, 呢8年全世界經濟不景, 始於2024由土生金轉成火尅金嘅突變.

大家坐穩艇呀!

最後修改時間: 2021-11-25 02:44:45

[#500] Deep Sea^^, 我相信"根樹生枝唯四七"呢句, 要同下一句"老人星出自南方"一併睇, 以我之見, 兩句都似係指向同一年, 2025. 跟住下一句"紀念化為公正堂", 會係將北京條咸魚拿出來鞭屍, 即是正式批毛, 放棄馬克斯主義. 原因係乜? 用理智去分析應該明白. 此後步向George Friedman 書裡面嘅預言- 分裂同內戰.

敗登係病老治國 美國在2025前一定會江河日下

當新任美國政府發現強國己超前。一定會用盡所有方法隊冧對手

最後修改時間: 2021-11-22 18:42:52

謝 keyholder 兄再作跟進註釋

如以89事件加四七二十八年, 便是2017年, 是否代表今明兩年是亂局開始?
＞＞＞＞＞＞＞＞

已經中了

想唔到五年前嘅留言, R33重保留到而家. 睇返當喺[#484]嘅留言, 第四段如下:

"以在下看來, 由老毛歸西, 至鄧、江、胡年代的四十年間經濟好轉, 乩文都只是以一句 : [太陽沉去霧雲收] 來暗示. 目前環球大勢以及中共的囂張跋扈, 正是 [萬國低頭拜彌勒]的時期, 定了這個里程碑, 之後便是 [治亂循環有定時, 根樹生枝唯四七], 上句明顯是政治由穩定轉入亂局, 但下句則玄之又玄, 令人摸不著頭腦. 再下兩句 [老人星出現南方。紀念化為公正堂] , 依在下猜測, 有可能是指今年, 因為根據玄空飛星, 今年二黑入中, 六白飛入離位. 離為正南, 六白為乾, 是為老人星. 今年是文革50周年, 也是老毛去世四十周年, 會否紀念化為公正堂便要拭目以待了, 但香港竟然今年出現文革紀念館, 也是始料不及的事. 如以89事件加四七二十八年, 便是2017年, 是否代表今明兩年是亂局開始? "

當時對"根樹生枝唯四七"未能拆解, 但其實[#484]之後一年, 我已經悟出呢句嘅解釋, 而家臨近辛丑年尾, 向2024九運又再踏走近一步, 感覺又係時候要為呢個謎語, 再添加幾句注解.

乩文中嘅上一句係"治亂循環有定時", 一句七字就穿越咗鄧江胡三朝, 從老毛四人幫嘅亂轉治, 再由沿帶到現在嘅亂, 所謂"治"就係鄧小平經三上三落之後, 1978年復出開始嘅經濟改革, 歷江胡兩朝推行開放經濟政策, 到今日走回頭路,當然就係亂嘅開始, 所謂四七就係經濟改革後47年, 即是1978+47=2025年. 呢一年嘅流年玄空飛星就係2黑入中, 代表老人嘅6白星飛入南方嘅離宮, 所以兩句都係講緊同一樣野, 就係2025年.

2025年會發生咩事? 上文已經交代咗, 所謂聯軍云云, 睇完上文大家應該心中有數. 舊年川普之所以連任失敗, 美國唔能夠貫徹佢嘅外交政策, 都係天意要全世界等多幾年, 直至完全入哂九運先來個Great Reset.

最後修改時間: 2021-11-22 04:56:18

川公好耐冇見! 有味古仔，甚是懷念 ^^

中央對香港越來越保守就梗架啦！
情緒不穩不代表搞事！開埠以來香
港第一個女舵手，呢d重點人物冇
理由一d啟示都冇喎！

勁