- #9 [winning7], 20-04-09 08:39
- #8 [lym], 20-04-09 08:28好心米再聽條低Q仔D屎橋啦!
- #7 [minipod], 20-04-09 08:13跟稅單派錢
劏房波話唔公平
幫不到低收入人士 -
- #6 [eckochin], 20-04-09 01:30根本直接派錢畀所有有報税人仕,最簡單直接
- #5 [RobotF], 20-04-09 00:53其實疫情已經三個月,己有一批人失咗業而且仲好難揾翻份工,呢個正苦反而無任何措施去幫。唔知諗乜。
- #4 [敗家仔], 20-04-09 00:28N毛人士都係N無
- #3 [minipod], 20-04-09 00:22如果供樓中
剛剛失業人士
點樣申請到綜緩呀? - #2 [唔係阿化], 20-04-09 00:09你死你事
- #1 [唔係阿化], 20-04-09 00:05自己google 攞綜援資格就明
- 返回 ...
補貼全港企業做法不太公道,舉例保安和清潔行業受疫情影響輕微,亦未有裁員和倒閉情況出現,「咪益咗啲老闆咪淨袋幾億,發達啦」。
【武漢肺炎】林鄭拒封關 全民2,875億找數!補貼50%人工最多$9,000
林鄭表示,政府將向合資格僱主提供補貼,包括所有有為僱員作強積金供款的都會合資格申請補貼,但僱主必須承諾接受資助時不會裁員。政府將補貼薪金50%,補貼上限為每名僱員9,000元,為期6個月。連同早前的《財政預算案》、第一輪防疫抗疫基金等,庫房支出總數達2,875億,佔GDP約10%。林鄭預計,今個年度的財政赤字由原本的1,391億擴大至2,766億,約佔GDP的9.5%。
補貼將分兩期支付予僱主,希望第一期補貼不會遲於2020年6月發放,但強調前提是僱主要適時申請,政府料有150萬名僱員受惠。而強積金計劃沒有完全涵蓋的行業,如飲食、建造、運輸(主要指的士及紅色小巴),林鄭指政府會提供接近類似薪金補貼的資助,涉及約80萬人。自僱人士政府則會提供一筆過7,500元財政支援,涉及約21.5萬人,林鄭強調因這組別沒有僱主,故資助額較難計算。
中小企聯合會斥幫助不大
零收入行業「炒人仲着數過拎補貼」
商界對「出半糧」的補貼措施評價亦好壞參半。香港中小型企業聯合會榮譽主席劉達邦指,措施對「零生意」的重災行業幫助不大,「老闆都識計數啦,冇工開零收入,仲同你畀一半人工?炒人仲着數過拎補貼!」。他分析,措施成效要視乎企業人手比例,舉例如餐飲、保安和清潔等行業,僱員數量多便可受惠,相反,零售業則以舖租佔最大成本,相較下補貼成效較細。
他認為,政府「大包圍」補貼全港企業做法不太公道,舉例保安和清潔行業受疫情影響輕微,亦未有裁員和倒閉情況出現,「咪益咗啲老闆咪淨袋幾億,發達啦」。他反指,疫情發展難以估計,企業長貧難顧,港府應預留銀彈,針對救助重災行業。
香港中小企食店聯盟召集人林瑞華則斥責,政府將津貼定為每名僱員9,000元為上限是「完全離地」,直指入息中位數1.8萬元,形容津則「連洗碗工都請唔起」,批評林鄭不清楚業界所需。
民主黨斥假封關
「擠幾多錢落去都唔夠」
民主黨主席胡志偉指,有業界包括自僱人士在是次抗疫基金2.0中仍未能受惠,倡應擴大補貼範圍。他又指,政府考慮補貼市民車費時應直接取消公共交通費用補貼計劃的門檻,不應局限於每張八達通400元的補貼上限,應直接資助市民每程車25%的折扣。黃碧雲則指政府若然不做好抗疫工作,繼續「假封關」,只會延長市民現時所面臨的生活困境,「你擠幾多錢落去其實都係唔夠」,強調抗疫工作須由源頭做起,又要求政府須確保僱主「不減薪,不裁員」才可獲得補貼,以免補貼金額最終只落在僱主身上。
最後修改時間: 2020-04-09 08:40:21