- #1 [eckochin], 21-08-01 21:00如題
- #2 [tst1800], 21-08-01 21:08可以, 但要在付款之前講明、顯示在當眼處.
- #3 [KS], 21-08-01 21:56剛見到有藥房出咗單收手續費,博大霧。
-
- #4 [Chia], 21-08-01 22:05有D藥房直頭有八達通機
但話貨品是現金價
----
消費券】用八達通購物被藥房收2%「手續費」 網民不忿籲先問清楚
港府今日(1日)起發放首期2,000港元電子消費券,不少市民急不及待領取款項後購買心頭好,不過今日網上流傳一張由沙田石門某藥房發出的單據相片,上面顯示金額為1,006元,由八達通支付,但手續費竟收取21元,有網民質疑涉事藥房濫收手續費,直斥其行為與「黑店」無誤。涉事藥房其後在FB專頁解釋,又上載閉路電視片段,指員工曾向客戶透露,若使用八達通消費多於200元,須收取總額2%的「銀行手續費」。
上載有關單據的網民於今午在FB出post,呼籲市民使用消費券時留意收據,要問清楚商舖是否要收手續費才過數。從他上載的相片中所見,客人今晨11時左右於沙田石門某藥房購買營養粉及糖尿藥,合共3件貨物,總額為1,006元,以八達通付款,但最底則設有一欄「服務費」收取21元,令總數變為1,027元。
事件今午在網路流傳,引來一眾網民議論紛紛,其間有人表示,以往在涉事藥房購物時,未被收取相關服務費,而且八達通公司因應今次消費,已轄免商戶及銀行的手續費6個月,質疑藥房的行為如「黑店」一樣,濫收費用,要求藥房作出解釋。
直到傍晚,涉事的藥房上載一條閉路電視片段至FB專頁,解釋員工曾向客戶透露,使用八達通消費多於200元,須收取2%銀行手續費,又稱藥房屬小本經營,每次交易前一定會與客戶講清楚會收手續費,在雙方同意下才會完成交易,「如果賣價要包括使用百(八)達通而產生的銀行手續費,其實我們這筆生意是蝕錢的」,指藥房將會保留一切法律責任權利,追究到底。
最後修改時間: 2021-08-01 22:08:44 - #5 [奸人堅], 21-08-01 22:14
藥房不嬲好PK,常常博大霧
舊年我試過一次中招,買藥房嘢簽卡七百幾蚊,佢竟然扣七千幾
返去理論退回多扣的,仲發我脾氣,店舖既八達通機壞咗,我不夠現金才問可否簽卡,
他不小心做錯野,又鬧不滿意我哋用卡,真係火都埋嚟 - #6 [joeyd], 21-08-01 22:19#5 即係追唔追得返?
- #7 [奸人堅], 21-08-01 22:21#4
作為精明消費者,自覺去問安心啲。 - #8 [奸人堅], 21-08-01 22:30Joeyd 兄,
追返了,大商場咁多人圍住睇,佢敢不退?^^ - #9 [joeyd], 21-08-01 23:26煙民買煙就實冇蝕又用得晒又未見加價,
非煙民未諗到。
淨係見好多加咗價,或形住佢加咗價。 - #10 [joeyd], 21-08-01 23:28堅哥,拎得返就好了。
舊年下話,今年就好難講啦,人種已變,基因突變,要小心。 - #11 [new68u], 21-08-01 23:37睇下有冇下文
八達通回覆查詢時說,根據八達通與商戶所簽訂的開戶協議,商戶只可以收取貨品的實際價錢,不能收取額外費用,如不按協議收取額外費用,如手續費等,八達通有權取消該商戶資格。
八達通公司正核實該商戶是否在接受八達通付款時有額外收取手續費,如有違反協議,將對該商戶採取合適行動。 - #12 [明天的明天], 21-08-01 23:55藥房一向專湯人。
所以我一直以來都唔幫襯藥房 - #13 [tst1800], 21-08-02 08:13我上面 # 2 話可以收附加費,
應該係錯了 Sorry Sorry. - #14 [dttmtong], 21-08-02 08:58所以我一直以來都唔幫襯藥房 x 2
前排幫老人家搵白宮痔瘡膏,一如既往介紹其他牌子又話同廠。之後搵到一間有白宮痔瘡膏,但返屋企對 package 係唔一樣,名係一樣但個 paciage 印得好差
好在唔係貴,買埋個啲 so call 同廠嘅都係幾舊水 - #15 [Dlbf], 21-08-02 09:07有啲野唔去藥房我真係唔知去邊度買,例如鉄打酒,好在我幫襯開嗰間(由先母開始幫襯咗n年)叫做唔錯。
- #16 [AndyTKO], 21-08-02 09:07呢個故事愈傳愈過㽼,一開始時居然有人傳,話用消費券用八達通付款會加收附加費,禾即時反應係商戶或八達通又點分支付嘅錢係來自消費券嘅!?
- #17 [blackboyslim], 21-08-02 09:13佢意思係咪加返3%, 即係好似信用卡畀錢咁, 因為八達通收費都幾貴, 好似貴過visa
最後修改時間: 2021-08-02 09:14:58 - #18 [tpe_ryan], 21-08-02 10:22所以我一直以來都唔幫襯藥房 x 3
近來試過貪方便去藥房買消毒碘酒,阿叔話一早冇出了
我一句都吾回就走了,行去屈記買算數 - #19 [Oldman8], 21-08-02 10:38石門這藥房我有光顧,事實在石門區此店算是平宜的一間,在未有消費券前,他已講明用八達通要收附加費,叫客比現金,因他們訂價相對低。正如很多小店買電器用信用咭付款也要收附加費。
- #20 [AndyTKO], 21-08-02 10:38一直以來,普通小店都唔裝八達通系統就係因為佢收得貴。
其實又唔好因為今次事件而一棍打死晒所有藥房,因為禾屋企附近有一間藥房一直都唔會加收八達通手續費,而且貨品收費都一直老實相宜,亦唔會昆人買貴貨或雜牌貨。
最後修改時間: 2021-08-02 10:43:22 - 下一頁 (1 of 2)
- 返回 ...