https://www.hk01.com/%E5%8D%B3%E6%99%82%E5%A8%9B%E6%A8%82/60252443/%E5%95%86%E5%8F%B0dj%E8%94%93%E5%85%92%E6%94%B6%E5%A4%A7%E4%BF%A1%E5%B0%81%E5%8D%B3%E6%97%A5%E8%A2%AB%E7%82%92-%E5%B0%8B%E5%B8%B8%E5%B7%A5%E4%BD%9C%E5%A4%A9%E7%B5%90%E6%9E%9C%E8%AE%8Alast-day
有網民猜測早前《在晴朗的一天出發》主持盧覓雪評論姜濤墮海一事受抨擊，未知任節目幕後的蔓兒是否因此事被炒魷魚。

蔓兒效力叱咤903達七年，近年為《在晴朗的一天出發》任幕後，上星期五突然被公司即日解僱。她在6月30日於IG指已加入失業大軍：「蔓兒失業了！上星期五原以為又係尋常嘅工作天，結果變咗last day～被通知嘅一刻心入邊有好多唔同嘅想法同感受湧現，但最強烈嘅一個想法就係「今日套衫唔夠靚！」失業唔緊要，最緊要靚！於是就返屋企換套衫，順便攞個紅白藍膠袋返公司執嘢~一邊執枱一邊睇返自己哪創作(on9野)，諗返呢七年多以來晴朗大大小小嘅活動………自己都真係學咗好多嘢、做咗好多嘢、成長咗好多！（同埋都老咗好多！) 」

突如其來被離職，蔓兒未有過份傷感，商台其他DJ包括阿占、阿正、朱熏等都有留言打氣：「感謝呢度令我遇見唔同嘅人同事！人嘅記憶體有限，我只會記得好人好事？？開心喺last day可以同大家一齊食飯！七年，要學嘅嘢學咗，做到嘅嘢都做咗，每日循環做同樣嘅事情有時都會諗究竟幾時先完。所以其實都知係時候轉換一下新嘅環境，不過自己都係有d迷惘同懶懶閒。所以而家咁樣都好嘅，俾啲時間同錢錢我休息吓做吓gym去吓日本。宇宙對我好好，相信佢係用最好嘅方法帶我去一個更好嘅地方，尋找更好嘅自己？(事出突然，同唔到晴朗團隊合照，遲啲有機會補返掛!)#其實俾人炒好似應該要唔開心 #但睇到兩張支票就喊唔出？ #歡迎用錢錢撻我#失業KOL？？」有網民猜測早前《在晴朗的一天出發》主持盧覓雪評論姜濤墮海一事受抨擊，未知任節目幕後的蔓兒是否因此事被炒魷魚。


最後修改時間: 2025-07-02 08:38:54

Deleted

最後修改時間: 2025-07-02 01:58:32