BN(O)簽證申請創新低！

我早陣子都話第一季急升係因為預期 NHS insurance premium 加價造成! 呢度大把聰明人仲話 會不斷增加 結果證明就係歷史不斷重複亦都好似八九六四之後，hehehurhur移民咗一排跟住就急跌，再過幾年攞到護照又大批大批回流!

https://www.youtube.com/live/PK4zDmNKnws?si=50clcwejN1OtIl7C

最後修改時間: 2024-08-23 15:17:20

#5 呢段舊片係講第一季申請BNO visa嘅情況，有九千多人，但最新胡思頻道， 提到英國內政部公佈第二季申請BNO visa人數，急跌到三千幾人，相信第三第四季，同埋2025年，只會每況餘下，根本移民潮就已經come to an end! 仲有 ，內政部公佈嘅人數只係申請人數，真真正正賣曬香港家產，移居英國嘅就只有申請人數嘅六七成，相信未來一兩年，隨著歐洲包括英國經濟更加差，攞咗BNO visa而真正會移居嘅，可能都唔夠總申請人數五成!

最後修改時間: 2024-08-23 16:21:19

其實都唔使睇什麼內政部嘅數據啦，今個暑假，得閒去旺角去尖沙咀行下，人山人海，根本就睇到好多三四十歲嘅中年男人，一望就肯定知道係英國放暑假返嚟玩嘅，拖住老婆仔女，不知玩得幾開心， 間紅茶冰室，平日都要排曬長龍， 大把回流港燦，仆入去食菠蘿包食蛋撻飲奶茶，個個食到舐舐嘴。英國喎! 由秋冬天開始落雨落到第二年春天，真正舒暢嘅只有暑假兩三個月，呢啲地方住多一兩年一定會搞到seasonal depression!

最後修改時間: 2024-08-23 16:26:04

未計其他國家
淨計 BNO VISA
210,000 人, 每人帶走 HK$500,000 (詁計) = HK$ 10500 億
仲有, 未來現金流

相信 10年-20年 先有機會醫得好.


最後修改時間: 2024-08-23 17:23:48

師兄你個數就不盡不實喇, 第一, 21萬人真係走嘅得六到七成, 第二, 21萬人裏面全部係成年人咩？ 根據英國香港人某啲協會嘅報道，大概五六萬係年青人，相信佢哋身家唔會有50萬元呀？另外，10多萬係家庭，一個家庭裏面，三分一先係男人 ，總計即係話，不過四五萬係可以拎到50萬或以上現金出嚟! 當全部呢四五萬人都好有錢呀每人拎到一百萬出嚟，都係五佰億港元!

#8, 師兄, 假設你嘅數係全對, 都係一千億多少少, 不是一萬億! 自己check下條數先再post出嚟吧 :)

而且, 事實上根本依家移民去英國嘅，就好似8964移民去加拿大嘅一樣，就係老公留返喺香港搵食，例如好似labkcable阿peter咁，兩邊走，老婆同個仔就喺英國生活， 佢就繼續喺香港搲銀! 呢啲男人根本會留返間屋喺香港，同埋檔生意都繼續喺香港。所以，根本就唔會帶走五六百億港元，我相信真係帶走嘅就有二三百億港紙咁上下! 其實睇下HKMA個網站，銀行總存款真係冇乜點跌就知道啦!

Up 乜春都無乜用喇，結果就係英美加澳股樓繼續升，中港股樓繼續跌，漏水既，漏快定漏慢都係繼續漏。總之信心愈大，傷害愈大。

我都相信一大部份攞到BC就會返嚟
但係到時又有可能另一個問題產生
有機會第時所有擁有BC嘅人都要全球徵收稅項
即係話你返到嚟香港，你繼續keep住住個Passport 冇問題，但係你要再返去攞到NHS
又或者其他Benefit 除非你持續交稅，如果唔係會有一定嘅年期取消咗你
另一方面
如果離開香港太耐
而喺香港冇交稅嘅話
當然係指某一個年齡層以下有工作能力嘅人啦
有機會要啲declare 有冇其他國籍
廉價嘅HA治療有機會要交回全費或者半費
其他社會福利亦都有可能一段時間攞唔到
例如長者生活資助綜援傷殘金公屋

英美加澳股樓繼續升，中港股樓繼續跌 x 2

我層港樓都唔知跌左幾多了

道聽途說 : E 家申請, HKSAR passport 會問你有內其他國籍

我估計香港樓價長遠政策上會維持大概平均一萬蚊一尺
建築面積計呎價大概6000至$7000
超級豪宅，當然唔計啦
偏遠地區太舊嘅樓，當然唔係
樓價太高佢哋又會撳低
太低佢又會撐返高

#15
好多嘢琴日唔會今日唔會
好多嘢你之前估唔到今日都估唔到
大家都明白
要做嘅嘢隨時可以做得到亦都擋唔到

回流，係咪講早左呢！幾年後重值吾值得回流都係靠估。女兒呢個暑假返去探朋友亦搵左份文書暑期工，本來做到九月中，八月中，成批港人抄q曬，換曬d大六人（百分百真事）。港人公屋上樓六七年，磚才吾洗兩年。慢慢港人收入下行，無錢買。磚才咁快上樓又吾洗買。整體社會財富大量流失 貧富懸殊加劇。回流？反來食下波羅包飲杯奶茶就會既。

可能大陸仔人工又平又捱得， 聽講有啲專才嚟到香港 話收三分二市價人工，又話週六週日都可以繼續返OT，咁香港仔唔夠人爭唔夠人卷，就梗係畀人炒㗎啦! 以前好日子過去㗎喇，就算未來公務員都唔使旨意年年加四五個percent人工! 一朝人大譯基本法，話最重要係政府收支平衡，亦都同時刪除公務員人工只能加不能減呢個條款，將來公務員隨時減四五成人工，唔鍾意做就唔該劈炮，即刻培養返啲新香港人，大把大陸仔大陸妹啱啱港大中大科大畢業!

最後修改時間: 2024-08-23 18:30:54