康講啲栗子好多對Wills/Probate 最弱。Will speaks from death。做錯嘢到時都死無對證！佢咪話當時嘅指示係咁囉！至於辦遺產，佢哋一般都係比啲clerk做，亂咁舞，從Probate Office 嘅 requisitions 修正再修正，不斷重複宣誓！所以搞好耐，有啲搞來搞去都唔掂！其實唔係專呢份嘅栗子，都未必搞得掂！不過唔通有生意都唔接咩？D100早上節目成日聽到佢哋promote 平安三寶，即Wills，醫療指示及enduring power of attorney。朋友從年初約到今時今日都未有消息知道幾時開班。每次問親都話未有時間表。但佢哋有繼續在網台不斷宣傳，都唔知搞乜。

人都死左嘢都講吾到靠張紙去表達遺願，在我來說其實有點搞笑。尤其那些都吾知多到有幾多家產人士。D人去爭管吾到，分錯左亦管吾到。反倒像是自己留低下來的嘢的禍。好無謂。

收得磚孽費用，負責任嘅 x 屍，唔單止係同立遺囑人見面，要觀察佢神智正唔正常，佢要求點樣把遺產安排、分配，分俾咩人咩機構，呢啲遺願可唔可行，有冇可能其中一啲做唔到或者令到目的失效，再嚴重嘅係完全令張遺囑失效或引致受益人爭產，甚至引起其他人覬覦，插手去搞搞震，呢啲就係需要精於呢瓣嘅磚孽人士。

你話只收你一千幾百嘅會唔會同你度咁多嘢？

如果你身家，子女親戚唔多，佢哋唔係壞人，咁就寫張嘢可以唔太緊張。

真係有錢人身家十億八億以上，有時亦好L 令人奇怪，立張嘢亦求L 祈祈，富人家族後人爭產仍不斷發生。

風光大葬....真係嘈 L 。。。死人！
請班扮道士係D度瞌住眼瞓鳩唸做乜呢? 播隻好聽CD啦，再吾係 Mozart K626 算啦！

葬禮不是為逝者而設， 是老死不往來的親戚一次相聚機會，風光大葬更加是社會地位的一種象徵。

無錢無債一身輕。好㗎！
走左係醫院咩儀式都吾搞最省事。

話晒年紀唔細，錢銀唔多又無樓，禾寡佬一名已經同兄姐啲細嘅交帶咗，最簡單可以無需要做乜儀式，骨灰撒大海，網上揾幾個綠色死人網站登記個名同寫少少個人資料履歷，等突然有人想揾都查到原來已經走咗。

要點安排長者身後事好過,有些忌諱,隻字不提,分分鐘俾人掉落海/花園,土葬要早响,華永隨時有位,但位置不佳,有些開明的連壽衣都揀埋,乜都唔提,就行道教,無宗教儀式,就維新教,古人仲訂定棺材,每年油漆,話添壽,好意頭

平安纸反而次要,最好在律師樓攪,免費個的,分分鐘不合程序而被推反,細節問律師

前二年朋友單身寡佬 5x歲時，老豆走咗，呀媽老人痴呆入咗護老院，樓同錢都放晒喺佢度，佢去葉x鄧立平安紙，最簡單，過晒所有嘢俾喺香港個大佬，律師費好似千幾蚊。聽佢講簡單清析安排嘅平安紙千五二千蚊內就得，聽講以前有啲老人中心有律師搞優惠方便長者，係中心搞只收一千幾百，唔知依家仲有冇。

都要睇下複吾復雜。如好 straight forward 咁應該吾難寫亦吾會好貴。如果好繁複，又多人多份；又要定好多 condition，除價錢外，寫出嚟係未真係包到晒所有可預計到的清況？或者日後真係要執行時都有難度。

搵人寫遺囑，要求平靚正云⋯⋯實實在在的告訴你，呢件係好嚴肅嘅事，唔係去買件衫著，貪平去騙多多一蚊包郵上門，曬屎唔啱，著咗上身痕出疹，後面最多掉鳩咗佢，舊腦細著衫必定係裁縫帶料辦上辦公室度身訂造，不特西裝，連恤衫都係，重向我建議，你都定做吖，幾咁好介紹^_^
我話你出俾張標俾客以我名義標5千蚊個鐘，到你肯俾返4成屬我嗰份，到時叫個裁縫留多陣度埋咯^_^
閒話休提，寫張遺囑最重要係乜？係立遺囑嘅人［如果係你］生前遺願喺佢過生後，依據呢張紙，由指定執行人把佢嘅遺願順利完成，最基本嘅就係由精於相關法例及擅長同客溝通因應個客［立遺囑人］需要而度身訂造張遺囑。

要達成呢個初心，你話要平搵騙多多級或裁縫度身訂造，悉隨尊便。

謝謝各位回覆，得益不淺。。


其實我只係想知邊間位處屯天元律師樓辦平安紙平靚正。。。

千祈唔好俾子女住,全揸現金,不要逆按揭,天一半地一半（除非無兒無女,自己全無收入）就算係俾,俾些少,當樓價3成,否則子女一定走人棄養（港人功利主義又向錢看,靠唔住）,實際經驗,仲話將老人家撒灰（非先人自願）,有些人可以做得好絕

最後修改時間: 2025-08-03 09:41:00

先俾咗仔女有辣有唔辣，佢亦有機會俾老千坤，我間接識個磚孽鎅貧友，約砲之後唔夠半年竟然正娶，痾咗舊更p k, 夾帶私逃重提離婚入狀分身家，遲早搞到似井中機要勞煩老豆出亭做證^_^

聯名有好有唔好。

子女幫老人家把關很重要，見太多老人受騙，可以開聯名戶口，兩入同時簽名才有效。

個D仔女你自己生，你自己都不能信，或信錯左，就當自己活該罷。所以信吾過的話把心一橫吾好比散左佢。

開題嗰位莽友唔再上來，分享下點處理

#23
若作為立遺囑長者兒女身份，十分同意呢個意見，上天堂前分曬去免得後人（受益者）搞餐懵未取得。

但係有句話係「親生仔不如近身錢」，若你作為長者，在生之日你想唔想d 產業及錢［派咗］去曬子女度，自己下下要同子女攞錢用，做何伯不成重俾河馬痛毆？^_^

＃18 絕對係。未死，甚至襯重後生就好分左佢（留番自己洗個D算）。吾明點解係要去到臨瓜老襯先搞，或來不及搞。大蓋驚分左D人就即時變臉罷。如係咁不如索性捐左佢算。如真係想比兒女，你未襯佢地發展期分比佢地，等佢地可以利用，亦吾使佢地諗咩計謀爭寵。。到你瓜柴佢地都近退休或已退休又如何可以利用？再者你健在分，佢地無得好嘈，好過你瓜L左係度爭。

我都分左lu!

最後修改時間: 2025-08-02 14:12:00