現在單車價錢係好離地，唔好講話成車，就連配件都貴，所以我都好耐無換任何野。

Colnago 今年贏環法、環意、UCI world。剛剛岀 UCI world 特別版，港紙二十萬有找少少，都話已經有四個香港人買咗（個幾月前）

我架未代 Mr. Colnago endorsed 嘅 C64 疫情前重有特價只係兩萬幾（frame only), 雲鵬老板話現在炒到好貴。

我有時都唔知點 justify 單車價錢，二十個我去買架二手 Ducati ：p 。

最後修改時間: 2024-10-29 14:29:45

dttmtong, 故人兩位師兄，其實我真係純粹想好奇下小布有乜特別能耐，小布多年前已離晒地咁貴，仲要現在越來越 hit，想知係咪我 miss 咗佢呢乜嘢吧。
講真我一D 都未想換車，都係MTB 啱我踩。haha

最後修改時間: 2024-10-29 14:17:48

另外 CX 口頭覆我，如果摺車可以放普通寄倉行李，其實可以唔申報

摺車我唔會買國貨，只會買幾個大牌子。我大部份時間踩馬路，散咗就真係 GG 了

都可以接受。

https://www.youtube.com/watch?app=desktop&v=QboKCYGW6eQ

#2170 九洲我唔熟路，只踩過 北九洲，都好靚，又有溫泉。

我覺得基本上任何用外變嘅都好踩過小布內 3 外 3

我用六速小布環塘都有少少吃力，心跳都爆爆地但係可以一腳上

係英國見到貴價公路車難過香港好多，但係火車站真係成日見到 local 人用 Brompton 通勤。你諗下其實 Brompton 對於佢哋收入黎講係唔平。

所以買唔買小布唔駛預佢會好好踩，諗下其實自己駛唔駛帶架摺車周圍去。我有時會揸車去英國小鎮度假，一朝早踩岀去食個早餐真係 chill 爆

如果夠腳力其實小布幾好去

最後修改時間: 2024-10-29 11:26:34

Tong 兄去邊度踩？可以的話分享下資訊

》九州，但我其實乜都未 plan. ：p

Hea 踩摺車係首選。


純粹個人經驗, 車架硬淨嘅舊dahon (cheap model Roo D7, 新款冇試過) 以摺車嚟講係十分之好踩, 前提係用105傳動, 台仔 bearing 421呤, panaracer 胎

低階原裝車都ok嘅, 吃力少少,但係調得好嘅話，都相當好踩

Birdy入門原裝車更高一班 (9 speed), 只需換對schwable kojak, 已經十分之好踩

驚喜係Flik

Topeak 出品, 原裝車踩死人，改用105傳動, 台仔 bearing 18' 呤, schwable kojak胎, 勁好踩

Brompton, 未踩過





最後修改時間: 2024-10-29 11:12:54

我無踩開單車，當初自己想要 Birdy ，但係老虎喜歡 Brompton ，夾埋我買。
用咗四年，佢比我嘅感覺係好傳統英國貨，死牛一邊頸但耐用可靠。
帶去日本玩有曬配套硬喼，軟袋（上火車用）好方便，另外街外改裝件真係睇到眼花，適合喜歡玩風格車友。
Brompton 只適合郊遊 hea 踩，當然有啲金剛腿可以原裝內變上大山。
如果貨比貨，Brompton 偏貴。

#2164 Tong 兄去邊度踩？可以的話分享下資訊，謝謝！

我自己以前都有過 dahon 摺車，但同踩 MTB 的感覺分別實在太大。。。。。。。

》所以我先問換車其實想達到乜嘢目的。香港比較細，路況唔太爛，有 MTB 基本上去曬大部份地方。又有架 dahon 其實長途同埋休閑都兼顧到。

唔好期望小布會比 Dahon 好踩，淨係小布個內變已經係又重齒距又大。當然內變對唔識維修單車嘅人有好大好處，就係唔需要點打理佢，耐用性好。

PhantomGTR 兄

得閒找些直立式單車玩下（冇坐位)，更加另類體驗。

如果比較最好同車種、或者同一騎行目的去比較

例如踩 RB 我平均速可以快小布一倍有突，跟本無得比

Brompton 同我以前架摺車速度上都輸一段距離，問題在於個齒比間距大，我自己都換咗四個 大盤去 feel 下邊種齒比適合自己。但係係摺埋同埋 commute 方面，brompton 贏曬, 可以放 boot 可以推上火車，以前架摺車跟本就唔細亦不方便通勤

所以先諗下換車目的為乜？我買黎係揸車去小鎮，然後係附近踩，又或者好似今次咁帶去日本踩

好的。唔該晒 dttmtong 師兄。
好奇問多一樣，唔計 lifestyle, 按你咁多年踩開唔同車種既經驗，你覺得小布有幾好踩，或幾唔好踩呢？

我自己以前都有過 dahon 摺車，但同踩 MTB 的感覺分別實在太大。。。。。。。

想搵架電動單車 寄去外國

》我諗你首先要搵咗邊間公司肯運電動單車同埋幾多運費。香港有人運貴價電動 MTB 返香港。因為本身係貴野所以 justify 到個運費

Phantom 兄

我係一個好多興趣嘅人，所以係好幾個同好會唔會都見到我身影

其實無乜特別原因會買小布，我個人係好喜歡 made in uk 嘅野，願意俾 premium 去買一啲大陸牌子都做到嘅摺車。

如果講摺車，我覺得 Helix 功能上同埋設計上係好好多，但我個人唔認同個位老板做生意手法，所以絕對唔會入手 Helix 亦唔睇好佢會 sustain 到。

其實除非你好專業，否則同車種不同牌子其實係速度上分別唔大，買係買個品牌、lifestyle. 如果唔 treasure 呢啲嘢其實好多大陸牌子係 road bike 或者摺車係做得非常之好。每逢有新手問我買乜嘢公路車好，我一律答買大牌子同埋自己喜歡嘅顏色和車花。

係香港、新加坡、台灣、英國者有好多 Brompton 活動，brompton 將單車由原本一樣實用嘅工具推成一種風格、－種 lifestyle, 我覺得呢個係佢地成功原因，將品牌轉營。

幾年前有人話小布專利完咗生意會大跌，但似乎又唔係咁。Brompton 剛剛係北京攪咗個英國一直攪開嘅 Brompton race , 連 Brompton CEO 都有岀席。

係好幾年前，其實我覺得 Birdy 同小布係50:50，現在感覺 Birdy 小人踩咗，反而 Helix 都見唔少，但小布真係多咗好多中年人踩。

秋天係我喜歡踩小布嘅日子，漫無目的咁踩，係露天 cafe 飲下咖啡、食個 lunch 歎杯白酒，可以欣賞平日踩 RB 無留意嘅風景，因為踩 Rb 我睇自己速度同埋心跳多啲。

最後小布係有海量咁多改件同埋後備件，真係踩一世都唔怕無零件維修的

最後修改時間: 2024-10-28 21:38:02

dttmtong師兄，

＞＞ 小布都係郊遊用，自己重有 2 架Rb, 2 架 MTB, 1 架 gravel

難得見到有位成日踩又有咁多車種嘅師兄，小弟有個想問好耐嘅問題，如果師兄有空希望師兄指教小弟。

純出於好奇，别無他意………請問小布有乜特別，很多年前已賣得特別貴？呢一兩年好似仲越來越 hit？

唔該晒先。

#2157 好似取消左呢個優惠。