不知道大家有沒有看到相關消息, 我的FB呢幾日, 基本上有7至8成內容都是跟鏟子超人有關, 可能平時都有睇開台灣新聞. 而現在整個台灣都鋪天蓋地談論同一件事 (當然三宅一生男都有少量提起).

Just in case 你未聽過, 簡單介紹一下, 就係上星期颱風樺加沙係台灣南部以下經過時帶來的大雨, 令到花蓮深山處一個早幾個月形成的堰塞湖溢流, 導致下游出口處堤防破損, 令到名為光復鄉的小鎮被大量泥石流淹蓋. 詳情可以睇 wiki:

https://zh.wikipedia.org/zh-hk/%E9%A6%AC%E5%A4%AA%E9%9E%8D%E6%BA%AA%E5%A0%B0%E5%A1%9E%E6%B9%96%E6%BA%A2%E6%B5%81

圖中可見, 水災之後, 幾乎整個鄉鎮都埋在泥石流中!

然後, 有少數人自發到光復鄉協助救災, 但一到現場看到情況, 就會發現, 只靠鄉民加市政府再加軍隊/警察都遠遠不足夠人手清理淤泥, 於是有人在網上呼籲大家去幫手, 結果真的一呼萬應. 大量男女老少從台灣各區湧到現場一起當起志工.

因為泥石流過後, 整個地區都被大概一到兩米的淤泥覆蓋, 無論戶外還是室內都冇例外, 由於淤泥又深又軟, 大型機器基本上都不能進入工作, 室內因為空間大少和佈滿雜物關係, 就更加難以使用機器, 只能夠人手把淤泥鏟出屋外. 所以絕大部份志工, 都是帶住一個鏟, 穿上水鞋手套, 就逐家逐戶幫忙清理淤泥, 亦因為咁, 所以大家開始叫佢地做鏟子超人.

下面都是隨便在網上拿來的相片, 可以見到一開始, 有些屋根本被淤泥整間淹埋. 這些要等外面的淤泥清走, 才有可能入屋.

而淹蓋高度比較少的, 就靠人力一鏟一鏟的將泥運出戶外.








最後修改時間: 2025-10-04 01:45:47

由災後兩三天開始, 響應呼籲的民眾陸陸續續進入光復鄉, 在平日工作天時都有大概1萬人, 而在9月27日台灣有連續3日假期每日湧入光復鄉嘅人數都有2-3萬人, 而且開始慢慢形成分工, 有氣有力的去鏟泥, 不夠力的負責清洗家私雜物, 懂煮飯的負責一日三餐, 有私家車/電單車的負責運送物資以及志工去偏遠地區.

然後, 早期入場的志工離開前, 亦將自己的鏟和水鞋分們別類的放係車站門口, 後來的志工只要輕裝上陣就可以. 然後有學者擔心災區有可能有傳染病, 由志工帶回市區, 結果又有志工同本地人組成消毒隊伍, 為每一個準備離開現場的志工全身消毒. 慢慢地, 整個志願救災變得有越來越有規模同秩序.

而家, 整個台灣媒體都在報導救災消息, 我唔放片上黎啦, 只要上網用以上標題已經 search 到鋪天蓋地嘅圖片和新聞.

不過, 正如我一開始所講, 可能好多後生的志工大多懂得拍照/片, 這幾天都紛紛放上社交媒體, 有時睇佢地嘅相片/影片同文字, 更加感受到災情嘅嚴重, 同埋當地居民的熱情回報.

而家佢地最經常講嘅一句說話係 "台灣最美麗的風景是人". 曾幾何時, 香港人都以自己擁有嘅公民質素自豪, 但眼見現在正一步一步被摧毀, 其實都好無奈. 只希望台灣能夠好好守住!

現在的情況, 經過一個多星期, 車站附近的大街已經清理完畢, 民居中的淤泥也清得7788, 開始做清潔和通渠工作, 但近河邊的地區依然是被一片表面已經乾涸的泥濘覆蓋, 相信還要幾星期時間慢慢處理.

https://www.facebook.com/watch?v=795618156971075

鏟子超人，值得尊敬 !!
等天救，不如自救。。。

兩黨除咗互罵，仲有就係互相推卸 ...

YT 都多人有上傳短片。。

呢件事，可見台灣樣樣事都太政治化，無得救，
只係苦了民眾 ~~

個堆唔係一般泥濘，簡直就係水泥，
乾咗掃唔走，要鋤要鏟，
大隻佬都話鏟到拉傷肌肉。



最後修改時間: 2025-10-04 11:27:55

除了清潔一下,盡一分力,又唔係超人咁自誇,救災都係要専業人士及重型機械,埋得深,都費事搞

其實公德既嘢,唔使災難時才發揮,平時見道路有凹陷不平,都可寫俾運輸署去改善

最後修改時間: 2025-10-04 11:35:55

新聞報導大多是資訊性資料, 我比較喜歡睇FB post.

現在FB看到的, 大多數都係自發參加, 又或者公司帶隊出發的, 內容大多是個人感受, 或者係經驗分享, 俾之後參加的志工參考, 睇得出佢地和當地居民嘅熱情.

呢幾日亦有好多大眾認識嘅人物參加, 包括網紅, 運動選手, 藝人, 亦有不少外國人參與, 最多人談論的應該就係李多慧, 即係由韓國來台灣做職棒啦啦隊那位.

當然, 我會知道佢地有參與, 一係佢地自己放上網, 一係有新聞媒體報導, 而大部份民眾嘅反應都係正面, 當然有好少部份人會反映佢地出現係為左擦流量之類, 但係大部份人都抱持一個心態: 當有人願意千里迢迢走入去現場, 那怕你只係幫忙一小時, 已經係一種心意, 亦能夠帶動更多人參與, 何必要根根計較?

我覺得呢個都係一個令台灣人可以團結一起嘅機會, 雖然藍白綠之間的紛爭依然激烈, 但最起碼大家都可以從救災活動中和對方多一分了解. 正如今次水災發生的地點是藍營大本營, 而參加志工的很大部份都是綠營的後生仔, 會唔會因為今次機會, 令大家可以改變對方睇法? 我唔知道, 不過有點期待.

#9

1. 鏟子超人係網民/當地災民對志工嘅一種感謝的說法, 何來"自誇"?

2. 専業人士及重型機械當然有佢地嘅用途, 但入唔到室內多間隔空間工作, 只能靠人手, 難道1/2百専業人士, 抵得上幾萬非專業志工嘅勞動力?

率性而為之，無必要有咩包袱。聽到，睇到，有感覺（呢個最重要），想去幫未幫。那怕只是一刻熱度或者幫不上甚麼。

#10

//新聞報導大多是資訊性資料, 我比較喜歡睇FB post.//

x2

同啲唔上SNS討論SNS，慳返啖氣好過。
kakaka

人性的光輝，多點贊許，少點猜忌。

中國人德性嘛，鬥爭係常態，唔會放過任何機會。。

＞＞ 我比較喜歡睇FB post.

#8 圖片，就係來自 FB，表揚 鏟子超人的帖。
肯出力助人，無論做一日定撐到底，
無賞助人，就應該值得贊許。

勝過係網上安坐家中，睇完災區超人出力影片，
就大大力批評，又話裝扮唔對，又鬧人騷首弄姿搏流量 ..
批評人時，有無望下塊鏡，邊個出現個醜惡面孔 。。

最後修改時間: 2025-10-04 16:09:07

#15 自己做唔到就硬係要挑剔人哋嘅motive，自我感覺良好一番係中華文化嘅特色

佢唔話係假新聞已經偷笑。