我從未試過好到底堂食，唔知佢哋係用咩麵。蝦子麵係蒸熟左嘅麵餅，「正宗雲吞麵」係用竹升麵，係生麵；如果果佢地堂食都係用熟麵餅，咁嗰啲就唔係雲吞麵，只係落咗雲吞餸嘅車仔麵，ching 你祈望出現落差就一啲都唔奇喇。

#581
Ching 唔好諗得太多，如討論必須贏^_^

早幾日評「好到底」係去堂食雲吞麵，並冇彈佢地嘅乾麵餅，因為冇食過，自知冇身分去評，而 Ching 急住去替佢地嘅乾麵餅辯護，只不過係我個人覺得佢有陳列乾麵餅於櫉窗出售，令人覺得係比普通賣粥麵舖頭採用嘅麵水準高d, 加上招牌係「好到底」，期望堂食嘅麵應該係合符招牌，到上枱及之後食至知原來只係個人美麗嘅誤會^_^

"世伯話自己唔食嘅就唔好比人食"

今時今日就叫同理心，再"高深"就話 empahty，但有幾多知道又實行？以前 D人唔識講，但用行動做出來。

最後修改時間: 2023-02-08 18:27:14

#578

小弟用「見仁見智」係想 set aside 好到底嘅雲吞麵到底好唔好食，我想補充一句佢哋某隻乾麵餅好好食。

傳統食品，可以話人人心中有把尺，但係咪每個人嘅尺度都一樣？唔一樣點叫客觀？

一般嘅潮州麵店，佢哋個湯係奶白色，肯定唔係大地魚蝦殼湯，咁佢哋嘅雲吞麵仲係咪雲吞麵？你當然可以話嗰啲唔入流，但好多人心中唔會否定嗰碗係咪雲吞麵。

在歷史脈絡下，有位廣州人「發明」雲吞麵，發展到而家，成行成市嘅雲吞麵仲係咪叫得做雲吞麵？就算麥字頭嘅，每間湯水都唔同，佢哋係咪背叛咗雲吞麵呢個名？

在下不才，唔敢再同你討論落去，你叻你啱晒。

以前嘅麵，普遍都有返咁上下，但果支大大支蠔油就麻麻。

小學同學屋企賣雲吞麵，見佢哋逐隻蝦挑腸，世伯話自己唔食嘅就唔好比人食。

＞＞講真有D太鹹

澄清少少，其實以前啤酒樽裝個D蠔油無現在個D咁喊（同一份量計）。只係個時落得頗多（覆蓋好多係麵的面頭），所以說鹹。其實現在個D落少過以前都已幾鹹。

#567
「雲吞麵有客觀標準咁神奇?有冇份業界嘅標準 specification 嚟睇睇?譬如雲吞皮厚薄要幾多mm?可接受 +/- 幾多誤差?拉力/韌度又如何?
有啲嘢唔想得失人，不置可否，就會用見仁見智來輕輕帶過。」

唔怪之得有一期「雲吞成」到處開，遵從呢位論者所述，毋須任何賣雲吞麵俾人食嘅標準，總之就俾碗有水浸住有幾粒（大大粒）雲吞形狀嘅嘢同麵俾客，「雲吞成」呢類出品印象係老懵懂為禍腥港之後出現，有一定歷史但呢度尚未見到有論者讚過，可唔可以指未合本題「好食雲吞麵」之客觀標準？

當然亦可以話未試過食所以冇討論，或者食過「雲吞成」出品，但冇印象，所以冇參與討論及欣賞。

用見仁見智輕輕帶過係避免得失人，過慮了，但用喺另一題關於十九歲的電影則幾啱用^_^

... ...啤酒樽裝個D
＞＞＞＞＞＞

以前多數雲吞麵店用"寶生？油莊"，廠在灣仔日街。
現在"寶生蠔油莊"是否已經無了？

＞口味問題

細路仔時食蠔撈都幾多蠔油（啤酒樽裝個D，其實同現在家用D味有D吾同），講真有D太鹹，但當時年代有個D食真係經已好開心。通常係有親戚帶我去食，又或者屋企D人打牌叫外賣（連碟同鐵蓋送上樓個D）。現在好少食，自己整都好少，所以係食個種回憶感多D。

我浦 新蒲光 浦到成20歲，當日 英記 未開，有時間都想試吓。
二十幾年前我成日去 大隻佬，佢哋唔係 麥氏 果種做法，我只係喜歡佢有個辣汁撈麵。

https://hk.news.yahoo.com/%E9%9B%B2%E5%90%9E%E9%BA%B5-%E9%97%9C%E6%B3%A8%E7%B5%84-%E4%BD%90%E6%95%A6-%E5%A4%AA%E5%AD%90-%E5%8D%81%E5%A4%A7%E7%A2%97-%E4%B8%AD%E7%92%B0-%E9%BA%A5%E5%A5%80%E8%A8%98-223120697.html

雲吞麵名店｜5大必食雲吞麵關注組力捧 太子十大碗/中環50年老字號/元朗重開大隻佬麵店
城中不乏雲吞麵名店老字號，Yahoo Food精選五家雲吞麵名店，雲吞大小得宜，有散尾，麵質爽彈無鹼水味，湯底有大地魚香，絕對值得一試。

呢個係口味問題，我大概小學開始，食茶樓腸粉，煲仔飯 蒸魚 唔落豉油，因為覺得會冚咗原有味道，話我唔食豉油又唔係，因為食魚生我又比一般人點更多豉油。

最後修改時間: 2023-02-08 14:45:02

細路仔時有得蠔撈好滿足㗎啦。

我唔係好接受蠔油，出街食只會要腩汁，屋企就落麻油。

我通常去鵝頸街市車仔麵檔食撈麵，因佢有落豬油。

有埋蝦殼湯就十分完美!

食完

『但衡量一碗雲吞麵合唔合格嘅標準係客觀嘅，如雲吞皮厚薄，粒雲吞用料鮮唔鮮，入便採用嘅蝦，豬肉比例，有冇爆開，用嘅麵質量，有冇淥起過水去減少鹼水味，d 湯鮮唔鮮，例如有冇加入蝦殼，大地魚，有冇灑幾粒 枸 黃喺碗面，上枱熱唔熱，凡此種種，係檢定一碗雲吞麵嘅客觀標準，並非咩嘢見仁見智。』


雲吞麵有客觀標準咁神奇？有冇份業界嘅標準 specification 嚟睇睇？譬如雲吞皮厚薄要幾多mm？可接受 +/- 幾多誤差？拉力/韌度又如何？


有啲嘢唔想得失人，不置可否，就會用見仁見智來輕輕帶過。

蠔油撈麵正呀！聽日整比自己食。要撈粗。

最後修改時間: 2023-02-07 11:55:53

印象中，細個在徙置區食碗蠔油撈麵已經係極品。
大個先知，超!冇餸嘅。
自己人越大(老)越不知足。