#1359 一日一百架，每次三日，好快就會放寛到過千

＞＞＞ "最後係由兩個交通督導員俗稱（咖啡）過嚟調停，佢朋友同交通督導員講呢一單係普通嘅Traffic complain 之後並沒有發出任何告票情況下俾佢離開"

咁就放佢走。11月後可能掉轉頭告投訴嗰個？！

到時究竟有幾多南下…

11月開始會有更多奇聞

泊車上行人道，行上單車俓，駛入公園球埸

11月開始會有更多奇聞 ，例如有司機逆線行車重要話做乜愚村掉轉行係唔啱，公安都無佢符

自稱律師, 知法犯法.

事發:2025年7月1號
時間:下午4:50左右
地點:窩打老道往廣華醫院方向準備左轉砵蘭街
事件經過:
本人駕駛車輛去到該位置準備左轉砵蘭街，前車打死火燈停底，我部車喺佢後邊我以為佢落人就開車走就等一等佢。點知佢老婆落咗車佢都唔肯走我就響咹，佢仍然唔肯走我落車向前車了解發生咩事，佢太太一見我落車再同我講：「佢哋而家喺入邊買緊嘢」叫我抽部車出去。
如果出面唔係單白線成件事係冇問題嘅，佢老公一落車就兇我問我：做乜撚嘢？ 我咪同佢講你阻住我囉，佢叫我抽出去入返去，我咪同佢講單白線扣分罰錢，佢就話：「你扣分關我咩事？」
呢下我真係着咗，令到我報警繼續留低同佢爭論，期間該男司機敲打我車窗，又擅自開我車門，又自稱律師要同我玩大佢，仲又話自己「秒秒鐘幾十萬上落」
當我問佢有關律師嘅嘢，佢就變咗NPC淨係不斷話「關我撚事」
等待警方期間，佢叫咗佢個朋友過嚟，我冇拍片留低車牌，不過該男士疑似警察向我了解過程，佢朋友聽到都冇聲出，我諗佢心入邊應該都諗緊點解我有個咁戇鳩嘅朋友。
最後係由兩個交通督導員俗稱（咖啡）過嚟調停，佢朋友同交通督導員講呢一單係普通嘅Traffic complain 之後並沒有發出任何告票情況下俾佢離開
歡迎AJ1205車主本人上嚟討回公道，影得你都幾靚仔，野又唔敢講又腳震震，仲要老婆知你笠水提你唔好腳震，搵個朋友過嚟幫你壯膽。如果你真係律師作為律師你都係全港最失敗既律師，秒秒鐘幾十萬上落嘅律師，你仲勁過青洪，點解律師界見都未見過你？

最後修改時間: 2025-07-02 14:18:10

仲以為係拍黑社會片
U turn, 撞完再撞
---
銅鑼灣禮頓道女司機駕T牌私家車失事　剷行人路撞地產舖釀一傷

銅鑼灣發生驚險車禍。今午（27日）約4時09分，一輛掛有試車牌照「T牌」的私家車，沿禮頓道西行；途至禮頓道32號對開時，失控剷上行人路，再撞向一間地產舖，多名途人見狀報警。救援人員趕至，證實該車一名75歲姓譚男乘客男子眼、頸、肩及腳受輕傷，由救護車送往瑪麗醫院救治。私家車71歲姓馬女司機則幸無受傷。

現場照片和影片顯示，意外後一名男子坐於私家車後座，該車車頭泵把鬆脫；地產舖玻璃爆裂，滿地玻璃碎及雜物。多名消防員到場穩定車身及拯救傷者，亦有大批途人圍觀。

西九龍公路客貨車直撞消防車 44歲男司機不治

西九龍公路發生車禍。今日（13日）下午2時許，一輛貨車沿西九龍公路行駛，駛至近油麻地支路時發生車禍，一輛消防車於西九龍公路往新界方向現場處理期間，卻被一輛客貨車撞到。客貨車車頭嚴重損毀，橫亘路中，司機受傷昏迷。消防員見狀立即落車救援，再由救護車將司機送往廣華醫院搶救，可惜最終不治。警員正在調查意外成因。

https://www.facebook.com/boscochu531/videos/1004616738215015

近期唔少嚴重交通意外都涉及非華矞司機！

#1350 南亞外賣車，真係睇小眼都撞。

妖，吾好害人丫！

倫敦市中心係趕但唔算亂黎，倫敦外圍greater london 係又趕又狼亂咁黎；市中心都係巴士的士uber多，入市中心要俾十幾磅泊車又貴好多外圍既車係唔會入去，但倫敦外圍多外來人口，馬路就變到亂咁黎，d迴旋處日撞夜撞，每次駛過都好似隨時會俾人撞死咁，小路對頭車慣性踩過對面又係老逢既

倫敦我又唔覺好急，因為好多地方都係限20 miles. 去到外圍少少開始多 pk 無視限速，剛剛揸完都有兩次被人係路肩/巴士線超車

不過倫敦唔算揸得多，都係十零廿次左右。Bristol 反而印象麻麻，上次被架 deliveroo 係我靠左泊位時左面高速扒頭，好在有望鏡

上斜都咁？發瘟定撞車前司機已經暈咗？