$900 真係好抵

剛剛只錶過咗保養先壞，Chrono 返廠起碼七八仟落樓，好在 BT 自動 waive 咗當保養期內

剛放低隻vintage Tissot 俾大方表行，費用Hkd650，一星期後攞。順便問下Rolex day-date抹油收費，報Hkd1300。

想知如果Rolex 或其他表俾出面抹過油或維修，遇幾年再上行，唔知佢地會點對待呢。

有個 friend 早幾年攞隻有小秒針的 Panerai 自家機芯潛水錶俾大方overhaul，大方話擔心拆小秒針時整 爛/壞 支針祇能局部抹油(不拆針，祇清潔開錶底后可拆走的零件如: barrel spring、pallet fork......etc.)，抹油后行走暢順準確但錶底有條 deep scratch mark，原因係 Panerai 正品 case opener 用的 dies 幾仟蚊冇買到，淘寶貨尺寸有偏差手扭時滑脱失手了，結果維修費減幾佰送免費拋光但花痕太深永遠在錶底。

宜家買乜嘢二手表都會比人拆骨睇吓先，然後再做 service 先至載。所以開隻表睇吓係冇問題，廠一樣會 service 二手表。

入面有非原廠 parts 先至係問題。

如果隻手表係貴貴，覺得比廠 service 會好啲。一來全部原廠 parts，工序，理論上可以還原返出廠規格，二來 service 時，如果隻貴貴手表比賊人偷竊咗，廠家賠得起。

自己隻豆泥架生日日載，又崩又花可能仲有少少銹添。前後比廠 service 咗3次。第一次$2千，第二次$3千，上一次$6千，今次擔心太刺激啦唯有一搏。



最後修改時間: 2025-04-15 17:22:16

依家上行抹油，維修等真係好貴！PP 啲萬年暦萬幾兩萬蚊！Complicated watch 冇信心比出面做，佢哋亦都未必識，頂硬上！Looking back 喱啲collections 係一種負擔，起碼咁講，要照顧佢！唉，依家啲scams又犀利，真唔知邊度靠得住賣！

我會拎返行抹, 安心唔使煩。