記得第一次去 神戶北野, 陪太太去 Tashaki 工場買珍珠, 太太同兩個 parters , 響房仔揀一串串 d 珠, 我識條鐵, on 居居咁睇佢地揀珠, 日本仔完全不在現場, 任你揀, 應該會有 video mon 住, 卒之學識 d 珠大致當然大粒好, 亦要計皮要厚, 色擇光潤, 夠圓, 唔好生瘡, 大細粒粒一樣, 微粉紅色就靚貨值錢。 第日, 佢地再去買珠, 我就自己搭 JR 去 秋葉原睇電子野, 大鄉里首次見到 d Blackgate caps, 比個價錢嚇親, 那時, d 商場行木樓梯上去, d 擋口十足 華強北咁, 一個個玻璃櫃台, 滿是香港幾十年前買唔到的五光十色電子野, 零件有得賣唔出奇, 最有印象的是一擋專賣 原日本機裡頭的金屬配件, 真是大開眼界。 又響街口 買左好多隻 原板 CD, 冇殼, 冇招紙, 幾蚊隻 only, 有古典, 有流行歐西 名曲, Kobe, 還未被地震整市破壞, 地鐵站鄰是 SoGo , 現在日本 SoGo 都破了產, 消失了, 咁就幾十年, Time fries。

N年前已經係電視睇到旅遊片話東京搭車係2個世界，9點之前係返工人仕迫到爆，9點之後先至係遊客。入哂腦所以唔會9點之前搭車因為可以迫得好犀利。

東京差唔多所有遊客 related 嘅節目都係9am 先開始。如果怕趕唔切，可以考慮住新宿或者東京站因為大部分交通工具岀發點都係個度。

日本公幹，週末行街, 週日回港
通常上野食完早餐行街市，往南御徒町去Montbell
再行去秋葉原…

日本咖啡室早餐, 多士(厚身) & 沙律好食, 跟香港茶餐廳早餐完全兩回事.

最中意坐單座, 觀看窗外人生百態



最後修改時間: 2025-11-03 11:43:54

上野站外有間coffee shop, 睇住上班人潮出站

咪就係
東京周街咖啡室有得食西式早餐
甚至有得樓上有早餐自助餐，有分和式西式，我記得都喺千幾丹

食完坐地鐵唔喺好多人者

如果只係人多比較擠迫，未去到沙甸魚式人夾人，都可以接受嘅，收工金鐘站都係咁上下啦
我睇返啲十年前嘅youtube片段，真係好恐怖^^!

何必同上班人士逼？嘆個靚早餐先

7-9am 咁早出門 ?
東京 23區 加埋成千個鐵路站, 有一兩個站在最繁忙時段要推人入車廂, 並非奇事, 但不代表所有車站.
池袋係大陸人聚集地.
池袋好多人, 因為有好多條鐵路線, 人係多, 但從來未見過要推人入車廂.

//因為我上網search左好多，好多論壇都話7-9am人多到要工作人員推人入地鐵車箱//

查實問嚟係咪想確認，去體驗一番？
而家痴漢會比人舉報拉硬㗎！

係呀，d人都話埼京線, 山手線超人多，但就冇講邊個站

我已經好耐冇去 池袋，唔敢講實，我住開 東京站 附近 京橋駅，shopping 就 銀座，新宿。涉谷，出入多數撘地鐵，就算繁忙時間都唔算太擠擁。
剛剛想起上年繁忙時間試過係 涉谷 撘 山手線，又真係幾擠擁，但係未至於要站員推人入車。

#thx DIbf hing
因為我上網search左好多，好多論壇都話7-9am人多到要工作人員推人入地鐵車箱，utube也有，但d論壇貼/utube都係201x年的，驚而家都係咁迫，所以問下，睇下需唔需要轉另一車站的酒店

係咪都係多人到推人入去？

=============
唔會咁逼人啦！

想問下各位，依家東京繁忙時間搭地鐵係咪都係多人到推人入去？
我住池袋，請問呢個站係咪重災區？
有冇邊幾個站係會比較冇咁逼？
謝謝

#3634 超市如果多人排隊，可以成堆"神沙"倒哂入去; 佢會嘔返多咗嘅出來。

日本好多老人家仲用緊舊式手機（特別係鄉下地方）即係唔可以裝Apps果種，什麼電子支付真係多摩阿尼阿多，所以佢哋發展出自動 收費/數散子 機。

香港不同外面/大陸,泰半係小商販,收八達通支付寶等電子貨幣,有額外成本.利錢本就微薄, 不收電子貨幣也合理.

最後修改時間: 2025-06-24 13:51:50

零售/食店收錢係好繁瑣濕碎的事情.

東京好多超市/部份食店就有"現金收銀機", 收硬幣及紙幣以及找贖工作, 以代替收銀員; 由一円硬幣到一千円紙幣都收 (5千, 一萬円紙幣可能吾收). 每次去東京玩, 都會到超市駛左D "神沙"; 對住部機, 慢慢入銀仔冇壓力.

香港既店舖如果只收現金, 店員這方面好多時付帶煩厭的態度, 還會加入一限制 , 例如不收毫子, 不收大紙($500, $1000).

香港人喜歡出外旅遊消費, 不同地方的結賬方式也是旅遊體驗的一部份.