呢隻嘢，基本上符合我嘅要求，包括...

千鬆啲嘅價位
電力持久
防水度高
音質唔差
體積唔大

所以，又俾老虎閙咗一鑊！

呢隻野，唔算旗艦級別，但規格唔弱，有齊...

10小時單次連續使用（我由8點返工一直用到6點收工先至提我low battery）

IP68級別防水（可以同佢一齊冲凉）

ANC功能（效果還可以，但寧靜度似乎唔及Sony XM4但效果唔太影響音質）

超快連線及穩定性尚可以（用咗3日未試過甩線）

軟件好用有10段EQ調校。

早排去睇下yamaha headphone,
個sales哥哥仔話新的藍牙5.2 靚聲過 5.1 好多
唔知真唔真
有冇ching試過？

＞ #43

真!

通話質素冇仔細比較，但初步印象應該冇乜唔妥。

最重要嘅音質表現，初開聲時感覺麻麻，包括低音唔似JBL嘅招牌低音，人聲薄，高音光輝，幾乎想丟咗佢，不過整體表現聽得出係有優點嘅，希望可以煲熟咗之後有唔同嘅表現。

用咗3日（唔係煲，係正常使用）之後終於可以見到有明顯嘅改善，包括JBL嘅招牌低音終於出返嚟，偏薄及冷嘅中高音質亦圓潤咗可以接受，正如有YouTuber 評佢分析力唔錯係正確嘅，高中低真係分得好清楚結實，音場方面亦算寛濶但又唔係太寛，起碼不及Sony XM4嘅音場表現。

可能音色改變跟禾嘅 EQ setting有關都未定，禾刻意推高咗中低頻段（JBL有10段均衡設定）。

藍牙耳機, 不要太注重"帶感"

好多人忽略"防干擾"功能

市面上好多貴架耳機 , 出到旺角或坐地鐵, "干擾"超大

5.2版就係改良版嘅5.0，抗干擾能力已經大幅提升，不過又好奇怪，禾呢隻JBL仍然係採用舊版5.0但出奇地又好穩定3日來未斷過pairing，另外又唔明點解JBL唔出5.2版，會唔會同採用嘅晶片有關？

仲有，JBL一直都唔支援aptx或LDAC高清格式，真係吹Q脹！

最後修改時間: 2022-09-08 13:48:45

朋友推薦買左隻Noble,帶得幾舒服, 聲音以藍牙耳機來講係發燒級了!

Noble? 千萬千萬唔係買, 垃圾級水平, 香港地無乜邊度佢唔斷線嘅
聲音可以但係如果你唔介意好似係90年代嘅打碟disco, D音樂一片停, 一邊有條P.K. 係咁九 up既可以買
我求其一對小米或者Jlab 低班嘢都KO 佢
師兄, 你朋友冇試過其他品牌啫

最後修改時間: 2022-09-09 14:14:28

推介 Noble 的是朋友？似仇人多啲！

買過D幾百蚊耳機, 一隻一跌就死左, 一隻無喇喇無聲

之後買D百幾蚊算,質素亦都唔差(識揀的話)

我隻耳仔吾多岩 Apple Pod 那種開放式，成日鬆跌出嚟。

我鐘意有無線充的盒，就咁放上去 charger 就得。

最後修改時間: 2022-09-10 08:24:18

幾舊水我建議Nothing Ear1

禾屋企有三副BT耳機，最好聲功能最強電力最持久戴得最舒服技術最先進但又最貴嘅係Sony XM4，其次係JBL，最差（其實一啲都唔差，級數唔同，祇係比較下係三款中包尾）係Sony C500但佢係最平。

XM4俾老婆用，自己用JBL，C500暫作收藏品。

我想搵隻幾舊水既主要用來室外講電話用. 原本有隻B&O E8 點知部仆街小米就永遠都CONNECT唔到. 生平未用過部電話衰得過佢.

我同老虎都係用 煲屎 跑步，舒服穩妥，音質可以，上一款（好聲啲不過大隻啲）我用左幾年一邊瓜咗（我估係死電池），上官網問吓，有得七折舊換新，可以啦！

想買 Sony 呢隻外置喇叭耳機踩單車，但係戴得唔舒服。