請問有冇師兄知道Chord Dave 解碼可到那處維修，購自二手店舖，都唔知行定水貨，謝謝!

from google:

https://www.letsgoaudio.com/pages/warranty-c

DigiBrave Hong Kong Limited
地址：香港柴灣嘉業街 18 號明報工業大廈 B 座 1012 室

收到，謝謝！

Digibrave 維修Chord服務一流，唯一缺點係隔涉啲

佢哋搞唔掂嘅嘢多數都會寄返英國總部，如果係佢哋生產嘅問題，會免費同你整（就算係水貨，英國佬未必會理），損耗品就收返你少少錢

Chord喺香港嘅維修做得好好，水貨我就未試過，但係我聽過咁多老友講，就算寄返英國總部整，收費都好合理，我自己就拎過一部行貨過晒保養Hugo 2去整，右邊聲道啪啪啪好似跳火咁響。Digibrave二話不說就send返去英國總部，換咗塊底板，免費（唔好忘記係過晒保養） ，係我自己要求換電先至收返我幾舊水

Dave作為頂班旗艦，一定係經Digibrave寄返去英國整最安心，唔使太擔心要洗好多錢。如果求其搵個本地人整，整壞咗就血本無歸。

多謝師兄資訊！
因為二手買回來，用了兩年，使用中，背面突然出煙，希望可以合理收費地維修到，謝謝。

睇返Dave嘅線路佈局，真係好睇係邊一個位出煙

唯一有機會可以響香港甚至自己整到，就係燒咗電源輸入下方嗰個電源Filter (咁啲煙就應該集中響電源輸入附近)

我以前見過一部機響嗰個位燒咗，成因係機主住村屋，村屋被雷擊中，就係燒咗呢個電源Filter，換咗就冇晒事

近日都有行雷閃電。

如果真係淨係燒咗呢一隻filter，可以對返編號去RS訂返一模一樣嘅貨色自己換

其餘嘅位置如果淨係機背出煙機頂嗰啲散熱窿冇煙出，最接近機背嘅就係主機板，燒主機板只可以寄返英國整。不過奇怪在，如果燒主板，照計機頂啲窿都應該有煙出。