很多不知名耳機廠標榜十九幾個單元，而且越多單元越貴，我就唔覺得係一種「進步」或「進化」，耳機小小「音箱」，塞入十九幾個單元，會唔會好聲？有乜意義？高中低音音會唔會consistent ？Sennheiser IE900 係旗艦耳機，一間歷史悠久有實力的耳機廠都唔會標榜十九幾個單元，而且出價只係一萬，如果以Sennheiser 作為benchmark，標榜十九幾單元的耳機廠不外乎係玩緊gimmick，出盡計仔去賺錢。

我話Head-Fi 市場係騙局，主要原因係「音質與價錢不相稱」。

响呢度就唔討論那些言論是否「陰謀論」啦，很多時揭露真相與陰謀論只是一線之差，很多時「打壓陰謀論」與「為了保護自己利益而打壓言論」只是一線之差，你覺得我對PW 的批評係咪陰謀論呢？總之，以理據去證明的，你管他是陰謀還是陽謀，大家睇理據自行判斷，並不是所有與主流意見不同的就是陰謀論。

每個人價值觀唔同。有冇人用支鎗指住佢買就得。
"高級"消費品可能賣心理多過實質 "value"。呢條耳機線賣 $1700、$5700都唔會有人討論。叫價 $57000就多人講。有人自願真金白銀賣嘅價就係佢嘅"價", regardless其他人與得值唔值。
我覺得最唔"值"嘅商品係鑽石!!從來未聽過人買 GIA cert, 乜D乜E乜IF 鑽石去做D實際工作--e.g.打磨!!??
無實際用途嘅商品都可以有價有事。用"貴價"買條線都至少可以聽，又可以俾人知道條線咁貴。用Vertu打電話清D？呢樣就係商品對於某些人嘅價值。仲有郵票、名畫、藝術品。

ich 兄正正講出點解人會買或賣「物非所值」嘅嘢，因為佢哋係買賣「虛榮」，啲靚仔帶住幾皮野耳機出街，口口聲聲話靚聲，其實係虛榮，「你睇吓我3皮野嘅耳機加5皮野嘅PW」，行出街簡直人生高峰，Vertu 如是，鑽石如是；而啲賣家就用高定價去提升自己品牌的「地位」、「虛榮感」。

現今世界，能夠搵寫手寫下，定價5萬幾能賣出1000條，俾10萬寫手, fihi 雜誌廣告費使100 個，除笨有精吖，部分用家有銀遮，唔係個個有機會有時間心機逐樣試，大多根本亦冇得試．睇雜誌取料好容易上當，得咗

隔離，周不時有人話，我升級咗條咩線，當堂一天光曬

我心諗，你2年再講依句話5面紅至算喇，10個有9個2年後咩線都再換過曬，咩一天光曬，笑死

最後修改時間: 2023-01-25 20:47:24

個荷包（買咗條線），一天就乾曬^_^

其實冇乜特別出奇. Crystal cable da vinci, nordost odin gold…咪又係閒閒地十幾萬以上又係咁. 耳機線五雞幾其實唔算好貴啦, 如果有二手市場其實冇咩所謂.

最後修改時間: 2023-01-25 21:20:22

個世界好大，你講值吾值，果班都係用既人
有d人買番黎係擺，到埋單果日都未用過
虛榮都要果班人走埋一齊先有虛榮
你試下拎個幾十萬手袋落街市買菜，吾會有虛榮
抵吾抵值吾值本身吾係商品唯一既指標
要講真係值，一蚊條線都出到聲，點解要比10蚊，如果人既行為係咁，咁就乜都無市場，又或者打緊世界大戰
頭先講陰謀論我吾係指邊個係，我只係講人類係有班人吾用常理去思考，所以幾無厘頭既野都有人買，你吾買只不過你吾係果種人


最後修改時間: 2023-01-25 22:15:10

唔係話唔可以買貴少少既野，但係5萬蚊買一條耳機線係太過離地。有sense 都知一定唔值。

我自己由兩聲道玩到head fi，我就覺得宜家好多head fi產品特別係線材真係明劏你，五皮幾一條米半耳機線？莫講siltech，crystal同transparent，就算Kondo果條Dita耳機線都未叫到呢個價。

佢有權訂價，10萬一條都可以。成本同訂價可以無開關係。佢訂價有佢嘅目標客群，5萬幾應該唔係打算賣比一般人。
我假設買得5萬蚊條線，個耳機無返30萬以上都配唔起條線。

諗吓諗吓似係廣告

下個月出條入門版，搵個寫手up吓 ： 雖然係入門版，竟然有旗艦8成功力，索價只係萬零，証明廠方相當克己

ich 兄正正講出點解人會買或賣「物非所值」嘅嘢，因為佢哋係買賣「虛榮」，啲靚仔帶住幾皮野耳機出街，口口聲聲話靚聲，其實係虛榮，「你睇吓我3皮野嘅耳機加5皮野嘅PW」，行出街簡直人生高峰，Vertu 如是，鑽石如是；而啲賣家就用高定價去提升自己品牌的「地位」、「虛榮感」。

＞＞ hi fi 咪一樣有呢啲人，重為數唔少係老野。

利申返先，我唔玩耳機。玩 hi fi 我認有時係虛榮感架，我揀 speaker 太醜樣－般都唔會諗。

你睇大牌子喇叭現在做到幾靚，其實做到好平實會平好多好多 bo, 咁係咪虛榮？

記得以前玩 Proac ebony 木皮要加錢呀，木皮唔係木都要加錢。當然有人話好聲啲，話個密度唔同 ：p 我就好簡單覺得 ebony 靚咪加錢囉 ：p

最後修改時間: 2023-01-26 06:29:46

買車又係另一個例子，大把老野鍾意揸 Benz, 咁係咪虛榮？揸架日本前七都得架，S class 點 justfy 貴 c class 咁多？

想帶岀嘅係虛榮心唔一定靚仔先會有，我覺得每個人唔多唔少都會有或者都會經歷過。

有錢嘅我都想虛榮－下，可惜我無咪唯有乖乖地玩 naim, 信奉 ‘名’ 教用原廠雞線嘅‘教義’

剛剛係二手區見到，原來短過耳機線嘅 jumper 都可以幾貴

真係貧窮限制想象 ：p

SR fuse 香港 hi fi 友玩咗好多年啦，－條幾 cm 線賣$2000

不論老嫩、不論商品性質,一件產品嘅“訂價”可以同佢成本冇線性關係,或者可以講唔能夠由成本有一條formula去計出訂價.可能商家特登訂一個天價去吸引人注意.用訂價制做宣傳.後生嘅又可以笑HiFi發燒友老餅食古不化,用天價買幾粒號稱“量子”、pseudo scientific 名稱嘅配件.仲有流動電話,老老嫩嫩都有人緊貼商家新產品,甚至甘心用超過訂價好多去第一時間買.女性用品市場、民生用品,以致街市海鮮,有邊樣用品嘅訂價同成本有linear 或exponential, complex polynomial formula relationship?
我都有買名牌絲巾俾老婆、名牌銀包,全部係市價2-3成.絕對係崇尚牌子,2-3成係成本幾多mark up? 係咪值？我俾錢時見到老婆開心嗰樣就覺得好值得.有朋友收到件訂價幾萬蚊嘅恤衫,我朋友唔要,輾轉我攞咗,話俾阿仔着.其實我嘅虛榮心只係免費有一件名牌衫,應該唔會着.
睇HiFi幾十年,近年D產品冇乜係我價值觀入面覺得“值得”買.反而想有機會買D後生時好想擁有嘅前旗艦.我都係人,都想買自己嘅夢.

最後修改時間: 2023-01-26 07:16:00

大劉玩 fihi仲貴

#32 我都係咁樣諗，五萬蚊嘅線唔係諗住賣，而係諗住幫佢嘅中價線增加cp值。呢條2萬蚊有八成頂級線的水準，係咪好抵先。

曾經睇過一個銷售心理測試，在一間戲院內賣爆谷，爆谷有大$30和小$15兩個size，有八成人會選擇小的，咁點樣可以增加大爆谷的銷量？就係將大爆谷改名做中爆谷，再新加大爆谷賣50蚊。
咁而家有大中細三款爆谷，價錢分別為50 ，30 ，15。人們就自自然然選擇30蚊的中size爆谷了。九成人會這樣選擇，得咗。

自由市場經濟，只要明碼實價，賣果位點定價都得，同成本唔需要有任何關係，市場自然會幫佢調節，唔賣得佢自然收皮，賣得嘅話扺佢發達。
要講物有所值，一隻 Casio 係功能上遠超 賣幾百萬港紙嘅名錶，咁點解唔買 Casio？幾十歲人都仲睇唔開？