想請教一下，有水貨鋪賣既價錢，可以平得過係歐洲買，唔知賣既貨有冇問題呢，會唔會係二手番新機，定其他？

完全唔出奇。
當你比較過日本相機 例如 Nikon, Sony嘅價錢就知水貨價的確平過响日本買！
主要原因係香港水貨嘅來源地未必係當地入貨。
例如我半年前買入嘅Zf 來源地係台灣。
總之水貨鋪自然有佢地辦法取得平價地方入貨為生。

Leica相機及鏡頭玩家，售價不會是一個issue.

請教#2師兄，ZF水貨除了保用外，部機完全一樣無分別，因為我正打算買部，謝

水貨平過日本真係唔奇，我以前玩 Fuji 都係咁

另外以前係日本買水貨手錶（歐洲貨）係平到喊，我都唔知佢點做到

#4.
水貨跟行貨完全無分別, 有晒中英日文介面, firmware 同樣更新到.

#3.
以前就係, 依家唔再係.
當用家明知代理食水深, 自然會選擇買水貨.
當然選擇權永遠在買方.

有的水貨會有一年保養,賣家承担,可問

我所有Leica body 同鏡都係買水貨，我同水貨店主已經好熟

因為除咗平好多之外，仲有以下幾個優點

1. 由於同個水貨店主好熟，一定有最新嘅貨(專門店等半年都未必有)，而且一定係全新未開封。以前去Leica專門店，所有貨品已經拆開咗，試過響專門店買支11663 ，front element有條花痕，但係因為嗰陣時一鏡難求，所以頂硬上要咗

2. 啲貨品買到返去有任何頭暈身熱，店主二話不說即刻換過另一件全新俾我。你要知道，Leica好多新貨都有瑕疵，例如鏡頭有時會有rangefinder calibration 問題

3. 水貨店主自己都鍾意影相，對於器材嘅認知遠遠高過專門店嗰啲售貨員

4. 啲嘢玩厭咗賣返俾佢，回收價80% (呢樣嘢好重要，你哋揀水貨商舖嘅時候一定要睇二手回收價，亦都係因為咁樣，我好少去星際嗰間水貨店，佢哋二手回收價奇低）

答返樓主 #1 問題

最好揀相熟嘅水貨店

至於會唔會係二手翻新？可以堅持要未開封嘅器材 (所有Leica產品都有灰色嘅外盒，上下開口都有一個白色圓形嘅貼紙封條，記得要檢查晒上下兩張貼紙，因為店主好多時會喺個底嗰度開）。有啲水貨店會話俾你聽要檢查吓所以開咗封，我自己就唔信，因為我自己買好多都係未開封。我正話講旺角嗰間，甚至乎會用自己嘅圓形貼紙扮Leica原廠貼紙。最離譜係有一次有支M APO 35，佢話係全新，底部M bayonet mount銀色圈有一粒螺絲扭爛咗，佢哋竟然夠膽死話係廠方故意扭爛，爛咗嗰粒螺絲係"factory seal"。以前Leica的確試過響嗰個位有一粒"L"字嘅factory seal, 但係絕對唔會故意扭爛一粒螺絲嚟到做seal。呢下真係離晒大譜。

另外，佢每一件產品外盒都有一張貼紙，有產品編號同埋出廠日期。你可以揀近期出廠嘅產品。通常新貨出廠後一個月之內就會寄到嚟香港。咁就唔驚係二手嘢。

師兄如果你有懷疑，可以影啲相上嚟俾我哋睇睇，先至再決定買唔買

我諗影唔到出嚟比大家幫眼啦，因為我估鋪頭都未必比，我考慮緊買M11-P，鋪頭就研究緊 三陽/四寶/領先。

#6 謝CodyChan師兄解答, 攪到心思思想立即買部玩下..

我都有打算想買富士相機水貨 , Fujifilm GFX100S II , 因為行貨太貴 , 打算買水貨嚟用 , 唔知出邊啲水貨舖舖頭 , 會唔會出蠱惑

最後修改時間: 2024-12-10 22:43:27

#11

如果佢哋有未開封、生產日期唔多過兩個月之前，咁就絕對OK

你講嗰幾間舖頭，我幫襯過其中一間

當時買Nikon Z9 俾我個仔，佢攞第一部俾我hot shoe有花痕，個盒啲摺位有好多裂痕

售貨員話 hot shoe 嗰啲花痕係出廠前測試嘅時候引致嘅，好多新機都有。我即刻話唔買，佢就攞咗另一部俾我，當然係冇花痕嘅。

點解會咁你自己諗啦

以前（多年前）去旺角「先施」對面間相機鋪買拉架冇問題，依家冇錢買！

最後修改時間: 2024-12-11 08:05:40

「萬成」買既最後一支M-mount 鏡$34000，其後又再買多一支；玩「拉架」真係會泥足深陷而不可自拔！
當時Leica啱啱轉數碼，出M8;
之後冇再買！

這間比較”老實”,但要先付款才拆箱試機,幾年前買P記相機,無壞,自己跌爛,现在怎樣服務就唔知,先問價無妨,好過自己闖入黑店,走得水貨,應比較大路嘢,不會存幾萬元Leica鏡呱,會滞销



最後修改時間: 2024-12-11 09:15:11

四寶有考慮，但始終唔係offical dealer，仲考慮緊貨源來源問題。

買水貨又怕唔係official dealer ？

零分，作過啦