拆散部機後，機殼還機殼電路版還電路版，拖過關過X光機，順利過關，現在部機已經寄到維修師傅手中了

我提議唔好搞咁多嘢。坦白從寬⋯⋯ 見到官扮晒可憐，誠意求情。話件架生自用，攞返大六屋企，淘寶平野，唔值乜嘢錢，可否唔使比稅。

另外可以考慮坐高鐵。個海關係香港。我以前試過帶一大堆進口水果照x-ray，跟住佢望住我。我笑笑口大叫早晨，佢放我一馬。不過係社會運動之前…….

最後修改時間: 2023-05-13 15:08:49

大陸海關係按佢地估价打税，不是按你提供的發票打税的!

依家最大問題係部機係舊貨，唔係全新貨打稅點計呢？你拎張發票出嚟就一定死得，佢諗都唔想諗就當新機價嚟計稅，而家個問題就係要到時點樣同佢講數。

琴日間過順豐，佢一聽到音響器材即刻耍手擰頭，我話拆散部機當零件得唔得，佢都係話唔得，
因為部機係由幾件電路板組成既，我依家諗住拆散當維修零件拖過去，咁樣唔知過關得唔得呢？
唔會唔會打稅或者俾唔俾過？

最後修改時間: 2023-05-13 10:30:16

係呀，順豐近年愈做愈嚴謹，上大陸野件件要開箱睇過，小小佢覺得踩界都唔唔肯上，無法啦發財立品掛。
所以話順豐肯收，包無鑊。。。

利申：自從Covid 以後，順豐再唔肯同我寄物品上大六。其他冇嘢補充^_^。

放心啦，順豐肯收，交足文件，包無鑊。

去郵局寄都得，我未試過寄大件野，一個信封裝哂，唔夠0.5kg就寄過，仲乜文件都唔使添。

我一個人捧住部機去順豐街站寄貨(佢規矩係咁)，當場開箱俾佢睇係乜東東，一個好日唔會出現街客，順豐哥哥又點分生熟客呢 ...

順豐寄貨上大陸關稅誰付

唔係喎.... 香港寄大陸，係要有香港發票，即係件貨要扮成香港出口去大陸，發票係要香港公司發出，就算係淘寶退貨都係要咁做。同順豐講淘寶還貨，佢就幫唔到您了。。

我同意如果件貨係大六新買，有大六發票，件貨又同淘寶網站一模一樣，咁樣可能冇問題。但係唔一定^_^。

一早講咗熟客熟貨唔同。

PS：我試過幫一間社福機構寄一堆年曆上大六比客人，年曆係大六印。我請順豐哥哥上嚟睇。佢見到年曆入面有祝福詩句，又係有百幾件，佢話可否唔幫手寄…..

最後修改時間: 2023-05-12 21:25:12

順豐公司寄公司仲小問題，上門收件，我地成日一箱箱寄上廠，三幾件又唔想搭單寄散貨，又急用通常都係寄順豐

上大陸海關網即時計到喎，順豐哥哥由您提供張 invoice 價錢，即該俾到要打幾多錢稅個價俾我，即時交錢，無拖無欠。

講漏咗，私人寄件返大陸係要親自上順豐街站寄，不設上門收件。



最後修改時間: 2023-05-12 21:13:21

1,順豐寄，用公司寄公司要有單有印。 佢會叫你下載h form 我記得（我寄過三次）
2.上深圳寄平郵

Covid 之後，順豐只係肯寄文件。香港熟客就幫手寄以前寄開嘅免税貨比以前收開嘅大六熟客。如果生客，如果收貨人有比身份證明文件副本，件貨又係平嘢，又係全新、又有發票，咁樣可能幫手收埋，但係唔一定。

報關有乜嘢問題，會罰順豐錢，有乜事，順豐負責任，咁樣你話順豐可以做到乜嘢？

PS: 要比幾多錢稅，從來都係一個謎。冇人肯先收代收。

最後修改時間: 2023-05-12 20:44:53

好似唔係喎，順豐不溜都有做寄件返大陸，我都寄過多次，退件返大陸，

家陣香港速遞公司，幾乎淨返順豐一間肯收大陸件，不過佢會依足規矩做，報足稅(寄件人先付)，要有 invoice (香港公司)，甚至收件人身分証。。

至於自己拖過關，我都試過，要行徵稅通道，跟手續報關，唔滿意稅額，可以寄存海關，轉頭回港拎返，
如果搏好彩行免稅通道俾佢捉到，一係乖乖交錢打稅，嫌貴唔俾錢，無得轉去存倉，佢話您存心走私，貨物充公 ..

仲有，無論行邊條通道，都係單向，無得行返轉頭，必須完成過關手續出境 。。



最後修改時間: 2023-05-12 20:08:03

買得大六嘢，要修理，預咗有排煩。少少意見：

1. 順豐唔會運。郵局肯，但係要收貨人付入口稅。收貨人唔肯比稅，件貨一係送返香港，但係多數會唔見。所以一定要用有tracking 有得賠嘅郵寄服務。
2. 相信網友一番好意。千萬不要搵人帶自己件貨過海關。Best scenario 唔見咗件貨，Worst 件貨多咗啲唔係自己啲嘢….. 無人可憐。
3. 我N年前同我媽咪每人拖一隻大Tannoy 喇叭坐船去蛇口入境。同海關傾咗一班船時間，終於收咗$700蚊人仔入口稅先比清關。以前個個都係好人。乜都可以笑哈哈。今時今日冇人知。提議自動自覺。太貴就行返轉頭。大家都冇所謂。冇需要少事化大。

有無問過順豐？佢可以寄電子產品返大陸，同您做埋報關 ..

係上水火車站搵個水貨佬，俾一二舊水，叫佢幫您帶過關，您跟住佢一齊過，過咗關交返俾您，佢地有辦法免稅免檢直過。
仲有，好似內地人回國，可以帶一部自用免稅。

當然，風險自負。。