- #1045 [DY2036], 24-02-12 16:35
- #1044 [DY2036], 24-02-12 11:42
- #1043 [DY2036], 24-02-11 22:47
除咗麻雀耍樂之外就輪到玩啤牌,鋪鋪都令到你心跳加速手心出汗嘅我諗一定係話事牌。
如圖擴音機推喇叭出聲再用mic收錄。
最後修改時間: 2024-02-11 22:48:32 -
- #1042 [DY2036], 24-02-10 20:21
有時一班人圍埋一齊打衛生麻雀,又唔使講到好似古裝片噉大家互相廝殺咁血腥嘅。不過有時都真係比較邪門,好運起上嚟你自己都唔信但係衰起上嚟真係雞糊都冇鋪食。
如圖擴音機推喇叭出聲再用mic收錄。
最後修改時間: 2024-02-10 20:22:19 - #1041 [DY2036], 24-02-10 00:15
新年流流好多好耐冇聚嘅親戚都相聚一起,咁多人喺埋個狹窄嘅空間裏面,你眼望我眼除咗有啲睇電視玩手機之外,自然其他人要搵啲活動玩舒展下身心。
如圖擴音機推喇叭出聲再用mic收錄。
最後修改時間: 2024-02-10 00:16:01 - #1040 [DY2036], 24-02-09 21:43
年卅晚歌神唱嘅神曲,每年都必定要播一播否則就好似缺少咗一啲唔知乜嘢渾身唔舒服。
如圖擴音機推喇叭出聲再用mic收錄。
最後修改時間: 2024-02-09 21:45:26 - #1039 [DY2036], 24-02-09 21:34
上個禮拜買咗啲百合花,估唔到未過年今日已經開得相當燦爛。 - #1038 [DY2036], 24-02-08 21:43
我諗過年多家庭都會買啲花返屋企,呢隻花都好熱門因為佢開花嗰陣時會令到成間屋都有一陣香氣。
如圖擴音機推喇叭出聲再用mic收錄。
最後修改時間: 2024-02-08 21:44:51 - #1037 [DY2036], 24-02-08 00:37
講到茉莉花呢隻合唱歌必然要播,呢個版本係經過擴音最後一次改良(V2)之後近期翻錄。
如圖擴音機推喇叭出聲再用mic收錄。
最後修改時間: 2024-02-08 00:38:40 - #1036 [DY2036], 24-02-06 18:56
呢個世界好奇怪,當我哋開始知道用單一頻率(1KHz)測試出嚟嘅數據唔能夠代表器材嘅整體表現嘅時候,有師兄就話用單一頻率測試出嚟嘅FFT就可以睇到器材本身嘅質素? 因為呢輪騙案比較多,當堂令我腦裏面充滿懷疑嘅問號。
如果我哋淨係睇主波到第七個諧波(比較強):
1. 係咪用任何頻率都得出相同幅度嘅FFT數據,
2. 如果唔係噉我應該睇邊個頻率作準,
3. 二次諧波(或者偶次諧波)比較大聲會比較厚,噉究竟要幾大(相對主波-XdB),
4. 如果呢個二次諧波幅度不斷加大,會唔會適得其反噉個聲又會變成點樣。
5. 奇次諧波會導致聲音尖削,噉應該細到幾多先至合適。
我求知若渴希望有高人能夠解答我呢啲無聊嘅問題。
最後修改時間: 2024-02-06 18:57:33 - #1035 [DY2036], 24-02-06 00:37
- #1034 [DY2036], 24-02-05 21:07
膽機論壇嗰邊真係越嚟越精彩。
不過我諗嚟得呢度發噏瘋嘅師兄大多數都唔係科研人員,識得用個sig. gen.同埋示波器已經唔錯。其實好多音響產品最終都係用聆聽去落實,儀器只係輔助。因為數字幾靚都好,最終都係要發聲如果佢出嚟嘅聲唔得噉又有乜意思。但係好多師兄響改良設備嘅時候冇好認真去用儀器vs聆聽作紀錄(即係好似嗰位師兄講噉嘅波形其實係乜聲噉嘅波形又係乜聲),如果製作時冇認真紀錄噉就變成咗搞咗一大輪最後好似負碌搞掂,可能佢自己問返自己乜嘢原因一時三刻都未必諗到出嚟。
不過無論理論派又好,儀器派又好又或者實聽派又好,如果自作膽機輸出牛可以做到#3485下面幅圖,我絕對相信輸出聲效唔會差。好似我研發嗰條信號線一樣,每次改動之前都一定有理論輔助(前人或者自己),先有預期嘅效果然後再製作之後再作比較肯定結果。就係噉樣重複十幾次之後,而家已經去到改無可改嘅地步,因為再諗唔到有任何理論繼續去改進。
最後修改時間: 2024-02-05 21:08:07 - #1033 [DY2036], 24-02-04 14:12
今個禮拜初去行山由寶蓮寺行去東湧,今次有充足嘅準備帶埋一支強力電筒兼且點零鐘就已經響寶蓮寺出發。一路行去到手機發射站即係可以望到東湧嗰個位置,時間約莫三点鐘咁上下。望落去好似只係一條極長嘅石級一路去到山腳,不過行起上嚟呢條石級好似落極都落唔完,終於落到去之後腳都軟埋。不過不可思議嘅事就發生咗。
因為響好多年前行呢條棧道嘅時候,因為比較輕敵兼且沿途停留過長時間喺度拍照,去到呢個手機發射站已經去到差不多五點多。但係響嗰度望落去似乎覺得半個鐘頭已經可以落到去,但唔知點解開頭以為係一條石級直落到山腳,行下行下去到中途似乎條路變咗之字形不斷往左右行,兼且兩邊啲樹同草高過個人基本上你係睇唔到出面嘅環境。天基本上越嚟越黑,我同太座只可以憑些少透過嚟嘅光睇到條路。當時大家嘅心情非常凝重只係不斷加快步伐往前行,但係唔知點解條路往左右就好長向下就唔係好多,就係噉樣行下行下都唔知咩時間突然間沖咗出樹林行到落石屎路。呢個時候再望返個天基本上都接近黑齊,心裏面大呼好彩如果天黑齊手裏又冇電筒我都唔知點算。
呢個係上次行呢條棧道嘅經歷,所以每次提起我太座都猶有餘悸。不過今次行完大家都驚覺點解條路係直落而唔係之字型往下,其實我行嗰陣時都特別留意幾時會打橫行,但係我並未發覺有一條打橫行嘅支路。呢個現象又令我諗起一個問題,呢條之字型山路究竟存唔存在?
如果我同我太座嘅記憶無錯,即是話呢條之字型山路我哋係經歷過噉點解而家唔見咗,呢個會唔會係咪平行宇宙嘅現象。又或者如果呢條之字型山路根本從來冇存在過,噉之前我哋行嗰條係乜嘢路,唔通入咗結界? 並且多得神靈保佑響天黑之前行咗出嚟。我諗呢個都係不解之謎。
最後修改時間: 2024-02-04 14:14:36 - #1032 [DY2036], 24-02-02 21:13
一連聽左幾隻用花做歌名嘅歌,噉不如聽返一隻用草做歌名嘅歌。
如圖擴音機推喇叭出聲再用mic收錄。
最後修改時間: 2024-02-02 21:13:52 - #1031 [DY2036], 24-02-01 23:18
用花草樹木做歌名嘅歌真係好多,噉究竟邊個歌手唱得比較多,一時間都好難講實係邊個。不過以我嘅印象羅記有隻碟全隻碟都係以花做歌名,創咗先河暫時後無來者。不過今次唔係播佢啲隻歌,先播一啲少眾嘅歌。
如圖擴音機推喇叭出聲再用mic收錄。
最後修改時間: 2024-02-01 23:18:40 - #1030 [DY2036], 24-01-28 16:48
用玫瑰做歌名嘅當然亦都有之前梅姐嗰隻「玫瑰玫瑰我愛你。」,亦都有呢位當紅炸子雞嘅原唱歌曲。
如圖擴音機推喇叭出聲再用mic收錄。
最後修改時間: 2024-01-28 16:49:33 - #1029 [DY2036], 24-01-21 20:14
- #1028 [DY2036], 24-01-20 22:59
買花嘅人裏面究竟男多啲啊定係女多啲,好難搵到個答案除非你係花店嘅老闆。不過呢兩類人買花嘅目的可能完全唔同,女嘅當然為咗佈置環境令自己活得舒服啲,男嘅九成都係氹女友開心先至去買花。所以花擔當咗一個好重要又特別嘅角色。
如圖擴音機推喇叭出聲再用mic收錄。
最後修改時間: 2024-01-20 22:59:47 - #1027 [新老手], 24-01-20 15:19哈哈,原來師兄你都有花時間睇啲扎脚布,其實我唔只用方波,正弦波,仲用聲音波來嚇隻牛架,不過費事講咁多,再講落去,R33啲人走清光架啦。
- #1026 [DY2036], 24-01-20 14:43
瘋人瘋語: 電容輸出
睇返膽機個論壇正係討論得如火如荼,雖然我個人唔係好推崇牛輸出,但係我都頗欣賞師兄嘅研發精神,唔俾舊嘅觀念困死自己嘅思維反而用實際的測試和聆聽去證明舊嘅觀念嘅問題所在從而再創新。呢個亦都係我響研發音響線,魔改擴音機和電源隔離牛嗰陣時嘅理念一樣,都係要打破舊思維創新另外一個新嘅概念。
講返牛作音頻介面嘅功能,以前主要都係用電子管大家明白電子管係高阻值嘅零件,喇叭係低阻值嘅負載,要將呢兩樣嘢夾埋一齊中間就需要一個介面,輸出牛就正好擔當到呢個角色,正好似嗰啲師兄話齋要隻牛低頻高頻都有一致嘅輸出呢個難度非常大。之前我研究聲道串擾呢個問題嗰陣時響大陸買咗一對輸入牛仔10K:10K玩下,雖然TB工廠講明隻牛嘅頻寬可以去到100KHz,但係我一駁上去擴音機輸入就即刻媽媽聲咁垃圾嘅即刻掹返出嚟。近期見牛呢個項目相當惹火,噉不如出嚟抽下水。我攞返嗰隻牛仔入個頻率落去睇睇究竟佢乜嘢葫蘆賣乜嘢春藥,如果用正弦波去睇佢個頻寬真係相當唔錯,但係如果你入個方波落去,明顯就唔係好似正弦波咁靚仔。耳聽為實即係用單個正弦波去測量隻牛或者甚至音響系統呢個方法純粹係自欺欺人,除非你淨係放大一啲好舊式嘅電子琴佢每次只發出一個頻率噉單一正弦波測量嘅方法可能有效。但現實嘅工作環境就係同一時間會有好多不同高低頻一齊發聲(等同方波,可能亦都係最嚴格嘅測試),咁樣不但測試咗佢對個別頻率響應亦都測試咗系統嘅非線性同埋唔同頻率之間會唔會產生差頻,方波見得人你套系統嘅聲唔會差得去邊。
其實我主要都唔係想講輸出牛呢方面因為我都唔係太熟(應該系唔識),我反而想講我處理隔籬牛嘅經驗套返落去喇叭呢個問題。事源好耐之前有師兄上嚟交流之後講我套系統嗰控制力唔係好夠,因為當時我臨時用咗100瓦隔籬牛供應畀部擴音機(因發覺分析力提高好多),雖然個分離度好左好多但係好明顯呢隻牛係不足夠。噉我即刻響TB買咗一隻1000火嘅隔籬牛專供應俾部擴音機,但係明顯啲聲都真係唔得,最後屘我將部隔離牛串接一隻DC blocker,呢個時候不但音場嘅分離度好咗加上低音明顯增強咗勁度同狠度。我都有思考呢個問題,可能電源上面真係存在一啲直流成分,而呢個直流對電源牛產生一個不可忽略固定嘅磁流對電源輸出產生壞嘅影響(特別係環牛)。其實呢個都係思考問題嘅起始,當我套返落去音響歷程裏面牛輸出、電容輸出同埋直接輸出,我就發覺好似略有所得。
牛輸出不談喇因爲我都唔係太推介,反而我特別想講講電容輸出同埋直接輸出。直接輸出顧名思義就係晶體管直接駁喇叭,但係為防止開關機或者擴音機嘅不穩定性導致大直流電燒燬喇叭所以不得不響喇叭與擴音機之間加上繼電器。但係隨著擴音機嘅輸出瓦數越嚟越大,極高嘅電流要迂迴曲折經過繼電器接點,似乎呢個繼電器亦都產生咗對擴音機音質嘅限制作用。坊間亦都有擴音機廠張繼電器轉成Mosfet,呢個解決咗大電流流通嘅問題,但係半導體畢竟係半導體佢都會產生一啲非線性嘅失真,噉佢嘅做法就係將呢一粒半導體立入埋佢負回輸嘅一部份。即係話我用一隻毒藥替代咗另一隻毒藥,但係我再用傳統嘅毒藥去減輕呢隻毒藥嘅毒性,當然呢個做法唔係太理想。就當佢呢隻毒藥係冇毒性,但係擴音機輸出絕對唔會係零,特別係隨時間消逝呢個輸出電壓可能不斷變大,而好多時保護系統嘅觸發电壓都分分鐘超過1V甚至2V。咁樣呢個直流電壓就會對低阻抗嘅低音單元產生強大的直流電流,即係話就算冇音樂輸出嘅時候喇叭低音單元有機會都被推向較前或較後嘅狀態(事乎直流輸出系正定負)。當有微弱訊號輸入嘅時候,如果喇叭已經推向前噉再向前嘅推力自然遠遠大於後向,喇叭對弱音嘅表現自然會遜色。反而如果係電容輸出(當然唔係隻隻電容都有噉嘅表現,不過亦都不是要好貴嘅電容先OK),不但解決咗繼電器接點呢個問題,喇叭永遠處於靜止嘅狀態(懸浮狀態),自然於對弱音嘅表現相當敏感,呢個亦都係我在改良擴音機嗰陣時後得出嘅結果。不過好多師兄一聽到話電容輸出,就即刻諗起低音冇力冇高音呢個現象,但係我錄咗咁多首歌一啲都唔發覺有呢個問題反而覺得高音爭啲裝唔曬。
最後修改時間: 2024-01-20 14:48:51 - 下一頁 (4 of 56)
- 返回 ...
過年前同個同事吹開水,佢話千幾文買咗隻耳筒但係佢用部DAP推好似冇乜低音,我就答嗲話我好早之前砌咗一部冇負回輸耳筒放大器(冇入盒),如果你攞部耳筒過嚟新年期間我可以用呢部耳擴試一試。就係噉一拍即合,放假前佢終於畀咗個耳筒我。其實未正式試前一日我已經將佢插落去電腦sound card嘅輸出試一試,平時我隻耳塞開幾格已經有足夠聲量,但係佢開足八成都勉強夠聲不過好薄啲低音好似唔見曬,證明呢隻耳筒相當大食。
今日太座去行山終於有時間去試試佢隻耳筒,電源係各自兩邊24V電池獨立供電,音源係用手機提供我post嗰啲音樂(比較熟悉),音效以我聽開嘅耳塞作為參考。一插上呢隻外觀同造工好似都唔錯嘅耳筒,發覺佢幾大食音量要開到頗大先至有足夠嘅音量。但係即刻發覺低音下潛不足,反應相對緩慢動感不足更導致樂器分離度變差。高音去唔盡,人聲一般,總體聲效就係冇一種吸引力去令你想繼續去聽。我隻人仔200幾文嘅耳塞可以講係範範都秒殺佢呢隻耳筒,不過呢隻耳塞用手機聽低音會有不足嘅情況,用電腦內置sound card聽低音效果會好啲不過相對分析力就會弱啲。如果用呢部耳擴聽就魚與熊掌相得益彰,不但低頻下潛更深力度更猛,動態明顯增強中高音聲底基本上不變。
對我同事嚟講呢個結果都相對殘忍,呢隻耳筒簡直就係雞肋,攞嚟自用就聽得唔舒服,擺埋一邊就嘥錢不如平啲放出去算數。
最後修改時間: 2024-02-12 16:36:58